________________
478
Jaina Literature and Philosophy
| III2.
अस्तीह सद्रत्ननिवासाधिष्ण्य
मुक्तप्रपंचावृतभूमिपीठः । श्रीमाननेकांगिगणाश्रयश्च
सन्मोढवंशः सरिदीशतुल्यः ॥२ तस्मिन्वंशे प्रसृतसुयश पूरिताशाचतुष्को
दक्षत्वाद्यैर्वरगुणगणैरन्वितः श्रावकोऽभूत् । सम्यक्त्वाख्यो वरगुरुगिरा(5)पास्तमिथ्यात्वमोहः
शांत्याह्वानो जिनपतिपदांभोजयुग्मद्विरेफः ॥३॥ शीलालंकृतकाया दानदयोयुक्तमानसा सततं । जिनपूजारतचित्ता यशोमतिस्तस्य वरपत्नी ॥ ४॥ ताभ्यामादिजिनेंद्रपूजनविधाबासक्तचित्तोऽनिशं
सूनुः सर्वजनोपकारकरणप्रहः कृपामंदिरं । नित्यं सव्रतिवर्गदाननिरतो मानादिदोषोज्झितो
गांभीर्यादिगुणौघलब्धमहिमा प्रद्युम्नसंज्ञोऽजनि ॥ ५॥
इतश्च ॥
इहैववंशे जिनपादभक्तः
सुश्रावको वोसकसंज्ञकोऽभूत् । सुधर्मकर्मोद्यतमानसा च
तस्याग्रयभार्याऽजनि सेसिकाख्या ॥ ६॥ तस्याः साहडसंज्ञकः सुचरितः सूनुर्महात्मा(s) भव
च्छ्रेष्ठा चारुचरित्रलक्षणवती पुत्री च लक्ष्मींगिता । या लक्ष्मीरिव केशवस्य दयिता प्रद्यम्ननाम्नो गृहे
विख्यातात्मगुणोत्करेण जनताचेतश्चमत्कारिणा ॥ ७ ॥ अपत्यसप्तकं तस्या बभूव गुणमंदिरम् । सुतास्त्रयो महात्मानश्चतस्रः पुत्रिकास्तथा ॥ ८॥ ज्येष्ठः सूनुरुदारतादिभिरिह प्राप्तप्रसिद्धिर्गुणे
राग्रयैराम्रयशो(5)भिधो जिनमहव्यासंगतन्निध्व(?)धीः । स्वच्छंदं विचरन वरेण्यकरिवद्यः कीर्तिग(गा?)हतैः
सहानासवलिप्सयार्थिमधुपव्रातैः सदा सेव्यते ॥ ९ ॥
