________________
३२] आ० श्रीविजयदेवसूरीणां हस्तप्रतिसंग्रहे
इगतीसाहियसोलससएहिं (१६३१) वासाण निव्वुए वीरे । कत्तियचरिमतिहीए कत्तियरिक्खे परिसमत्तं ॥७॥ जयइ पयइसुद्धं अंगुलीहेमवत्तं सहयसुहयगंधं भव्वभिंगोहजुटुं । वियसियममिलाणं पावपंकेकमुक्कं कयजयसरसोहं वीरपायारविंदं ॥ ___ इय पुहइचंदचरिए एक्कारसमं भवगहणं समत्तं ॥५७७॥ गंथसिलोगपमाणं सत्त सहस्साइं पंच य सयाई । इय पुहइचंदचरिए विणिच्छियं पायसो गणिउं ॥ अङ्कतोऽपि ७५०० ॥ शिवमस्तु सर्वजगतः ।
[1098] अन्तः- सिरिवद्रमाणतित्थे कोडियगणम्मि वइरसाहाए।
चंदकुले वडगच्छे सयंभुरमणे व्व बहुउदए ॥१॥ लच्छीकलाकलावासमाणमेहाहिं सच्चवियनामो । जाओ विक्खाओ मुणिइंदो जिणचंदसूरि त्ति ॥२॥ वज्जिरजसपडहारवनच्चावियकित्तितरुणिरयणस्स । अणणुगुणरयणनिहिणो गुरुणो सिरिचंदसूरिस्स ॥३॥ विरइयबहुप्पबंधो गुरुपयसरणोवलद्धसुहलेसो । एसो विणेयलेसो जाओ हरिभद्दसूरि ति ॥४॥ इत्तो य, सिरिपोरुयाडवंसे सुवणिओ सुयणहिययकयवासो । मुत्तामणि व्व निन्नयअभिहाणो ठक्कुरो आसि ॥५॥ अह पयडीहूअसिरिदेवीउवइट्टअसमअब्भुदओ। सो सिरिमालपुराओ पत्तो गंभूयनयरीए ॥६॥ तत्थ य तग्गेहमहासरम्मि विलसंतविउलकमलम्मि । पायडियकुसुमवणरायमंडलोवचियपयविहवो ॥७॥ पसरंतगंधसिन्धूरघडाहिं वग्गंततुरयघटेहिं । कस्स न जणेइ विम्हयमणेगसो उदयवित्थारो ॥८॥ जइणणयमइणा अणहिल्लपुरे वणरायनिवइनीएण। विज्ज्ञाहरगच्छे रिसहजिणहरं तेण कारवियं ॥९॥ तत्तो विचित्तनयपत्तकित्तिपसराओ रयणनिहिणो व्व । बहुसंख-सुत्तिसुहओ जाओ लहरो त्ति दंडवई ॥१०॥
Jain Education International
For Private & Personal Use Only
www.jainelibrary.org
