________________
३४]
आ० श्रीविजयदेवसूरीणां हस्तप्रतिसंग्रहे तुज्झ बिइजा होउ करेस्स महियंपि साहेज्ज ॥२५॥ सिरिभीमएवनरवइ-नेढाण वि पत्तयत्थउवएसं । वियरइ देवी तक्खणमह सो तेहिं वि अणुण्णाओ ॥२६॥ सिरिरिसहबिंबदिणयरउज्झोइयमज्झमूसियपडायं । सुविभत्तचित्तसालं जिणसासणभणियनीईए ॥२७॥ पयडीहोउं अंबाएवीउवइसंनिवेसम्मि । अब्बुयगिरिणो उवरि जिणभवणमिणं करावेइ ॥२८॥ अह नेढमहामइणो तणओ सिरिकण्णएवरज्जम्मि । जाओ नियजसधवलियभुवणो धवलो मंतिवरो ॥२९॥ तत्तो य रेवंतकयप्पसायसंपत्तउत्तिमसमिती । धणुहाविदेवयासंनिहाणनिन्न?उवसग्गो ॥३०॥ जयसीहएवरज्जे गुरुगुणवसउल्लसंतमाहप्पो । जाओ भुवणाणंदो आणंदो नाम सचिविंदो ॥३१॥ तस्स ससिविमलसीलालंकारविरायमाणसव्वंगी । गुरु विणय-प[णय]वच्छल(ल्ल)धम्मक्रम्माणुरत्तमणा ॥३२॥ अहवा समग्गजयकयविम्हयगुणरयणपरममंजूसा । पउमावइ त्ति नामेण विस्सुया पिययमा जाया ॥३३॥ अह सिद्धराय-सिरिकुमरवालएवावणिंदतिलयाणं । पुण्णभरभारविहुरियमिव दट्टणं पुहइपीढं ॥३४॥ आणंदमहामइणो जयसुकयसंचएणं च । वयगर(ण-स्सिरिगर]णारंभमहाभारधुरधवलो ॥३५॥ जयसीहएव-सिरिकुमरवालनरनायगाण रज्जेसु । सिरिपुहइवालमंती अवितहनामो इमो विहिओ ॥३६॥ अह निन्नयकारावियजालिहरयगच्छरिसहजिणभवणे । जणयकए जणणीए उ पंचासरयपासगिहे ॥३७॥ वजु(चड्डा)वलीयम्मि य गच्छे मायामहीए सुहहेउं । अणहिल्लवाडयपुरे कराविया मंडवा जेण ॥३८॥ रोहावियवारसागसायणवाडयपुरे उ संतिस्स । जिणभवणं कारवियं मायामयवोल्हयस्स कए ॥३९॥
Jain Education International
For Private & Personal Use Only
www.jainelibrary.org
