Page Text
________________
२२२
आख्यानकमणिकोशे
चितियमिमेहिं तइया अहिमाणाओ मण सनिव्वयं । धिसि विसि ! अम्हाणमिमो कलाकाबाइगुगनियरी ॥२८॥ तथा 'हि
रुवं सोहग्गगुणो पियभासित्तं कलासु कुसलत्तं । जाईए दोसेणऽम्ह निष्फलं कासकुसुमं व ॥२९॥ ता दुक्कियहणणत्थं कुणिमा किपि हु मुहं तवच्चरणं । जम्म वि जण एवं न भवामो परिभवट्टाणं ॥३०॥ इय वेरग्गगएहिं अइसयनाणी मुणी जहा दिट्टो । तेण जहा दिन्नवया कट्टाणुट्टाणतवनिरया ॥३१॥ दिट्ठा य नमुइणा जह विहियं संभूइणा जह नियाणं । जह पत्ता सुरलोयं चुया तओ माणुसा जाया ॥३२॥ तह सव्वं समयाओ विन्नेयं वित्थरेण विउसेहिं । इह गंथगउरवमया न सम्ममुत्तं जमम्हेहिं ॥३३॥
॥चित्र-सम्भूताख्यानकं समाप्तम् ॥७७॥ अधुना मायादित्यकथानकमुच्यते । तच्चेदम्
रेहइ जो बहुगोउलसयसंकुलभूरिगामनिवहेहिं । गामा सारयससहरबलवदेव उलवंद्रेहिं ॥१॥ देवउलाई वि निम्मलजलभररमणीयसरवरसएहिं । रेहति सरवराई वियसियसयकमलसंडेहिं ॥२॥ कमलवणाई वि मयरंदलुद्धपरिभमिरभमरनियरेहिं । भमरा वि हु मुइमुह्यरसमहुरझंकाररावेहि ॥३॥ महुयरझंकारा वि हु सया वि सवणेकरसियकुसलेहिं । सोयारा वि हु रेहति जत्थ गंधव्वियकलाहिं ॥४॥ एवं परंपराए गुणाण को लहइ तस्स पज्जन्तं । तियसालयसंकासो सो कासी जणवओ अस्थि ॥५॥ तम्मि य पासजिणेसरपयपउमपवित्तियावणिविभागा । निस्सेसनयरिगुणगामधाम वाणारसी नयरी ॥६॥ तीसे समीववत्ती सालिग्गामो समत्थि थिमियजगो । तम्मि य गंगाइच्चो निवसइ कोडुबिओ एगो ॥७॥ सो उण कुकम्मवसओ धणवइपरिपूरियम्मि गामम्मि । दारिद्दभरकंतो कुकम्मनिरओ सया वसइ ॥८॥ नियतणुरूवविडंबियमयरद्धयमाणवाण मज्झम्मि । सो च्चिय कुरूवयाए दिट्ठो दिट्ठीए देइ दुहं ॥९॥ पुव्वाभासि-पियंवय-कन्नामयवयगभासणरयाणं । सो चेवेगो उब्वेयकारओ नवरि भासंतो ॥१०॥ सरलेसु वि मायावी किवणो चाईण मज्भयारम्मि । मुकयन्नण कयग्यो विवहाणं मुक्खसेहरओ ॥११॥ मुद्धजणवंचणरओ मायाए चेव कुणइ ववहारं । तत्तो जणेण विहियं मायाइच्चो त्ति से नामं ॥१२॥ अह तम्मि चेव गामे दक्खिन्नमहोयही महिमनिलओ । सरलसहावो सज्ज गसिरोमणी साहुसिरतिलओ ॥१३॥ वसहाहिट्ठियदेहो अगतणयाहियमओऽभिहाणेण । थाणु त्ति विस्सुओ[...]संकरो अस्थि थाणु व्व ॥१४॥ जल-जलणाण व छाया-ऽऽयवाण वरमणि-चराडियाणं व । राहु-ससीण व तेसिं अमय-विसाणं व सुहिभावो ॥१५॥ संजाओ कहवि हु पुवजम्मअब्भत्थनेहरायाण । वारंतस्स वि लोयस्स सुद्ध-कलुसियमणाण परं ॥१६॥ अह अन्नया य नियसच्छयाए कलिएण थाणुणा भणिओ । मायाइच्चो मित्तोऽकलुसियचित्तेण कलुसमणो ॥१७॥ पुरिसत्थवजिएणं जाएण वि को गुणो मणूसेणं ? | चिंचापुरिसेण व मित्त ! मट्टियामयनरेणऽहवा ॥१८॥ धम्मत्थो तावऽम्हाण नत्थि सुहभावणाए रहियाणं । कामत्थो वि हु धणवन्जियाण दूरेण दुहियाणं ॥१९॥
अस्थोवजणकज्जे जुत्तो तावुजमो जमत्थेण । रहियाण माणवाणं निरत्थओ गुणकलावो वि ॥२०॥ जओ भणियं
जाई रुवं विजा तिन्नि वि निवइंतु गिरिगुहाविवरे । अत्थो च्चिय परिवड्ड उ जेण गुणा पाय डा हुंति ॥२१॥ किंच
अणहुंता वि हु हुंतीए हुंनि हुंता वि जंति जंतीए । ओ! जीए समं नीसेसगुणगणा जयउ सा लच्छी ॥२२॥ अवरं च दविणरहियस्स मित्त ! धम्मप्पियस्स वि गिहिस्स । इहलोय-पारलोइयकिरियाओ गलंति सयलाओ ॥२३॥ इय मित्तवयणमायन्निऊण मायापवंचमइनिउगो । जंपइ मायाइच्चो पहसियवयगो कुडिलहियओ ॥२४॥ जइ एवं ता चल्लमु जामो वाणारसीए नयरीए । तीए विहु धणयसमाणविवनागरयगेहेसु ॥२५॥
Jain Education Intemational
For Private & Personal Use Only
www.jainelibrary.org
| SR No. | 016006 |
| Book Title | Akhyanakmanikosha |
| Original Sutra Author | Nemichandrasuri |
| Author | Punyavijay, Dalsukh Malvania, Vasudev S Agarwal |
| Publisher | Prakrit Text Society Ahmedabad |
| Publication Year | 2005 |
| Total Pages | 504 |
| Language | Prakrit, Sanskrit |
| Classification | Dictionary & Story |
| File Size | 13 MB |