________________
.
क. २६० ] जैन ताडपत्रीय ग्रंथभंडार सूचीपत्र
१०७ क्रमाङ्क २६० (१) अरिष्टनेमिचरित्र (भवभावनावृत्त्यंतर्गत.) पत्र २५५। भा. प्रा.। क. मलधारी हेमचंद्रसूरि। ग्रं. ५१००। र. सं. ११७० । ले. सं. १२४५। संह. श्रेष्ठ । द. श्रेष्ठ । लं. प. २४॥४२॥ आदि
द ॥ नम : श्रीमदरिष्टनेमये ॥ अज्ज वि जस्स पवत्तइ धम्मो नीई य भरहवासम्मि। तं पढमजिणवरं पणिवयामि निद्दलियदुरिओहं ॥१॥ निभिन्नसक्कहियया वि जस्स हिययम्मि वज्जघडिए व्य । कुंठत्तं पडिवन्ना मयणसरा जयउ सो नेमी ॥२॥ धरणिदसणाहाओ जं विजादेवयाओ सेवंति । सो मज्झ पसीयउ पासजिणवरो जणियजयसोक्खो ॥३॥ नामग्गहणम्मि वि जस्स ल्हसइ सयलो वि दुरियसंघाओ। उवसग्गकरिघडाकढिणकेसरी जयउ सो वीरो॥४॥ अजियाइणो जिणिंदा सेसा वि जयंति निज्जियारिगणा। नरसुरपहहिं पयपंकएसु भसलाइयं जाण ॥५॥ सिरिगोयमाइयाणं सूरीण समत्थसत्थजलहीण । पत्थियफलाई पयपंकयाइं पणमामि पयओ ह ॥६॥ लेसं पि जस्स उवजीविऊण पावंति निव्वुइं जीवा । वीरवयणामयं तं सया वि परिणमउ मह सव्वं ॥७॥ गुरुणो जयंति परमोवयारिणो जाण तोसलेसेण । एवं जंपेमि कइ व्व किपि अहमवि अमुणियप्पा ॥८॥ सा जयउ जीए सुयदेवयाए सुयभत्तितोसियमणाए। असरिसपारद्धाई वि सिग्घमविग्धं समप्पंति ॥९॥ थोयव्ववत्थुसंथववज्जविणिद्दलियविरघवग्गोह।नित्थिण्णदुत्थसत्थो पत्थुयमत्थं पक्क्खामि ॥१०॥ धम्मो अत्थो कामो पुरिसत्था एत्थ तिणि सुपसिद्धा। चंचापुरिससरिच्छा होंति नरा ताण विरहम्मि ॥११॥ कामाओ तत्थ गरुओ अत्थो तबज्जियाण जं कामो। अहिलसमाणाणं पि हु न होइ दारिद्ददड्ढाण ॥१२॥ अत्थाओ वि हु गरुओ धम्मो च्चिय जेण सयलधन्नाणं । मेहो व्व इमो हेऊ नीसेससमीहियत्थाण ॥१३॥ अणुहविऊणं अइसयजुयाई सुरनरसमिद्धिसोक्खाई। धम्माउ च्चिय निव्वुइसुहं पि पावंति जं जीवा ॥१४॥ सोहगारोग्गजणाणुरायबलरूवरिद्धिमाईयं । धम्मेण सुहं सयलं पि अण्णहा अइपसंगो उ ॥१५॥ धम्मो य दाणसीलाइमेयओ भन्नए चउवियप्पो। तत्थ वि तवो विसिस्सइ जं भणियं वीयरागेहि ॥१६॥ पुवि दुच्चिण्णाण मोक्खो कम्माण वेइयाणऽहवा । तवसोसियाग तेर्सि वोच्छेओ होइ सयलाण ॥१७॥
सज्झायझाणम्मि रयस्स ताइणो, अपावभावस्स तवे रयस्स ।
विसुज्झई जं सि रयं पुरेकडं, समीरियं रुप्पमलं व जोइणा ॥१८॥ जहा महातडागस्स सन्निरुद्ध जलागमे । उस्सिचणाए तवणाए कमेणं सोसणा भवे ॥१९॥ एमेव संजयस्सावि पावकम्माणऽणासवे । भवकोडीसंचियं कम्म तवसा निज्जरिज्जइ ॥२०॥ सव्वासि पयडीणं परिणामवसादुवकमो भणिओ। पायमनिकाइयाणं तवसा उ निकाइयाणं पि ॥२१॥ बारसमेए य तवे धम्मज्झाणाइहेउभावेण । सज्झाओ च्चिय दिट्ठो बहूवयारि त्ति जं भणियं ॥२२॥
बारसविहम्मि वि तवे सब्भितरबाहिरे जिणक्खाए।
न वि अत्थि न वि अ होही सज्झायसमं तवोकम्मं ॥२३॥ एत्तो सव्वन्नुत्तं तित्थयरत्तं च जायइ कमेण । इय परमं मोक्खंगं सज्झाओ होइ नायव्वो ॥२४॥ त नत्थि जं न पासइ सज्झायविऊ पयत्थपरमत्थं । गच्छद य सुगइमूलं खणे खणे परमसंवेयं ॥२५॥ कम्ममसंखेजभव खवेइ अणुसमयमेव आउत्तो। अण्णयरम्मि वि जोगे सज्झायम्मी विसेसेणं ॥२६॥ वायण पुच्छण परियट्टणाऽणुपेहा तहेव धम्मकहा । पंचविहो सज्झाओ विसिस्सए तत्थ धम्मकहा ॥२७॥ जम्हा अत्तवगारो परोवयारो य जायइ इमीए । अत्तवगारफल चिय पाय सेसा भवे मेया ॥२८॥
Jain Education International
For Private & Personal Use Only
www.jainelibrary.org