Page Text
________________
२६. जीवदयागुणवर्णनाधिकारे मेघाख्यानकम्
२३३ कयपंचंगपणामो भत्तिभरुल्लसियबहलरोमंचो । जिणवयणनिहियनयणो एवं थोउं समाढत्तो ॥१४२॥ जय जय भुवणुज्जोयण ! जय जय जस-कित्तिवद्धियाणंद !! जय जय गुणरयणायर ! जय जय जय बद्धमाण ! तुमं ॥१४३॥ वद्धद मणसंतोसो तिसलादेवीए देहलायन्न । गम्भम्मि गए तुमए तेण तुमं वद्धमाणो सि ॥१४४॥ परमपयाव-परक्कमगुणाण चउरंगबलविभूईए । बद्धइ सिद्धत्थनिवो तेण तुमं बद्धमाणो सि ॥१४५॥ पीई-सक्कारेहिं मणि-मुत्त-सिलप्पवाल-वइरेहिं । जं वद्धइ रायसिरी, तेण तुमं वद्धमाणो सि ॥१४६॥ तइ उदिए चंदम्मि व परमपवित्ते कलानिहाणम्मि । जं वद्धइ कुलजलही तेण तुमं वद्धमाणो सि ।।१४७|| वद्धइ सुहमारोग्गं जणम्स पाएण धम्मबुद्धा य । तइ संभूए भयवं ! तेण तुमं वद्धमाणो सि ॥१४८॥ तिहि-रिक्खम्मि पसत्थे अम्मा-पियरो करिंसु जं तुज्झ । गुणनिप्फन्न नामं तेण तुमं वद्धमाणो सि ।।१४९॥ इय बद्धमाणसामिय ! करुणायर ! सइ करेवि कारुन्न । सिद्धिनिबंधणधम्मस्स वद्धणं कुणसू भवियाणं ॥१५०॥ एवं थोऊण जिणं गंतुं पुवुत्तरे दिसीभाए । जिणसमयभणियविहिणा उवविट्टो मणुयपरिसाए ॥१५१॥ मणि-हेमभासराभरणकन्तिपसरंततणुपहावलओ । मेहकुमारो वि रवि व्य वयइ आसरहमारूढो ॥१५२॥ सिरिवीरवंदणत्थं ओयरिउं रहवराओ विहि पुज्छ । जणओ व्व जिणं वंदिय उवविठ्ठो जणयपासम्मि ॥१५३॥ एत्थंतरम्मि भयवं! जलहरगंभीरमहुरवाणीए । सुरअसुरनरसभाए एवं कहि समाढत्तो ॥१५४|| संसारे संसरंतम्स जंगमत्तं पि दुल्लहं । तम्मि पंचिंदियत्तं च तओ वि मणुयत्तणं ॥१५५|| नरत्ते आरियं खेत्तं खेत्त वि विमलं कुलं । कुले वि उत्तमा जाई जाईए रूवसंपया ॥१५६|| रूवे वि बलसंपत्ती बले वि चिरजीवियं । हिया-ऽहियाइविन्नाणं जीविए खलु दुल्लहं ॥१७॥ सम्मत्तममलं तम्मि सम्मत्ते सीलमुत्तमं । सीले वि खाइओ भावो सबकम्मखयंकरो ॥१५८॥ इय संजोगा इत्थं दुलहा जीवाण कुणह ता धम्मं । संपज्जइ जेण इमं सफलं माणुस्सयं जन्म ॥१५९॥ दुग्गइधरणा धम्मो जइ-सावयभेयओ य सो दुविहो । दुविहो वि भवे कजो उचियत्तं अप्पणो नाउं ॥१६॥ पाहेएण विरहिओ पहम्मि पहिओ जहा भवे दुहिओ । इय धम्मेण विरहिओ परलोयपहम्मि जीवो वि ॥१६॥ धम्मत्थिणा य पियजीवियाण जीवाणमवहणं कज्जं ।। सव्वगुणाणं मूलं सच्च भासंति धम्मपिया ॥१६२।। बाहिरपाणसरूवं परदव्वं परिहरंति धम्मरया । जीववहमूलममं निच्चमबंभं च बज्जेति ॥१६॥ अप्पं व बायरं वा परिम्गहं परिहरंति धम्मधणा । राईभोयणविरई सया वि धम्मत्थिणा कज्जा ॥१६४॥ समिईओ पालणीया मायाउ व धम्ममायरंतेण | गुत्तीओ वि हु रक्खा गुत्तीओ व धम्मसस्सस्स ॥१६५|| इच्छाकारो कज्जो परम्म धम्मत्थिएण सव्वत्थ । मिच्छाउक्कडमुत्तं वितहायरणम्मि धम्मंगं ॥१६६॥ धम्मोवएसदाणे गुरुणो परिभासिओ तहक्कारो । आवस्सिया य कज्जा कजे नेताण वसहीओ ॥१६७॥ जो होइ निसिद्धप्पा निसीहिया तस्स पविसणे भणिया । आपुच्छणा उ कज्जा गुरुणो कजम्मि पाएणं ॥१६॥ पडिपुच्छणा गुरूणं पुव्वनिसिद्धण होइ कजं ति । लद्धम्मि भत्त-पाणम्मि छंदणा होइ कायव्वा ॥१६९॥ साहूण निमंतणयं पविसिउकामो करेइ गोयरियं । उवसंपया वि गुरुणो नाणाईणं निमित्तम्मि ॥१७॥ इय एस समणधम्मो सप्पुरिसनिसेविओ महाइसओ। अक्खेवेणं मोक्खस्स साहओ जिणवराभिहिओ ॥१७१॥ एयं काउमसत्ता सावयधम्म दुवालसविहं पि । विहिणा जिणवरभणियं नाऊण कुणंति कयउन्ना ॥१७२।। एसो वि सुगइमग्गो पायं सुकरो विलंबमुहजणओ। समणाणं धम्ममिमं काउमसत्ताणमुचिओ य ॥१७३॥
भणियं च
विसयसुहपिवासाए अहवा बंधवजणाणुराएणं । अचयंतो अइदुसहे बावीसपरीसहे सहि ॥१७४॥ जइन तरसि काउंजे सम्म अइदक्करं समणधम्मं । तो कुजा गिहिधम्म मा बज्झो होसु धम्माओ॥१७५॥ इय सोउ धम्मकहं के वि हु सुविवेइणो लहुयकम्मा । मोत्तूण गिहं जाया अणगारा भावियप्पाणो ॥१७६।।
Jain Education International
For Private & Personal Use Only
www.jainelibrary.org
| SR No. | 016006 |
| Book Title | Akhyanakmanikosha |
| Original Sutra Author | Nemichandrasuri |
| Author | Punyavijay, Dalsukh Malvania, Vasudev S Agarwal |
| Publisher | Prakrit Text Society Ahmedabad |
| Publication Year | 2005 |
| Total Pages | 504 |
| Language | Prakrit, Sanskrit |
| Classification | Dictionary & Story |
| File Size | 13 MB |