Abhidhan Rajendra Kosh Part 04

SR No.: 016146
Original Sutra Author: N/A
Author: Vijayrajendrasuri
Publisher: Rajendrasuri Shatabdi Shodh Samsthan
Publication Year: 2014
Total Pages: 1456
Language: Hindi
Classification: Dictionary

Page 389

ठाण 1711 - अभिधानराजेन्द्रः भाग - 4 ठाण हिणवित्थिन्ना पडिपुन्नचंदसंठाणसंठिया अच्चिमाली भासरासिवन्नाभा, सेसं जहा बंभलोगे० जाव पडिरूवा। तत्थ णं हेट्ठिमगेविनगाणं देवाणं एक्कारसुत्तरे विमा गावाससए हवंतीति मक्खायं / ते णं विमाणा सव्वरयणामया जाव पडिरूवा, इत्थ णं हेट्ठिमगेविनगाणं देवाणं पज्जत्तापज्जत्ताणं ठाणा पण्णत्ता। तिसु विलोगस्स असंखेज्जइभागे, तत्थ णं बहवे हेट्ठिमगेविज्जगा देवा परिवसंति, सव्वे सममहिड्डिया सव्वे समजुतीया सव्वे समजसा सव्वे समबला सव्वे समाणुभावा महासोक्खा अणिंदा अप्पेस्सा अपुरोहिया अहमिंदा नाम ते देवगणा पण्णत्ता, समणाउसो! कहि णं भंते ! मज्झिमगाणं गेविजगदेवाणं पज्जत्तापज्जत्ताणं ठाणा पण्णत्ता? कहि णं भंते ! मज्झिमगेविजगदेवा परिवसंति? गोयमा ! हेट्ठिमगेविजमाणं उप्पि सपक्खि सपडिदिसिं० जाव उप्पइत्ता, इत्थ णं मज्झिमगेविज्जगदेवाणं तओ गेविज्जगविमाणपत्थडा पण्णत्ता, पाईणपडीणायता, जहा हेट्ठिमगेविजगाणं, नवरं सत्तुत्तरे विमाणावाससए हवंतीति मक्खाए। तेणं विमाणा० जाव पडिरूवा, इत्थ णं मज्झिमगेवेज्जाणं देवाणं० जाव तिसु वि लोगस्स असंखेजइभागे, तत्थ णं बहवे मज्झिमगेवेजगा देवा परिवसंति जाव अहमिंदा नामं देवगणा पण्णत्ता, समणाउसो! कहि णं भंते ! उवरिमगेवेज्जगाणं देवाणं पञ्जत्तापज्जत्ताणं ठाणा पण्णत्ता? कहि णं भंते ! उवरिमगेविजगा देवा परिवसंति ? गोयमा ! मज्झिमगेवेज्जगदेवाणं उप्पि० जाव उप्पइत्ता, तत्थ णं उवरिमगेवेज्जगाणं देवाणं तओ गेविजगविमाणपत्थडापण्णत्ता, पाईणपडीणाओ, सेसं जहा हेद्विमगे विज्जगाणं, नवरं एगे विमाणावाससए हवंतीति मक्खायं,सेसं तहेव भाणियव्वं जाव अहमिंदा नामं ते देवगणा पण्णत्ता, समणाउसो ! " एक्कारसुत्तरं हे-ट्ठिमए सत्तुत्तरं च मज्झिमए। सयमेगं उवरिमए, पंचेव अणुत्तरविमाणा॥