Page Text
________________
२३६
२७. धर्मप्रियत्वादिगुणवर्णनाधिकारे कामदेवाख्यानकम् रूवाइगुणसुभद्दा भद्दा नामेण पणइणी नम्स । सम्माणट्टाणं सो नरिंदपज्जंतपउराण ॥२॥ विन्नायपुन्न-पायी जीवा-ऽजीवाइजाणियसम्वो । छक्कोडीउ निहाणीकयाउ कणयम्स तब्भवणे ॥३॥ छ व्वित्थरप्पउत्ताउ तह य छ व्वडिसंपउत्ताओ । छ व्वहणाई तहा से वहति सगडाण पंच सया ॥४॥ पंच सयाणि हलाणं किसिप्प उत्ताणि गोउलाई से । छ प्पत्तेयं दसदससहम्सगोसंखजुत्ताणि ||५|| तत्थऽन्नया य अमरा-ऽसुरिंद-नर-खयररायनयचरणो । समवसरिओ पुरीए उज्जाणे बद्धमाणजिणो ॥६॥ परिसाए निग्गयाए स कामदेवो जिणिदनमणत्थं । संपत्तो रोमंचियगत्तो वंदित्तु भयवंतं ॥७॥ उचियट्टाणनिविट्टो सोउं सद्देसणं जिणाभिहियं । चित्तभंतरसुहपरिणइजुओ भणइ जिणनाहं ॥८॥ भयवं : काउमसत्तो पब्बज्जमहं करेमि पुण सम्मं । धम्मं सुसावगाणं तो बारसहा वि पडिबन्नो ॥२॥ सावयधम्मो पणमिय जिणेसरं पडिगओ तओ तस्स । तं सम्म पालंतस्स सुद्धसज्झायजुत्तम्स ॥१०॥ अमि-च उद्दसीयं चउव्विहं पोसहं कणंतस्स । चोहस समहर्कताणि तम्स वरिसाणि गुणनिहिणो ॥११॥ अह अन्नया य पोसहसालाए सव्वराइयं पडिमं । पडिवन्नमिमं खोभेउमागओ रक्खरवसुरो ॥१२॥ आरत्तनेत्तदित्ती विद्धंसियअंधयारसंधाणो । पज्ज लियजलणमिस्सियविमुक्कलल्लक्कफेक्कारो ॥१३॥ गुरुकरहकंधरारोमकविलकेसो करालमुहकुहरो । फालसमविसमदंतो धूमसिहासामलच्छाओ ॥१४॥ गोणसकयावयंसो जन्नोइयअइगरेण अइभीमो । धुंटतो करयलकयकवालकीलालमणवरयं ॥१५॥ उक्खायखग्गदंडो पभणइ भो कामदेव ! जइ नो तं । सीलव्वयाइं खंडसि ता खग्गेणं हणिस्सामि ॥१६॥ तो कामदेवसड्डो गाढयरं धम्मझाणमारूढो । इय वारत्तियमुत्तो विन चलिओ धम्ममाणाओ॥१७॥ ता खग्गदंडघाएहिं खंडिओ सहइ सम्ममेसो वि। तो मुक्कजक्खरूवो देवो जाओ गुरुकरिंदो ॥१८॥ उभियसुंडादंडो रणंतघंटाजुएण डंबरिओ । गलगज्जिभरियभुवणो सत्तंगोगलियमयपवहो १९॥ जंपइ य कामदेवं जइ न कुणसि खंडणं नियवयाणं । ता उल्लालिय मुंडाए तह पडिच्छेवि दंतेहिं ॥२०॥ वलवट्टिस्सं पाएहिं होइ तुह मरणमट्टझाणेण । इय तिक्खुत्तो वुत्तो वि न चलिओ सो सुझाणाओ ॥२१॥ तत्तो य आसुरुत्तेण हस्थिणा गिण्हिऊण सुंडाए । उल्लालिऊण दंतेहिं कलिय दलिओ सपाएहिं ॥२२॥ सो विहु करिकयवियणं सम्मं अहियासए महासत्तो। तो अमरो करिरूवं परिहरिउं विसहरो जाओ ॥२३॥ फुक्कारविड्डरिल्लो वियडफडाडोयडंबरुड्डमरो । जलणकणारुणनयणो तरलदुजीहो घणच्छाओ ॥२४॥ भणइ य तयं तहेव य वारतिगं सो न मणयमवि खुहिओ । गाढं वेढिय कंठेमु तिक्खदाढाहिं तो डसइ ।।२५।। तं पि हु वियणं सम्म अहियासइ जिणमयम्मि थिरबुद्धी । तो तं अभीयमवलोइऊण धम्मम्मि थिरचित्तं ॥२६॥ तयणु कयामररूवो विलसिरमणिकणयकुंडलाऽऽहरणो । पभणइ य कामदेवं सकयत्थो धन्न-पुन्नो तं ॥२७॥ तुह जम्म-जीवियाई सकयत्थाई समथि निग्गंथे । जिणपवयणम्मि एरिसनिच्चलया जस्स सयकालं ॥२॥ विहियं देवाणुप्पिय ! सक्केण सुहम्मसुरसहामज्झे । तुझ गुणम्गहणमिणं जहा सईदेहिं देवेहिं ॥२९॥ चंपाए कामदेवो तीरइ न जिणप्पणीयधम्माओ। चालेउमिममसद्दहमाणोऽहमिहागओ झत्ति ॥३०॥ विहिया ग चालणकए घोरुवसग्गा मए इमे तुज्झ । ता खमसु इय पयंपिय पणमिय तं खामिउं अमरो ॥३१॥ नियठाणे संपत्तो गोसे पारेइ पडिममेसो वि । एत्यंतरम्मि सामी समोसढो वद्धमाणजिणो ॥३२॥ वंदेवि कामदेवो भयवंतं पजवासए जाव । ता भुवणसामिणा सो पयंपिओ तुज्झ रयणीए ॥३३॥ सम्ममहियासिया इह उवसम्गा रक्खसाइणो तुमए । तेणुत्तं जह भयवं ! तुम्भे जाणह तह च्वेव ॥३४॥ पुणरवि य भयवया सो भणिओ जिणपवयणम्मि जस्सेसा । निचलया सो तं पुन्नभायणं इय निसामे ॥३५॥ हरिसपरिपृरियंगो पणमेवि जिणं गओ सठाणे सो । वाहरिय भयवया पभणिया य समणा य समणीओ ॥३६॥ अज्जो ! जइ गिहिणो वि हु एवं सम्मं सहति उवसग्गे । ता किं न हु सहियव्वा तुन्भेहिं विमुक्कसंगेहिं ॥३७||
Jain Education International
For Private & Personal Use Only
www.jainelibrary.org
| SR No. | 016006 |
| Book Title | Akhyanakmanikosha |
| Original Sutra Author | Nemichandrasuri |
| Author | Punyavijay, Dalsukh Malvania, Vasudev S Agarwal |
| Publisher | Prakrit Text Society Ahmedabad |
| Publication Year | 2005 |
| Total Pages | 504 |
| Language | Prakrit, Sanskrit |
| Classification | Dictionary & Story |
| File Size | 13 MB |