Abhidhan Rajendra Kosh Part 04

SR No.: 016146
Original Sutra Author: N/A
Author: Vijayrajendrasuri
Publisher: Rajendrasuri Shatabdi Shodh Samsthan
Publication Year: 2014
Total Pages: 1456
Language: Hindi
Classification: Dictionary

Page 388

ठाण 1710- अभिधानराजेन्द्रः भाग - 4 ठाण स्सीणं चउण्हं पन्नासाणं आयरक्खदेवसाहस्सीणं अण्णेसिंच बहूणं० जाव विहरइ। कहि णं भंते ! महासुकाणं देवाणं पज्जत्ताऽपज्जत्ताणं ठाणा पण्णत्ता ? कहिणं भंते ! महासुक्का देवा परिवसंति ? गोयमा ! लंतस्स कप्पस्स उप्पिं सपक्खि सपडिदिसिं० जाव उप्पइत्ता, इत्थ णं महासुक्के नाम कप्पे पण्णत्ते, पाईणपडीणायते, उदीणदाहिणवित्थिन्ने, जहा बंभलोए, नवरं चत्तालीसं विमाणावाससहस्सा हवंतीति मक्खायं, वडेंसगा जहा सोहम्मवडेंसगा, नवरं मज्झे तत्थ महासुकवडेंसए० जाव विहरइ / महासुक्के इत्थ देविंदे देवराया जहा सणंकुमारे, नवरं चत्तालीसाए विमाणावाससाहस्सीणं चत्तालीसाए सामाणियसाहस्सीणं चउण्हं चत्तालीसाणं आयरक्खदेवसाहस्सीणं० जाव विहरंति। कहिणं भंते ! सहस्सारदेवाणं पज्जत्ताऽपज्जत्ताणं ठाणा पण्णत्ता ? कहिणं भंते ! सहस्सारा देवा परिवसंति? गोयमा ! महासुक्कस्स कप्पस्स उप्पि सपक्खि सपडिदिसिं० जाव उप्पइत्ता, इत्थणं सहस्सारे नामं कप्पे पण्णते, पाईणपडीणायते, जहा बंभलोए, नवरं छ विमाणावाससहस्सा हवंतीति मक्खायं, देवा तहेव वडेंसगा, जहा ईसाणस्स वडेंसगा, नवरं मज्झे जत्थ सहस्सारवडेंसए० जाव विहरंति / सहस्सारे इत्थ देविंदे देवराया परिवसइ, जहा सणंकुमारे नवरं छण्हं विमाणावाससहस्साणं तीसाए सामाणियसाहस्सीणं चउण्ह य तीसाणं आयरक्खदेवसाहस्सीणं० जाव आहेवच्चं पोरेवच्चं कारेमाणे विहरति। कहि णं भंते ! आणयपाणयदेवाणं पज्जत्ताऽपज्जत्ताणं ठाणा पण्णत्ता? कहिणं भंते ! आयणपाणयदेवा परिवसंति? गोयमा! सहस्सारस्स कप्पस्स उप्पि सपक्खि सपडिदिसिं० जाव उप्पइत्ता, इत्थ णं आणयपाणयणामेणं दुवे कप्पा पण्णत्ता, पाईणपडीणायते, उदीणदाहिणवित्थिन्ना, अद्धचंदसंठाणसंठिआ अचिमाली भासरासिप्पभा, सेसं जहा सणंकुमारे जाव पडिरूवा / तत्थ णं आणयपाणयदेवाणं चत्तारि विमाणावाससया हवंतीति मक्खायं० जाव पडिरूवा वडेंसगा, जहा सोहम्मे, नवरं मज्झे पाणयवडेंसए, ते णं वडेंसगा सव्वरयणामया अच्छा० जाव पडिरूवा, इत्थ णं आणयपाणयदेवाणं पजत्तापज्जत्ताणं ठाणा पन्नत्ता ; तिसु वि लोगस्स असंखेज्जइभागे, तत्थ णं