Abhidhan Rajendra Kosh Part 04

SR No.: 016146
Original Sutra Author: N/A
Author: Vijayrajendrasuri
Publisher: Rajendrasuri Shatabdi Shodh Samsthan
Publication Year: 2014
Total Pages: 1456
Language: Hindi
Classification: Dictionary

Page 387

ठाण 1706 - अभिधानराजेन्द्रः भाग - 4 ठाण जोयणसयाई बहूई जोयणसहस्साइं० जाव उप्पइत्ता, इत्थ णं ईसाणे नामं कप्पे पन्नत्ते, पाईणपहीणायए उदीणदाहिणवित्थिन्ने, एवं जहा सोहम्मे जाव पडिरूवे / तत्थ णं ईसाणदेवाणं अट्ठावीसं विमाणावाससयसहस्सा हवंतीति मक्खायं / ते णं विमाणा सव्वरयणामया० जाव पडिरूवा / तेसि णं बहुमज्झदेसभाए पंच वडेंसगा पण्णत्ता / तं जहा-अंकवडेंसए, फलिहवडेंसए, रयणवडेंसए, जाव सुरूववडिंसए, मज्झे इत्थ ईसाणवडेंसए। ते णं वडेंसया सव्वरयणामया० जाव पडिरूवा। इत्थ णं ईसाणाणं देवाणं पञ्जत्तापञ्जत्ताणं ठाणा पण्णत्ता / तिसु वि लोगस्स असंखेज्जइभागे, सेसं जहा सोहम्मगदेवाणं० जाव विहरंति, ईसाणे इत्थ देविंदे देवराया परिवसति सूलपाणी बसभवाहणे उत्तरवलोगाहिवई अट्ठा-वीसदिमाणावाससयसहस्साहिवई अरयं वरवत्थधरे, सेसं जहा सक्कस्स० जाव पभासेमाणे, तत्थ अट्ठावीसाए विमाणावाससयसहस्साणं असीतीए सामाणियसाहस्सीणं तायत्तीसाएतायत्तीसगाणं चउण्हं लोगपालाणं अट्ठण्हं अग्गमहिसीणं सपरिवाराणं तिण्हं परिसाणं सत्तण्हं अणीयाणं सत्तण्हं अणीयाहिवईणं चउण्हं असीतीणं आयरक्खदेवसाहस्सीणं, अन्नेसिंच बहूणं ईसाणकप्पवासीणं वेमाणियाणं देवाण य देवीण य आहेवचं पोरेवच्चं कुव्वमाणे० जाव विहरइ। कहिणं भंते ! सणंकुमारदेवाणं पज्जत्तापज्जत्ताणं ठाणा पण्णता? कहि णं भंते ! सणंकुमारा देवा परिवसंति ? गोयमा ! सोहम्मस्स कप्पस्स उप्पिं सपक्खिं सपडिदिसिं बहूई जोयणाई बहूई जोयणसयाई बहूइं जोयणसयसहस्साइं बहुगाओ जोयणकोडीओ बहुगाओ जोयणकोडाकोडीओ उद्धं दूरं उप्पइत्ता, तत्थ णं सणंकुमारे नामं कप्पे पण्णत्ते, पाईणपडीणायए, उदीणदाहिणवित्थिन्ने,जहा सोहम्मे कप्पे जाव पडिरूवे। तत्थ णं सर्णकुमाराणं देवाणं वारस विमाणावाससयसहस्सा हवंतीति मक्खायं / ते णं विमाणा सव्वरयणामया० जाव पडिरूवा, तेसि णं विमाणाणं बहुमज्झदेसभागे पंचवडेंसगा पण्णत्ता / तं जहाअसोगवडेंसए, सत्तवण्णव.