________________
१०८ श्रीजेसलमेरुदुर्गस्थ
[ क्र. २६०अक्खेवणी य विक्खेवणी य संवेयणी य तह चेव । निव्वेयणी चउत्थी धम्मकहा होइ नायव्वा ॥२९॥ इय भावेऊण अहं धम्मकहं भणियरूवमक्लेमि । उत्तमपुरिसोदाहरणसंगता सा वि उक्करिसं ॥३०॥ जंतूण जणइ निच्चं लोए सव्वुत्तमा य तित्थयरा । तन्नामग्गहणं पि हु सुहयं जंतूण तो जम्हा ॥३१॥ ते केवि जए जायंति जाण नामक्खरोवलंभे वि । हरिसियमणं कयत्थं अप्पाण मन्नइ जयं पि ॥३२॥ नामे च्चिय संकेता नूण गुणा परिभमंति गरुयाणं । जं तग्गहणे वि बुहा मुणंति कयकिच्चमप्पाणं ॥३३॥ अन्नेसि पि हु सुहयाइं होंति चरियाई जिणवरिंदाणं। सोहग्गमहानिहिणो विसेसओ नेमिनाहस्स ॥३४॥ पिकाई चूयतरुणो केवलयाणि वि फलाणि सरसाइं। सहियाणि सकराए सरसत्तं ताण किं भणिमो? ॥३५॥ सुहयाई केवलस्स वि सिरिनेमिजिणस्स विमलचरियाई। राइमईसहियस्स उ ताई जए कं न सुहयंति? ॥३६॥ इय राइमईए समन्नियस्स सिरिनेमिजिणवरिंदस्स । सम्मत्तुवलंभाओ नवभवसंबद्धचरियमिणं ॥३७॥ हरिवंसपमुहबहुसत्थदुद्धजलहीओ उद्धरेऊणं । अमयं पिव सुहजणयं सज्जणजंतूण वियरेमि ॥३८॥
न जओ अमएण समं जुज्जइ कइया वि कालकूडविसं । तो अमयतुल्लमेयं न अरिहए दुज्जणो सोउं ॥३९॥ न य जणइ मणे सोक्खं कयाइ सूरुनगमो उलूयस्स । ससिजुण्हा विन निव्वुइमावहइ कुसीलवग्गस्स ॥४०॥ असओ वि जणइ दोसे सते वि गुणे पणासए सव्वे । विहिपरिणामस्स व दुज्जणस्स विसमा गई लोए ॥४१॥ खलसंथवे य अलिय पावं निंदाए होइ विहियाए। तह जत्तसंथुओ वि हु दोसे च्चिय जंपए एसो ॥४२॥ निदिज्जतो य पुणो दोसं सविसेसमेव सो जणइ । पावाण खलाण तओ अलं कहाए वि पावाए ॥४३॥ खलनिंदणे य जायइ खलत्तणं अप्पणो वि थुइवाए। तस्स य अलिय तम्हा जुत्ता अवहीरणा तेसिं ॥४४॥ तो गंभीरा लहुकम्मुणो य मज्झत्थमाणसा धीरा । सवणम्मि सज्जण च्चिय जोग्गा एयस्स चरियस्स ॥४५।। तेसिं पुण निंदाए गरुयं पाव थुई वि अम्हेहि। तुच्छमईहिं असक्का ताणमणंतगुणनिलयाणं ॥४६॥ थुइविरहे वि य गिण्हंति ते गुणं छाययंति पुण दोसं । कव्वस्स जेण एसा पगइ च्चिय ताण धीराण ॥४७॥ अब्भत्थेयव्व च्चिय तो ते सुयणा सकव्वसवणम्मि । तेण भणामि निसामह अवहियचित्तेण भो सुयणा ! ॥४८॥ सिरिनेमिजिणस्स तहा सिरिरायमईए नवभवसमेयं । वोच्छामि चरियमेयं ते य इमे नव भवा कमसो ॥४९॥
धण धणवइ १ सोहम्मे २ चित्तगई खेयरो य रयणवई ३।।
माहिंदे ४ अपराजिय पीइमई ५ आरणे तत्तो ६ ॥५०॥ संखो जसमइभजा ७ तत्तो अपराजिए विमाणम्मि ८ । नेमी राइमई वि य ९ नवमभवे दो वि वंदामि ॥५१॥ आसि इह भरवासे कालवणं पिव सुपत्तसंकिन्न । कयरायहंससोहं भमरहियं सिरिनिवासं च ॥५२॥
अम्त॥ इति नवभवप्रतिबद्धं श्रीमन्नेमिजिनचरिताख्यानक समाप्तम् ॥छ।। ॐ ॥छ।। ग्रंथाग्रं ५१०० ॥छ।।
श्रीप्रश्नवाहनकुलांबुनिधिप्रसूतः क्षोणीतलप्रथितकीर्तिरुदीर्णशास्त्रः ।
विश्वप्रसाधितविकल्पितवस्तुरुच्चै छायाश्रितः प्रचुरनिवृतभव्यजन्तुः ।।१।। ज्ञानादिकुसुमनिचितः फलितः श्रीमन्मुनींद्रफलवृन्दैः । कल्पद्रुम इव गच्छः श्रीहर्षपुरीयनामाऽस्ति ॥२॥ एतस्मिन् गुणरत्नरोहणगिरिगीभीर्यपाथोनिधिस्तुगत्वानुकृतक्षमाधरपतिः सौम्यत्वतारापतिः । सम्यग्ज्ञानविशुद्धसंयमतपःस्वाचारचर्यानिधिः शान्तः श्रीजयसिंहसूरिरभवन्निःसंगचूडामणिः ॥३॥ रत्नाकरादिवैतस्माच्छिष्यरत्नं बभूव तत् । स वागीशोऽपि नो मन्ये यद्गुणग्रहणे प्रभुः ॥४॥ श्रीवीरदेवविवुधैः सन्मंत्रायतिशयप्रवरतोयैः । द्रुम इव यः संसिक्तः कस्तद्गुणकीत्तमे विबुधः ।।५॥
Jain Education International
For Private & Personal Use Only
www.jainelibrary.org