बहवे आणयपाणयदेवा परिवसंति, महिड्डिया० जाव पभासेमाणा / ते णं तत्थ साणं साणं विमाणावाससयाणं० जाव विहरंति / पाणए एत्थ देविंदे देवराया परिवसंति, जहा सणंकुमारे, नवरं चउण्हं विमाणावाससयाणं वीसाए सामाणियसा हस्सीणं असीतीए आयरक्खदेवसाहस्सीणं, अन्नेसिं च बहूणं० जाव विहरंति। कहि णं भंते ! आरणच्चुयाणं देवाणं पञ्जत्तापज्जत्ताणं ठाणा पण्णता? कहिणं भंते ! आरणचुया देवा परिवसंति ? गोयमा! आणयपाणयाणं कप्पाणं उप्पिं सपक्खि सपडिदिसिं इत्थ णं आरणचुया नाम दुवे कप्पा पण्णत्ता, पाईणपडीणायता, उदीणदाहिणवित्थिन्ना, अद्धचंदसंठाणसंठिया अचिमाली भासरासिवन्नाभा असंखिज्जाओ जोयणकोडाकोडीओ आयामविक्खंभेणं, असंखेज्जाओ जोयणकोडाकोडीओ परिक्खेवेणं सव्वरयणामया अच्छा सण्हा लट्ठा घट्ठा मट्ठा नीरया निम्मला णिप्पंका निकंकडच्छाया सप्पमा ससिरीया सउज्जोया पासाईया दरिसणिज्जा अभिरूवा पडिरूवा / इत्थ णं आरणचुयाणं देवाणं तिन्नि विमाणावाससया हवंतीति मक्खायं / ते णं विमाणा सव्वरणामया अच्छा सण्हा लट्ठा घट्ठा मट्ठा नीरया निम्मला निप्पंका निक्कंकडच्छाया सप्पभा ससिरीया सउज्जोया पासादीया दरिसणिज्जा अभिरूवा पडिरूवा, तेसिणं विमाणाणं बहुमज्झदेसभाए पंच वडेंसया पण्णत्ता / तं जहा-अंकवडेंसए, फलिहवडेंसए, रयणवडेंसएल जाव रूववडेंसए, मज्झे जत्थ अचुयवडेंसए, ते णं वडेंसया सव्वरयणामया० जाव पडिरूवा; इत्थ णं आरणचुयाणं देवाणं पज्जत्तापज्जत्ताणं ठाणा पण्णत्ता! तिसु वि लोगस्स असंखेज्जइभागे, तत्थ णं बहवे आरणचुया देवा. जाव विहरंति / अच्चुए तत्थ देविंदे देवराया परिवसइ / जहा पाणए. जाव विहरति, नवरं तिण्ह, विमाणावाससयाणं दसण्हं सामाणियसाहस्सीणं चत्तालीसाए आयरक्खदेवसाहस्सीणं आहेवचं० जाव कुव्वेमाणे विहरति / " बत्तीसऽट्ठावीसा, वारस अट्ठ चउरो सयसहस्सा। पन्ना चत्तालीसा, छच सहस्सा सहस्सारे।।१।। आणयपाणयकप्पे, चत्तारि सयाऽरणचुए तिण्णि। सत्तविमाणसयाई, चउसु वि एएसु कप्पेसु॥२॥" सामाणियसंगहणीगाहा"चउरासीइ असीई, बावत्तरि सत्तरीय सट्ठीए। पन्ना चत्तालीसा, तीसा वीसा दस सहस्सा।।१।।" एव चेव आयरक्खा चउग्गुणा। कहि णं भंते ! हिट्ठिमेगविज्जगदेवाणं पज्जत्तापज्जत्ताणं ठाणा पण्णता ? कहि णं भंते ! हे ट्ठिमगे विज्जगा देवा परिवति? गोयमा ! आरणचुयाणं कप्पाणं उप्पि० जाव उड्ढ दूरं उप्पइत्ता, इत्थ णं हे ट्ठिमगे विजाणं देवाणं तओ गेवेजविमाणपत्थडा पन्नत्ता, पाईणपडीणायया उदीणदा