Page Text
________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
અભિલેખે
૩૧
(૭) દેવોને પ્રિય પ્રિયદર્શી રાજા આમ કહે છે– લાંબા વખતથી રાજાઓ ઇચ્છતા કે લોકોમાં ધર્મવૃદ્ધિ કેવી રીતે થાય. પરંતુ તે થતી નહોતી. દેવોના પ્રિય પ્રિયદર્શી રાજાને થયું, લોકોમાં ધર્મવૃદ્ધિ કેવી રીતે થાય. આ બાબતમાં મને થયું, ધર્મની ઘોષણાઓ કરાવું ને ધર્મનાં અનુશાસન કરું, એ સાંભળી લોકો ધર્મ આચરશે ને વધારશે. એ માટે મેં ધર્મની ઘોષણાઓ કરાવી ને ધર્મનાં અનુશાસન ફરમાવ્યાં, રજકો વગેરેને પણ મેં એવી આજ્ઞા કરી છે. મેં ધર્મસ્તંભ કર્યા છે; ધર્મ મહામાત્ર કર્યા છે. માર્ગો પર વડ રોપાવ્યા છે, આંબાવાડીઓ રોપાવી છે. અર્ધા અર્ધા કોશે કૂવા ખોદાવ્યા છે ને વિસામા કરાવ્યા છે. અગાઉના રાજાઓએ અને મેં લોકો માટે આ સગવડો કરી છે, જેથી તેઓ ધર્માચરણ કરે.
પ્રવ્રજિતો અને ગૃહસ્થો માટે મેં ધર્મ-મહામાત્ર રોક્યા છે. તેઓને સંઘ માટે, તેમ જ બ્રાહ્મણો, આજીવિકો અને નિર્ગળ્યો (જેને) માટે તથા બીજા બધા સંપ્રદાયો માટે રોક્યા છે.
એ અને બીજા ઘણા મુખ્ય અધિકારીઓને મારા અને રાણીઓના તેમ જ કુમારો વગેરેના દાનની વહેંચણી માટે રોકવામાં આવ્યા છે.
ધર્મનાં સત્કાર્ય આ છે– દયા, દાન, સત્ય, શૌચ (પવિત્રતા), મૃદુતા અને સાધુતા (ભવાઈ). તે લોકોમાં વધશે. મેં જે સારાં કર્મ કર્યા છે તેને લોકો અનુસર્યા છે. તેથી ધર્મવૃદ્ધિ થઈ છે. તે બે રીતે થઈ છે-નિયમનથી અને ધ્યાનથી. તેમાં નિયમન નજીવું છે; ધ્યાન મહત્ત્વનું છે. આ ધર્મલિપિ એટલા માટે લખાવી છે કે એ લાંબો વખત ટકે ને મારા પુત્રો પૌત્રો વગેરે તેને અનુસરે. અભિષેકને સત્તાવીસ વર્ષ થયે મેં આ ધર્મલિપિ લખાવી છે. આ ધર્મલિપિ જ્યાં શિલાતંભો કે ધર્મફલકો છે ત્યાં કરવાની છે, જેથી એ લાંબો વખત ટકે.
સંઘભેદના નિષેધને ભલેખ દેવોનો પ્રિય પ્રિયદર્શી આજ્ઞા કરે છે– કૌશાંબીમાં (કે તે તે અન્ય સ્થળે) મહામાત્રને કહેવાનું કે મેં સંઘને સમગ્ર (અખંડિત). કર્યો છે. ભિક્ષુઓ કે ભિલુણીઓમાંથી કોઈએ સંઘમાં ભેદ (તડ) કરવાનો નથી. જે તેમ કરશે તેને શ્વેત વસ્ત્ર પહેરાવી અન્ય આવાસમાં વસાવવામાં આવશે.
(સાંચીના લેખમાં –) મારી ઇચ્છા છે કે સંઘ સમગ્ર (રહી) લાંબો વખત ટકે.
(સારનાથના લેખમાં–) આ શાસન ભિક્ષુસંઘને તથા ભિક્ષુણી સંધને વિજ્ઞાપિત કરવું. આવી એક લિપિ તમારી પાસે રહે. આવી એક લિપિ ઉપાસકો પાસે મકો. દર પર્યદિને ઉપાસકો તે ધ્યાનમાં લે તેમ જ એકેક મહામાત્ર લે છે. તમારો અધિકાર.
જ્યાં સુધી પહોંચે ત્યાં બધે આ અનુશાસન અનુસાર તમારે (તેમને) ફેરવતા રહેવા. એવી રીતે સર્વ કોટ અને જિલ્લાઓમાં પણ કરવું.
For Private And Personal Use Only
| SR No. | 020057 |
| Book Title | Ashok Ane Ena Abhilekh |
| Original Sutra Author | N/A |
| Author | Hariprasad Gangadhar Shastri |
| Publisher | Gujarat University |
| Publication Year | 1972 |
| Total Pages | 206 |
| Language | Gujarati |
| Classification | Book_Gujarati |
| File Size | 19 MB |