Page Text
________________
२६६
३१. धर्मसुकरतावर्णनाधिकारे ढण्ढणकुमारास्यानकम् भयवंतेण वि भणियं अज्ज वि कम्मं न खिज्जए तुज्झ । एसा वि कण्हलद्धी तं सोउं ढंढणकुमारो ॥२६॥ सव्वेसि दंसिऊणं उम्सूरत्ताओ तेहिं वि निसिद्धे । मुहचित्तो पारद्धो परिठविउं मोयगे तत्तो ॥२७|| जीव ! तुमं मा काहिसि रसगिद्धि मायगेसु जह एए । न मए भुत्ता जम्हा अणेगसो भुतपुच त्ति ॥२८॥ तणरासीहिं व जलणो जह जलनाहो नईसहस्सेहिं । नो तिप्पइ तह जीवो बहुयाहिं वि भायणविहीहि ॥२९।। इय सम्म चितंतस्स मोयगे तस्स परिठवंतम्स । पयडियसव्वपयत्थं केवलनाणं समुप्पन्नं ॥३०॥ पडिबोहिय भवियजणं पालित्ता केवलिम्स पज्जायं । निवियअट्टकम्मो स महप्पा मोक्खमणुपत्तो ॥३१॥
॥ ढंढणकुमराख्यानकं समाप्तम् ॥१७॥ इदानी जम्ब्याख्यानकमाख्यायते
तं च जहा रायगिहे सुधम्मसामिम्मि समवसरियम्मि । जायाविणोयणत्थं पहाणरहमारुहि उमिम्भो ॥१॥ संपत्तो गुरुपासे पुट्टम्मि पियाए पुत्तजम्मम्मि । जसभद्देणं कहियम्मि पुत्तलाभम्मि जायाए ॥२॥ जह ओवाइयमट्टसयमंबिलाणं सुयम्स नामं च । जंबूदेवीए तयं तीए कयं पुत्तकामाए ॥३॥ तम्मि जहा नररयणम्मि इन्भभवणम्मि जायमेत्तम्मि । वद्धावणयविहाणेण दाण-सम्माणकरणेण ॥४॥ दुत्थियसुहेल्लिजणणेण पुन्नवंतम्मि जम्मि सव्वजणो । पमुइयपकीलिओ सइ सुही य जाओ जिणिदे व्व ॥५॥ जह सो सव्वकलाणं मइगणपगरिसपभावगम्माणं । जाओ सवपवीणो धम्मकलाए विसेसेण ॥६॥ जह सो तरुणीहरणीण वागुरासरिसमसमगुणकलियं । लायन्त्रललाममणंगधाम तारुन्नमणुपत्तो ॥७॥ जह सो सरोयपत्तं व कामजलसंगवजिओ मइमं । कंसीपत्तं व सणेहनीरपरिहरियरुइरतणू ॥८॥ संखो व्व पवित्त-सुइत्तसंगओ विरहिओ वियारेहिं । वियरइ समग्गनर-नारिहिययहरणो समियकरणो ॥९॥ जह कइया विहु मुणिवरसुहम्मगणहारिसंगइगुणण । जाओ विसुद्धलेसो धणियं धम्मो' व्व पच्चक्खो ॥१०॥ जह सो जणणीउवरोहगुणवसा अट्ट इन्भकन्नाओ। परिणइ मणोहराओ सुरंगणाहिं व सुरकुमरो ॥११॥ परियरिओ जह सो ताहि वासभवणम्मि धम्मवुद्धीए । करिसगनायाईहिं पडिबोहइ ताओ धम्मम्मि ॥१२॥
संबोहिय रायमुयं पभवं गणहरसुधम्मपासम्मि । पब्वइयो जह छड्डिय तणं व तं लच्छिविच्छड्डु ॥१३॥ जओ भणियं
सो जयइ जंबुणामो तरुणत्ते जेण पालियं सीलं । अट्ट कलत्ते नवनउइकणयकोडीओ परिहरिउं ॥१४॥ अभसियदुविहसिक्खो जिणसासणनीरनाहपारगओ। छत्तीसगुणसमनियनियगुरुसंपत्तसृरिपओ ॥ १५ ॥ परिपालियपरियाओ नियपयसंठवियपभवरायसुओ। संपत्तकेवलसिरी विहुयमला सिद्धिमणुपत्तो ॥१६॥
तह वित्थरओ जिणनाहभणियसिद्धंतओ समुन्नेयं । इह पुण संखेवेणं भणियं भव्वाण संतिकरं ॥१७॥ तथाहि
कल्लाणं मंगल्लं चरियमिमं जयइ जंबुनामम्स । एत्तो चिय पञ्चूसे कुणंति गुणथुइमिमस्सेवं ॥१८॥ सो जयह जंबुणामो मणपज्जवसन्नियस्स नाणस्स । मणचिंतियगुणविउणो अपच्छिमो जो इहं भरहे ।।१९।। सो जयइ जंबुणामो केवलरविणोऽरुणोदयसमस्स । परमोहिस्स महप्पा अपच्छिमो जो इहं भरहे ॥२०॥ सो जयइ जंबुणामो पुलायलद्धीए गुरुपभावाए । चक्किबलचूरणीए अपच्छिमो जो इहं भरहे ॥२१॥ सो जयइ जंबुणामो विसिट्टकजप्पसाहणखमम्स । आहारगस्स गुणवं अपच्छिमो जो इहं भरहे ॥२२।। सा जयइ जंबुणामा विसिट्ट सुद्धिपयखवगसेढीए । कम्मक्खयजणणाए अपच्छिमा जा इह भरह ।।२३।। सो जयइ जंवुणामो दुज्जयगुरुमोहणिजसमणीए । उवसमसेढीए वि हु अपच्छिमो जो इहं भरहे ॥२४॥
१. धणो व्व-खं०।
Jain Education International
For Private & Personal Use Only
www.jainelibrary.org
| SR No. | 016006 |
| Book Title | Akhyanakmanikosha |
| Original Sutra Author | Nemichandrasuri |
| Author | Punyavijay, Dalsukh Malvania, Vasudev S Agarwal |
| Publisher | Prakrit Text Society Ahmedabad |
| Publication Year | 2005 |
| Total Pages | 504 |
| Language | Prakrit, Sanskrit |
| Classification | Dictionary & Story |
| File Size | 13 MB |