Page Text
________________
बुद्धिवर्णनाधिकारे अभयाख्यानकम् अधुना अभयाख्यानकमुच्यते । तच्चेदम्
दाहिणभरहद्धरसारमणीवयणे विसेसयसमाणं । सिरिरायगिहं नयरं नयरंजियजणवयं आसि ॥१॥ नीहारधराधरसिहरसरिस उत्तुंगपवरपायारो । सहसकररहतुरंगमगमणखलणं जणइ जत्थ ॥ २॥ पायारतलपरिट्टियपरिहासंकंततारयुकेरो । जत्थ रयणीसु रेहइ निम्मलमुत्ताहलभरो व्व ॥ ३॥ गयभासियं पि विगयं रायविहूर्ण विसिट्टरायं पि । हयमइसामंतं पि हु पसिद्धसामंतमहरम्मं ॥ ४ ॥ देवउलधवलमाला निम्मलकलहोयकलसकयसोहा । सारयजलहरसिहरावलि व्व तडिसंजुया जत्थ ।। ५ ।। उन्नयपओहरभरो खणरुहरुइरो कलाविकयसोहो । जत्थ विलासिणिविसरो पाउससोहं समुव्वहइ ॥६॥ वरचित्तरयणजुत्तो सुजाणवत्तो मुहारसहिओ य । गुरुकमलासियहियओ नयरजणो जत्थ जलहि व्व ।। ७ ॥ फलिहसिलामलकुट्टिमतलेसु पडिमागयाओ रमणीओ । पायालपुरंधीओ व्व जम्मि दीसंति लोएण ॥ ८॥ तम्मि पुरे परकुंजरकुंभत्थलखोणिखणणसीरसमो । समरसयंवरजयसिरिरमणीगहणेक्कदुल्ललिओ ॥९॥ सुकुमालपाणि-पाओ सारयग्यणियरसरिसमुहछाओ । रइरमणरुइरकाओ नरराओ सिरिपसेणइओ ॥१०॥ जम्स रिउरमणिमाणसमझे पजलियपयाचदवजलगो । लक्खिज्जड़ दीहर-उण्हसासधूमप्पवाहेहिं ।। ११ ॥ जम्स जयलच्छिलालसमणस्स अवमाणमसहमाण व्व । धोयकलहोयकता कित्ती वच्चइ दिसिमुहेसु ।। १२ ।। जस्स तुरंगमखुरखणियखोणिउड्डीणरेणुपूरेण । अंधारितो दिसिमुहसमेयवंभंडखंडउडं ॥ १३ ॥ झलकंतकुंतविरइयविज्जुजोयप्पयासियदिसोहो । गंभीरसिंधुरघडागलगजियभरियभुवणयलो ॥ १४ ॥ चलचवलधवलधयवडवलायपंतिप्पहासियदियंतो । सामंतमउडमणिकिरणफुरणकोदंडडंबरिओ ।। १५ ॥ दोघट्टथट्टमुंडापज्जंतपमुक्कसिक्करासारो । गयकणयघड़ियघंटारणंतबप्पीहयकुडुबो ॥ १६ ॥ कारावितो आणं नीसेसनरेसराण विसएमु । खंधावारो वियरइ जलहरलील विडंबंतो ॥ १७ ॥ तस्सऽत्थि पुन्नलायन्नधारिणी धारिणि त्ति विक्खाया। भज्जाऽणवजसज्जियसरस्स कामम्स केलिगिहं ।। १८॥ निम्सेसकुमरसारो तस्सऽत्थि समग्गसत्तुसंहारो । रूवविणिज्जियमारो सेणियनामो वरकुमारो ॥ १९ ॥
रजपमुहं समप्पिय भारं मंतीण सुद्धबुद्धीणं । केलीविणोयवसिओ गमेइ कालं पुहइवालो ॥२०॥ तथा हि
कइया वि कुणइ कुंजरकेलिं सामंत-मंतिसंजुत्तो । अप्फालंतो कामिणिपीणत्थणथूलकुंभयडं ॥ २१ ॥ काय वि तरलतुरंगमवग्गणवसतुट्टमोत्तियकलावो । पगलंतधम्मसलिलो व्व कुणइ हयवाहियालीओ॥ २२ ॥ अह अन्नया कयाई रयणीए पच्छिमम्मि जामम्मि । सुहसंबुद्धो चिंतिउमारद्धो नरवई एवं ॥ २३ ॥ मज्झ कुमराण मज्झे होही को धरधुराधरणधीरो । सेसो व महाभोगो चूडामणिरंजियसिरग्गो ॥ २४ ॥ इय चिंतिऊण सिंधुर-तुरंगमा-ऽऽउज्ज-रहवराइन्नं । पज्जालावइ सयलं चउद्दिसिं जिन्नसालगिहं ॥ २५ ॥ तं नियवि जलणजालाकरालियं भणइ भूवई कुमरे । रे रे ! जो जं गिण्हइ दिन्नं तं तस्स सव्वं पि ॥ २६ ॥ रायाएसं निसुणिउ तडयडफुटुंतवंससंदोहे । कट्ठति पलित्ते पविसिऊण कुमरा गईदाई ॥ २७ ॥ उल्लालियकरपेरंतमुक्कसिकरछडाकडप्पेहिं । जलणं विज्झावेतो व्व कडिओ केणवि करिंदो ॥२८॥ अवरेण पवरमाणिकचक्ककिरिणोहरंजियदियंतो । संगहिओ पयलंतो व्व रहवरो रायकुमरेण ॥ २९ ॥ जालाजडालजलणं पविलोइय तरलतारओ तुरियं । पज्जलियजलणभीओ व्व कड्डिओ केण वि तुरंगो ॥ ३०॥ सेणियकमरेण णोपविसिय पजलंतमंदिरस्संतो । गहिया भिभऽभिहाणा दक्खेण झड त्ति जयढक्का ॥३१॥ तं मच्छरेण करकलियभिभमवलोइउं इयरकुमरा । उवहासेण पयंपंति सेणियं भिभसारो ति ।। ३२ ॥ तं दट्टण नरिंदेण चिंतियं सेणिएण साहु कयं । पढममिणं रज्जंगं संगहिया जेण जयढक्का ॥ ३३ ॥
१. पवरकुमरा-२० ।
Jain Education Interational
For Private & Personal Use Only
www.jainelibrary.org
| SR No. | 016006 |
| Book Title | Akhyanakmanikosha |
| Original Sutra Author | Nemichandrasuri |
| Author | Punyavijay, Dalsukh Malvania, Vasudev S Agarwal |
| Publisher | Prakrit Text Society Ahmedabad |
| Publication Year | 2005 |
| Total Pages | 504 |
| Language | Prakrit, Sanskrit |
| Classification | Dictionary & Story |
| File Size | 13 MB |