________________
३३०
लेश्या-कोश अकिरियावाई, अन्नाणियवाई, वेणइयवाई ते सव्वट्टाणेसु वि नो नेरइयाउयं पकरेइ, तिरिक्खजोणियाउयं वि पकरेइ, मणुस्साउयं वि पकरेइ, नो देवाउयं पकरेइ x x x एवं जाव थणियकुमारा जहेव नेरइया ।
अकिरियावाई णं भंते ! पुढविकाइया० पुच्छा ? गोयमा ! नो नेरइयाउयं पकरेइ, तिरिक्खजोणियाउयं पकरेइ, मणुस्साउयं पकरेइ, नो देवाउयं पकरेइ । एवं अन्नाणियवाई वि । सलेस्सा णं भंते ! एवं जं जं पदं अत्थि पुढविकाइयाणं तहिं तहिं मज्झिमेसु दोसु समोसरणेसु एवं चेव दुविहं आउयं पकरेइ। नवरं तेऊलेस्साए न किं वि पकरेइ । एवं आउक्काइयाण वि, एवं वणस्सइकाइयाण वि । तेउकाइया, वाउकाइया सव्वहाणेस मज्झिमेसु दोसु समोसरणेसु नो नेरइयाउयं पकरेइ, तिरिक्खजोणियाउयं पकरेइ, नो मणुस्साउयं पकरेइ, नो देवाउयं पकरेइ । बेइदिय-तेइ दियचउरिंदियाणं जहा पुढविकाइयाणं x x x किरियावाई णं भंते ! पंचिंदियतिरिक्खजोणिया किं नेरइयाउयं पकरेइ० पुच्छा ? गोयमा ! जहा मणपज्जवनाणी, अकिरियावाई, अन्नाणियवाई, वेणइयवाई य चउव्विहं वि पकरेइ। जहा
ओहिया तहा सलेस्सा वि। कण्हलेस्सा णं भंते ! किरियावाई पंचिंदियतिरिक्खजोणिया किं नेरइयाउयं० पुच्छा ? गोयमा! नो नेरइयाउयं पकरेइ, नो तिरिक्खजोणियाउयं पकरेइ, नो मणुस्साउयं पकरेइ, नो देवाउयं पकरेइ। अकिरियावाई, अन्नाणियवाई, वेणइयवाई चउविहं वि पकरेइ । जहा कण्हलेस्सा एवं नीललेस्सा वि, काऊलेस्सा वि, तेऊलेस्सा जहा सलेस्सा। नवरं अकिरियावाई, अन्नाणियवाई, वेणइयवाई य नो नेरइयाउयं पकरेइ, तिरिक्खजोणियाउयं वि पकरेइ, मणुस्साउयं वि पकरेइ, देवाउयं वि पकरेइ । एवं पम्हलेसा वि, एवं सुकलेस्सा वि भाणियव्वा । x x x जहा पंचिंदियतिरिक्खजोणियाणं वत्तव्वया भणिया एवं मणुस्साण वि ( वत्तव्वया) भाणियव्वा xxx अलेस्सा केवलनाणी अवेदगा अकसाई अजोगी य एए न एगं वि आउयं न पकरेइ । जहा ओहिया
Jain Education International
For Private & Personal Use Only
www.jainelibrary.org