१॥" कहिणं भंते ! अणुत्तरोववाइयाणं देवाणं पज्जत्तापज्जत्ताणं ठाणा पण्णत्ता ? कहि णं भंते ! अणुत्तरोववाइया देवा परिवसंति ? गोयमा ! इमीसे रयणप्पभाए पुढवीए बहुसमरमणिज्जाओ भूमिभागाओ उद्धं चंदिमसूरियगहगणनक्खत्ततारारूवाणं बहूई जोयणसयाई बहूई जोयणसहस्साई बहूइं जोयणसयसहस्साई बहुगाओ जोयणकोडीओ बहुगाओ जोयणकोडाकोडीओ उद्धं दूरं उप्पइत्ता सोहम्मीसाणसणंकुमारमाहिंदबंभलोगलंतगसुक्कसहस्सारआणयपाणयआरणअच्चुयकप्पा तिण्णि य अट्ठारसुत्तरे गेविजविमाणावाससए वीतीवइत्ता ते णं परं दूरंगता णीरया निम्मला वितिमिरा विसुद्धा पंचदिसिं पंच अणुत्तरा महतिमहालया महाविमाणा पण्णत्ता / तं जहा-विजए, वेजयंते, जयंते, अपराजिए, सव्वट्ठसिद्धे / ते णं विमाणा सव्वरयणामया अच्छा सण्हा घट्ठा मट्ठा जीरया निम्मला निप्पका नियंकडच्छाया सप्पभा ससिरीया सउज्जोया पासादीया दरिसणिज्जा अभिरूवा पडिरूवा, इत्थणं अणुत्तरोववाइयाणं देवाणं पञ्जत्तापञ्जत्ताणं ठाणा पण्णत्ता / तिसु वि लोगस्स असंखेजइभागे, तत्थ णं बहवे अणुत्तरोववाइया देवा परिवसंति, सव्वे सममहिड्डिया सव्वे समबला सव्वे समाणुभावा महासोक्खा अजिंदा अप्पेस्सा अपुरोहिया अहमिंदा ते देवगणा पण्णत्ता, समणाउसो! कहि णं भंते ! सिद्धाणं ठाणा पण्णत्ता ? कहिणं भंते ! सिद्धा परिवसंति ? गोयमा ! सव्वट्ठस्स महाविमाणस्स उवरिल्लाओ थूभियग्गाओ दुवालसजोयणे उट्ठे अवाहाए, इत्थ णं इसीपभारा नामं पुढवी पण्णत्ता। पणयालीसं जोयणसयसहस्साई आयामविक्खंभेणं, एगंजोयणकोडीओ बायालीसं च सयसहस्साइं तीसं सहस्साइं दोन्नि य अउणापन्ने जोयणसए किंचि विसेसाहिए परिक्खेवेणं पण्णत्ता, इसीपब्भाराए णं पुढवीए बहुमज्झदेसभाए अट्ठ जोयणिए खेत्ते अट्ठजोयणाई बाहल्लेणं पण्णत्ते, ततो अणंतरं च णं माताए 2 पएसपरिहाणी 2 परिहायमाणी 2 सव्वेसु चरिमंतेसु मच्छियपत्तातो तणुयरी अंगुलस्स संखेजइभागे बाहल्लेणं पण्णत्ता, इसीपब्भाराए णं पुढवीए दुवालसनामधेजा पण्णत्ता, इसीति वा इसीपब्भाराइ वा तणुयरीति वा तणुतणुयरीति वा सिद्धिति वा सिद्धालएति वा मुत्तीइ वा मुत्तालएइ वा लोयग्गेति वा लोयग्गथूभियाति या लोयपडिबुज्झणाइ वा सव्वपाणभूयजीवसत्तसुहावहावइ वा इसीप-उभारा णं पुढवी सेता संखदलविमलसोत्थियमुणालदगरयतुसारगोखीरहारवन्ना उत्ताणयछत्तसंठाणसंठिया सव्वअण्णसुवण्णमई अच्छा सण्हा लण्हा घट्ठा मट्ठाणीरया निम्मला निप्पंका निक्कंकडच्छाया सप्पभा ससिरीया सउज्जोया पासादीया दरिसणिज्जा अभिरूवा पडिरूवा, इसीपब्भाराए णं सीताए जोयणम्मि लोगंतो, तस्स णं जोयणस्स जे से उवरिल्ले गाउए, तस्स णं गाउयस्स जे से उवरिल्ले छब्भागे, एत्थ णं सिद्धा भगवंतो सादिया अपज्जवसिया अणेगजातिजरामरणजोनिसंसारकलंकलीभावपुणब्भवगब्भवासवसही० एवं च समइकं ता सासयमणागयद्धं कालं चिट्ठति / तत्थ वि य ते