Page Text
________________
२५७
२६. भावशल्यानालोचनदोषाधिकारे ऋषिदत्ताख्यानकम् आणंदमुव्यहंतेण तेण निझाइया कुमारण । भणियं भो भो ! पेच्छह एस पिया मज्झ रिसिदत्ता ॥३८।। कि एसा सा गउरी ? रई व किं वा ? सरस्सई किं वा ? | किं वा रंभा ? पायालकन्नया का वि किं होज्जा ? ॥३९०॥ इय एवं ते विम्हइयमाणसा सहरिसं पलोयंता । अनिमिसनयणा तित्तिं पावंति न तम्मि पत्थावे ॥३१॥ रुप्पिणि-रिसिदत्ताणं दीसइ पच्चक्खमंतरं गरुयं । सुणया-सीहीण व काइ-रायहंसीण वयणेण ॥३९२।। अन्नं च जणो जंपइ टाणे कुमरम्स एत्थ पडिबंधो । एईए रूवेणं मोहिजड़ को न भुवणम्मि ? ||३९३।। तो रन्ना सा ग्रहविया सव्वालंकारभूसियसरीरा । देवंगनिवसणधरा विहिया कप्पदुमलय व्व ॥३९४।। संजायगरुयहरिसो तीए सह भुंजिउं समारद्धो । पंचप्पयारभोए अवगन्निय रुप्पिणि रमणि ।।३९५।। तं ढ8 रिसिदत्ता चितइ एसो इमीए निन्नेहो । दिविलीओ एवं अवन्नवाओ धुवं मझ ॥३६६।। एसा जइ वि वराई कयावराहा परोवरोहेण । तह वि हु मए इमीए उवयरियव्वं किमन्नेण ? ॥३९७|| उवयरिए उवयारो जो सो वणियाण होइ ववहारो । अवरत्थ जमुवयरियं तं पुण गरुया पसंसंति ॥३९८|| तो कइया वि सहरिसं निययवरं पत्थिओ पयत्तेण । रिसिदत्तपणइणीए तेणुत्तं भणसु जं देमि ॥३९९|| जइ एवं ता एसा दट्टव्वा मज्झ सरिसया सामि ! । एवं तुझ वि मज्झ वि मज्झत्थगुणेण माहप्पं ॥४००॥ जइ एयाए कहमवि तीए पावाए पेरियाए कयं । तह वि हु मह खमियव्वं विसिटकुलसंभवो तं सि ॥४०१॥ इत्थी निद्दयहियया ईसाविसमोहिया सकज्जपरा । फुसिओ एस कलंको एवं तीए कुणंतीए ॥४०२॥ अह अन्नया य भणिओ कणगरहो मंतिपमुहलोएण । मोयाविजउ राया गम्म उ संपइ नियपुरीए ॥४०३।। कुमरेण वि सप्पणयं तहेव विहियम्मि नरवरिंदेण । संवाहिया सहरिसं विभवं दाऊण नियधूया ॥४०४॥ तत्तो सुंदरदिवसे अणवरयपयाणएहिं संपत्तो । पविसइ निययपुरीए पेच्छिज्जंतो पुरजणेण ॥४०५॥ सव्वेयरपासट्ठियरिसिदत्ता-रुप्पिणीहिं परियरिओ । सव्वमयसमयबंधुरसिंधुरखंधे समभिरूढो ॥४०६॥ भणियं केणावि हु मेत्त ! पेच्छ एयं महंतमच्छरियं । एसा किर रिसिदत्ता विणा सिया पाणपुरिसेहिं ।।४०७॥ जाव य सक्खं अक्खंडसुंदरावयवरेहिरसरीरा । दीसइ दाहिणपासम्मि संठिया मुहयकुमरम्स ॥४०८॥ अहवा विहिराए माणुसस्स तं नस्थि जं न संभवइ । अणुकूले कल्लाणं जह जायमिमीए किं बहुण ? ॥४०९।। एवं वियद्दपुरिसेहिं विसइ वन्निज्जमाणगुणनिवहो । पियपरपरिवायत्ता विसेसओ तरुणरमणीहिं ॥४१०॥ सहइ मुहाहाराहिं पियाहिं वि वहुप्पिओ गइंदगओ । रंभा-तिलोत्तमाहिं हरि व्व कुमरो भणइ कावि ॥४११॥ मयरद्धओ व्व कुमरो रइ-पीईहिं व पियाहि परियरिओ । भणियमवराइ [इह हिरि-]सिरिदइओ समयणाहि इमो॥४१२॥ अहवा वि भरहखेत्तस्स मज्झदेसो व्ब धम्मकम्मनिही । सरसाहिं गंग-सिंधूहिं सहइ कुमरो सह पियाहि ॥४१३।। अवराए भणियमेसो हु भागसाराहि भारियाहिं समं । उत्तर-देवकुरू हिं व ससुवन्नो सहइ मेरु व्व ॥४१४॥ सीया-सीओयाहि व विदेहभागो व्व रेहइ सुवासो । सुपओहराहिं सह पिययमाहिमेसोऽवरा भणइ॥४१५।। अन्ना भणइ सुदिट्ठीहिं संगओ सहइ पिययमाहिमिमो । दसण-नाणसिरीहिं व चरित्तराओ व्व सिवजणओ ॥४१६ इय नायरनर-नारीनिवहेणं नंदणो नरिंदम्स । वन्निजंतो पविसइ पए पए कोउयक्खित्तो ॥४१७॥ पत्तो य रायभवणं रुइरुल्लोयं ललामललणोहं । विरइयवंदणमालं पूरियमुत्ताहलचउक्कं ॥४१८॥ विहियं वद्धावणयं रण्णा कुमरागमम्मि हरिसेणं । हरिसपणच्चिरवरवारविलयतुटुंतहारलयं ॥४१९॥ वजंततूरनिवहं गायणगिजंतरायगुणनिवहं । विद्धाजणनिव्वत्तियकुमरोयारणयरमणीयं ॥४२०॥ चलणेसु पाडियाओ सासुय-ससुराइयाण बहुयाओ। रिसिदत्ताए कहिओ सव्यो कुमरेण वुत्तंतो ॥४२१ समुराइएहिं तत्तो खमाविया आयरेण रिसिदत्ता । खमसु महासइ ! जंतुझ विहियमसमंजसं किंपि ।।४२२॥ पव्वाइयाए चरियं नाऊणं विम्हिया नयरलोया । पेच्छ जहा धुत्तीए अम्हे वि हु वंचिया तीए ॥४२३॥ अणुरायपरवसाहिं दोहिं वि [ भज्जाहिं ] सह कुमारस्स । विसयमुहमणुहवंतस्स कोइ कालो वइक्वंतो ॥४२४॥
Jain Education International
For Private & Personal Use Only
www.jainelibrary.org
| SR No. | 016006 |
| Book Title | Akhyanakmanikosha |
| Original Sutra Author | Nemichandrasuri |
| Author | Punyavijay, Dalsukh Malvania, Vasudev S Agarwal |
| Publisher | Prakrit Text Society Ahmedabad |
| Publication Year | 2005 |
| Total Pages | 504 |
| Language | Prakrit, Sanskrit |
| Classification | Dictionary & Story |
| File Size | 13 MB |