Page Text
________________ अंतकिरिया 58 - अभिधानराजेन्द्रः - भाग 1 . अंतकिरिया अणगारियं पव्वइत्तए ? गोयमा ! णो इणढे समढे / रइए णं भंते ! णेरइएहिंतो अणंतरं उव्वट्टित्ता भणुस्सेसु उववजेज्जा ? गोयमा ! अत्थेगतिए उववज्जेज्जा, अत्थेगतिए नो उववज्जेज्जा। जे णं भंते ! उववज्जेज्जा, से णं केवलिपण्णत्तं धम्मं लभेजा सवणयाए ? गोयमा ! जहा पंचिंदियतिरिक्खजोणिएसु जाव। जेणं भंते ! ओहिनाणं उप्पाडेज्जा, सेणं संचाएज्जा मुंडे भवित्ता अगाराओ अणगारिए पव्वइत्तए ? गोयमा ! अत्थेगतिए संचाएज्जा, अत्थेगतिए नो संचाएज्जा / जे णं भंते ! मुंडे भवित्ता, अगाराओ अणगारियं पब्वइत्तए, से णं मणपञ्जवनाणं उप्पाडेज्जा ? गोयमा ! अत्थेगतिए उप्पाडेजा, अत्थेगतिए नो उप्पाडेज्जा / जे णं मंते ! मणपज्जवनाणं उप्पाडेजा, से णं केवलनाणं उप्पाडेजा ? गोयमा ! अत्थेगतिए उप्पाडेजा, अत्थगतिए नो उप्पाडेजा। जेणं भंते ! केवलनाणं उप्पाडेजा, से णं सिज्झेज्जा बुज्झेजा मुत्तेज्जा सव्वदुक्खाणं अंतं करेज्जा ? गोयमा ! सिज्झेजा जाव सव्वदुक्खाणं अंतं करेजा। नेरइए णं भंते ! ने रइएहिं तो अणं तरं उव्वट्टित्ता वाणमंतरेसु जोइसियवेमाणिएसु उववज्जेज्जा ? गोयमा ! णो इणढे समढे / असुरकुमारा णं भंते ! असुरकुमारेहिंतो अणंतरं उव्वट्टित्ता नेरइएसु उववज्जेज्जा ? गोयमा! णो इणढे समटे / असुरकुमारा णं भंते ! अणंतरं उव्वट्टित्ता असुरकुमारेसु उववज्जेज्जा ? गोयमा! णो इणढे समढे / एवं जाव थणियकुमारेसु / असुरकुमारा णं भंते ! असुरकुमारेहिंतो अणंतरं उव्वट्टित्ता पुढविकाइएसु उववज्जेज्जा ? हंता गोयमा ! अत्थेगतिए उववजेज्जा, अत्थेगतिए नो उववजेज्जा / जे णं भंते ! उववजेजा, से णं केवलिपण्णत्तं धम्म लभेज्जा सवणयाए ? गोयमा ! णो इणद्वे समझे / एवं आउवणस्सईसु वि। असुरकुमारा णं भंते ! असुरकुमारेहिंतो अणंतरं उव्वट्टित्ता तेउ-वाउ-बेइंदियतेइंदियचउरिदिएसु उववजेजा ? गोयमा ! णो इणढे समढे / अवसेसेसु पंचसु पंचिंदियतिरिक्खजोणियादिसु असुरकुमारेसु जहा नेरइआ। एवं जाव थणियकुमारा। पुढविकाइए णं भंते ! पुढविकाइएहिंतो अणंतरं उव्वट्टित्ता जेरइएसु उववज्जेज्जा ? गोयमा ! णो इणद्वे समढे / एवं असुरकुमारेसु वि जाव थणियकु मारेसु / पुढविकाइएहिंतो अणंतरं उव्वट्टित्ता पुढविकाइएसु उववज्जेज्जा? गोयमा ! अत्थेगतिए उववजेज्जा, अत्थेगतिए नो उववज्जेज्जा / जे णं भंते ! उववजेजा, से णं केवलिपन्नत्तं धम्म लभेजा सवणयाए ? गोयमा ! नो इणढे समटे / एवं आउकाइयादिसु निरंतरं भाणियत्वं जाव चउरिदिएसु पंचिं दियतिरिक्खजोणियमणुस्से सु जहा णेरइयवाणमंतर-जोइसियवेमाणिएसु पडिसेहो / एवं जहा पुढविकाइओ भणिओ तहा आउकाइओ वि वणस्सइकाइओ | वि भाणियव्वो / तेउकाइए णं भंते ! तेउकाइएहिंतो अणंतरं उव्वट्टित्ता