________________
प्रशस्त्यादिसंग्रहः । अज्ञातध्वान्तविध्वंसविधाने दीपिकानिभा । दीपिकेयं विजयतां वाच्यमाना बुधैश्चिरम् ॥९॥ स्वल्पस्य सिद्धस्य सुबोधकस्य सारस्वतव्याकरणस्य टीकाम् । सुबोधिकाख्यां रचयाञ्चकार सूरीश्वरः श्रीप्रभुचन्द्रकीर्तिः ॥१०॥ [ गुण-पक्ष-कला(१६२३)संख्ये वर्षे विक्रमभूपतेः ।
टीका सारस्वतस्येषा सुगमार्था विनिर्मिता ॥११॥]
इति श्रीमन्नागपुरीयतपागच्छाधिराजभट्टारकश्रीचन्द्रकीर्त्तिसूरिविरचिता श्रीसारस्वतव्याकरणस्य दीपिका समाप्ता ।। अस्मिन् समाप्ते समाप्तोऽयमिति ग्रन्थः ।
स्फुटं सप्तसहस्राणि शतपञ्चमनुष्टुभाम् । सारस्वतस्य टीकायां ग्रन्थमानमिहोदितम् ॥
इति श्रीचन्द्रकीर्ति[टीका] समाप्ता ॥ वर्षे नन्द-भुजर्षि-चन्द्र(१७२९)प्रमिते मासे युजे सितगे(?)
वारे जीवयुते भपौष्णसहिते पूर्णेव पूर्णादिने । ग्रामे श्रीमक्षुहकाख्यसुयशे श्रीसूरिराज्ये सदा लिखितेयं(?) श्रीचन्द्रकीतिसुबुधा रङ्गोदयेन यथा ॥
[5978] आदि:- राढावन्तं फणिपतिफण राजमानं समन्ताद्
गीर्वाणेशैर्दनुजमहितं वन्द्यपादारविन्दम् । नत्वा पार्श्व गुरुमपि तथा मेघरत्नाभिधोऽहं
टीकां कुर्वे विमलमनसं भारतीप्रक्रियां ताम् ॥१॥ कुमतिकुमतदैत्यक्रोधदावाग्निमेघो जनवनजविकाशाऽहर्मणी रम्यमूर्तिः । भवतु मयि विनीते विश्वविश्वप्रकाशी सजलजलददीप्तिः पार्श्वनाथः प्रसन्नः ॥२॥
यस्यादरात् पङ्किलमन्दप्रज्ञः प्राप्य प्रसादं वचसा निधिः स्यात् । भूयान्महामोहहरा शिशूनां सा भारती वाचि मम प्रसन्ना ॥३॥ वन्दारुक्षितिपोत्तमाङ्गमणिभिः संघृष्टपादाम्बुजाः
शब्दाम्भोधिविवर्द्धनैकविधवो वैदग्ध्यवागीश्वराः। यावच्छासनमेव जैनमतुलं स्याद्वादविद्यान्वितं
तावद्विश्वजने जयन्तविजयाद्याः श्रीधराः सुन्दराः ॥४॥ क्वासौ भारतीप्रक्रिया काहं मन्दो जडाशयः । तथापि धाष्टर्यमाधाय यथाप्रज्ञं प्रतन्यते ॥५॥
Jain Education International
For Private & Personal Use Only
www.jainelibrary.org
