________________
प्रशस्त्यादिसंग्रहः ।
[३३
वग्गंततुरयघट्टस्स विंझगिरिसंनिवेसपत्तस्स । समग्गगहियकुंजरघडस्स तह निययपुरसमुहं ॥११॥ आगमिरस्स रिऊहिं तग्गयगहणूसुएहिं सह समरे । जस्सेह विझवासिणिदेवी धणुहम्मि अवइण्णा ॥१२॥ ता पत्तसत्तुविजएण तेण सा विझवासिणी देवी । धणुहाविअवरनामा ठविया संडत्थलग्गामे ॥१३॥ अह लच्छि-सरस्सईओ सद्धम्मगुणाणुरंजियाओ व्व । जस्सुज्झियईसाओ मुंचंति न संनिहाणं पि ॥१४॥ तह सिरिवरोवलद्धो जेण पडो रायटंकसालाए । संठविओ लच्छी उण निवेसिया सयलमुद्दासु ॥१५॥ सो चोलुक्कस्सिरिमूलराय-चामुंडरायरज्जेसु । वल्लहराय-नराहिवदुल्लहरायाणमवि काले ॥१६॥ निच्चं पि पक्कमंती जाओ पज्जंतचरियचारित्तो । सिरिमूलरायनरवइम(र)ज्जालंकुरो वीरो ॥१७॥ तस्स उ सिरिसरस्सइदेवीण पुढो पुढो निवासस्स । दो पुरिसपुंडरीया जाया वसुहाए विक्खाया ॥१८॥ तत्थ य निहणियदोसो पयडियकमलोदओ दिणयरुव्व । सिरिभीमएवरज्जे नेढो त्ति महामई पढमो ॥१९॥ बीओ य सरयसस[ह]रनिम्मल गुणरयणमंदिरमुदारं । निययप्पहावअहिरयतरणी विमल त्ति दंडवई ॥२०॥ अह भीमएवनरवइवयणेण गहियसयलरिउविहवो । चड्डावल्लीविसयं स पहुवलद्धं ति भुंजतो ॥२१॥ दठूण तियसभवणारोहंतपसत्थजंतुनिस्सेणिं ।। सिरिनंदिवद्धणापरनामं अब्बुयगिरिंदमिमं ॥२२॥ नणु विविहसंविहाणयघरमुत्तिमतित्थम वि इमो सिहरी। इय जइ इमस्स उवरिं कारिज्जइ रिसहजिणभवणं ॥२३॥ ता कयकिच्चं मन्ने सजीवियव्वं बलं च लच्छि च । इय चिंतंतो सिविणे अंबाएवीए भणिओ सो ॥२४॥
जइ भद्द ! सुंदरमिम चिंतियमिय हिययइच्छियं कुण]सु । प्रशस्ति ५
Jain Education International
For Private & Personal Use Only
www.jainelibrary.org