णेरइएसु उववजेजा? गोयमा ! नो इणढे समझे। एवं असुरकुमारेसु वि जाव थणियकुमारेसु वि। पुढविकाइयआउ-तेउ-वाउ-वणस्सइ-बेइंदिय-तेइंदिय-चउरिदिएसु अत्थेगतिए उववज्जेज्जा,से णं के वलिपन्नत्तं धम्मं लभेजा सवणयाए ? गोयमा ! णो इणढे समढे / तेउकाइए णं भंते ! तेउकाइएहिंतो अणंतरं उव्वट्टित्ता पंचिंदियतिरिक्ख-जोणिएसु उवव जा? गोयमा ! अत्थेगतिए उववज्जेज्जा अत्थेगतिए णो उवव० जे णं उवव० से णं के वलिपन्नत्तं धम्म लमिज्जा सवणयाए? गोयमा ! अत्थेगतिए लभेज्जा अत्थेगतिए नो लभेजा। जे णं भंते ! केवलिपन्नत्तं धम्मं लभेजा सवणयाए , से णं केवलिबोहिं बुज्झेजा ? गोयमा ! णो इणढे समढे / मणुस्सवाणमंतरजोइसियवेमाणिएसु पुच्छा० गोयमा ! णो इणढे समटे / एवं जहेव तेउकाइए निरंतरं एवं वाउकाइए वि। बेइंदिए णं भंते ! बेइंदिएहिंतो अणंतरं उव्वट्टित्ता नेरइएसु उववजेज्जा ? गोयमा ! जहा पुढविकाइए, णवरं मणूसेसु जाव मणपजवनाणं उप्पाडेजा ? एवं तेइंदियचउरिदिया वि जाव मणपज्जवनाणं उप्पाडेज्जा / जे णं मणपज्जवनाणं उप्पाडेजा, से णं केवलनाणं उप्पाडेजा ? गोयमा ! णो इणद्वे समढे। पंचिंदियतिरिक्खजोणिए णं भंते ! पंचिं दियतिरिक्खजोणिएहिंतो अणंतरं उव्वट्टित्ता नेरइएसु उववज्जेज्जा? गोयमा! अत्थेगइए उववजेज्जा, अत्थेगइए नो उव्व ज्जा / जे णं भंते ! उववज्जेज्जा से णं केवलिपन्नत्तं धम्मं लभेज्जा सवणयाए ? गोयमा ! अत्थेगतिए लभेजा, अत्थेगतिए नो लभेज्जा / जे णं केवलिपन्नत्तं धम्म लभेजा सवणयाए,से णं के वलिबोहिं बुज्झेजा ? गोयमा ! अत्थेगतिए बुज्झेज्जा, अत्थेगतिए नो बुज्झेज्जा / जे णं केवलिबोहिं बुज्झेजा, से णं सद्दहेज्जा पत्तिएज्जा रोएज्जा ? हंता, गोयमा ! जाव रोएज्जा / जे णं भंते ! सद्दहेजा जाव रोएज्जा, से णं आमिणिबोहियनाणसुइनाणओहिनाणाई उप्पाडेजा ? गोयमा ! जाव उप्पाडेजा। जे णं भंते ! जाव उप्पाडेजा, से णं संचाएजा सीलं वा जाव पडिवजित्तए ? गोयमा ! णो इणढे समढे / एवं असुरकुमारेसु वि जाव थणियकु मारेसु / एगिं दियविगलिं दिएसु जहा पुढविकाइए , पंचिंदियतिरिक्खजोणिएसु मणुस्सेसु य जहा णेरइय-वाणमंतर-जोइसिय-वेमाणिएसु / जहा णेरइएसु उववजइ ? पुच्छा० भणिया, एवं मणुस्से सु वि / / वाणमंतरजोइसियवेमाणिय० जहा असुरकुमारेसु / (इतः पूर्व टीका सुगमेति न गृहीता) नवरं, जे णं भंते ! इत्यादि मुण्डीभूत्वा अनगारतां प्रव्रजितुं शक्नुयात् ? न वेति प्रश्ने -
| SR No. | 016143 |
| Book Title | Abhidhan Rajendra Kosh Part 01 |
| Original Sutra Author | N/A |
| Author | Vijayrajendrasuri |
| Publisher | Rajendrasuri Shatabdi Shodh Samsthan |
| Publication Year | 2014 |
| Total Pages | 1078 |
| Language | Hindi |
| Classification | Dictionary |
| File Size |