सए, चंपगवडेंसए, चूयवडेंसए, मज्झे जत्थ सणंकुमारवडेंसए, ते णं वडेंसया सव्वरयणामया अच्छा० जाव पडिरूवा। तत्थ णं सणंकुमार-देवाणं पजत्ताऽपज्जत्ताणं ठाणा पण्णत्ता। तिसु विलोगस्स असंखेज्जइभागे, तत्थ णं बहवे सणंकुमारा देवा परिवसंति महिड्डिया० जाव पभासेमाणा विहरंति, नवरं अग्गमहिसीओ णत्थि सणंकुमारे, इत्थ देविंदे देवराया परिवसइ, अरयंबरवत्थधरे, सेसं जहा सक्कस्स, सेणं तत्थ बारसह विमाणावाससयसहस्साणं बावत्तरीए सामाणियसाहस्सीणं, सेसं जहा सक्कस्स अग्गमहिसीवजं, नवरं चउण्हं बावत्तरीणं आयरक्खदेवसाहस्सीणं० जाव विहरइ। कहिणं भंते ! माहिंदाणं देवाणं पजत्ताऽपज्जत्ताणं ठाणा पण्णत्ता ? कहि णं भंते ! माहिंदगा देवा परिवसंति ? गोयमा ! ईसाणस्स कप्पस्स उप्पिं सपक्खि सपडिदिसिं बहूइंजोयणाइं० जाव बहुगाओ जोयणकोडाकोडीओ उर्दु दूरं उप्पइत्ता, तत्थ णं माहिंदे णामं कप्पे पण्णत्ते, पाईणपडीणायए० जाव एवं जहेव सणंकुमारे, नवरं अट्ठ विमाणावाससयसहस्सा वडेंसया, जहा ईसाणे, नवरं मज्झे तत्थ देविंदे देवराया परिवसइ, अरयंवरवत्थधरे, एवं जहा सणंकुमारे० जाव विहरइ, नवरं अट्ठण्हं विमाणावाससयसहस्साणं सत्तरीए सामाणियसाहस्सीणं चउण्हं सत्तरीणं आयरक्खदेवसाहस्सीणं० जाव विहरइ। कहि णं भते ! बंभलोगदेवाणं पञ्जत्तापजत्ताणं ठाणा पण्णता? कहि णं भंते ! बंभलोगा देवा परिवसंति ? गोयमा ! सणं-कुमारमाहिंदाणं कप्पाणं उप्पिं सपक्खि सपडिदिसिं बहूई जोयणाइं० जाव उप्पइत्ता, इत्थ णं बंभलोए नाम कप्पे पाईणपडीणायते, उदीणदाहिणवित्थिन्ने, पडिपुन्नचंदसंठाणसंठिए अचिमाली भासरासिप्पभे, अवसेसं जहा सणंकुमाराणं, नवरं चत्तारि विमाणावाससयसहस्सा वडेंसगा, जहा सोहम्मस्स वडेंसया, नवरं मज्झे इत्थ बंभलोयवडेंसए, इत्थणं बंभलोगाणं देवाणं ठाणा पण्णत्ता / सेसं तहेव० जाव विहरति / बंभे इत्थ देविंदे देवराया परिवसइ अरयंबरवत्थधरे, एवं जहा सणंकुमारे० जाव विहरति, नवरं चउण्हं विमाणावाससयसहस्साणं सट्ठीए सामाणियसाहस्सीणं चउण्ह य सट्ठीणं आयरक्खदेवसाहस्सीणं, अन्नेसिं च बहूणं० जाव विहरइ। कहिणं भंते ! लंतगदेवाणं पज्जत्तापज्जत्ताणं ठाणा पण्ण- ता? कहि णं भंते ! लंतगदेवा परिवसंति ? गोयमा ! बंभलोगस्स कप्पस्स उप्पिं सपक्खि सपडिदिसिं बहूइंजोयणसयाइं० जाव बहुईओ जोयणकोडाकोडीओ उड्डूंदूरं उप्पइत्ता, इत्थ णं लंतए नामं कप्पे पण्णत्ते। पाईणपडीणायते जहा बंभलोए, नवरं पन्नासा विमाणावाससयसहस्साहवंतीतिमक्खायं, वडेंसगा जहाईसाणवडें सगा, नवरं मज्झे इत्थ लंतगवडेंसए देवा तहेव० जाव विहरंति, लंतए इत्थ देविंदे देवराया परिवसइ, जहा सणंकुमारे, नवरं पन्नासाए विमाणावाससयसहस्साणं, पन्नासाए सामाणियसाह