Page Text
________________
२१५
२३. व्यसनशतजनकयुवत्यविश्वासवर्णनाधिकारे भावभट्टिकाख्यानकम् पुणरवि य तासु हुय जीवियास, पासट्ठियजीवह जम्म तास । रमणीयपएसिहि, पयइविसेसहि, भमइंतइं जलडुंगरिणि । गुरुसिहरसमग्गउ, गयणि विरूगउ, एगु महीहरु दिटु तिणि ॥१५॥६१४॥ रायंतु रुक्खेहिं साहोडयखेहिं हिंताल-तालेहि जंबीरसालेहिं । बोरी-करंजेहिं नारंगसज्जेहिं बबूलझिल्लेहिं [....... ... .. .] | सोहंजणक्खेहिं दीसंतदक्खेहिं सामा-कयंवेहिं खज्जर-निवेहिं । मंदारु-गुंदेहिं कोरिट-कुंदेहिं पुन्नाग-नागेहिं कप्यूर-पूगेहिं ॥ इय पसरियसाहेहिं, सीयललाएहिं, सो गिरि सहइ समुन्नएहिं । फलपावणपणेहिं, संसियसउणेहिं. जिम्व विउसयणु सकन्नएहिं ॥१६॥६१५॥ जा चडइ उवरि विम्हइयचित्त, ता पेच्छह चारणमुणि पवित्त । तो भावसारु बंदियउ साहु, पारेवि झाणु किउ धम्मुलाहु । भो चारुदत्त ! किम्व एत्थ आउ ?, माणुसहं एह जमगम्मु ठाउ । मूलह पभिइ जिम्व तासु वित्त, तिम्व कहिय सयल अप्पणिय वत्त । मुणिराउ वि अक्खइ नियपउत्ति, तमु भाणुसेट्टितणयह सजुत्ति । जो मोइउ कीलयबंधणाउ, सो हं तहु पत्थिउ काणणाउ । रिउमाणु मलेविणु पत्तु गेहिं, जोग्गय निएवि वट्टियसिणेहि । पव्वइउकामि अप्पणइ रज्जि, अहिसित्तु पियरि सुहजणणिसज्जि ॥ नियपउ पालंतह, दुट्ट दलंतह, सिट्टलोय रक्खणखमहु । जयसेण मणोरम, रूवमणोरम दुन्नि भज्ज संजाय महु ॥१७॥६१६॥ दुइ पुत्त [ग्रन्थाग्रम् ८०००] मणोरमदेवि जाय, गुणमहि[म]विढत्तजणाणुराय । सिंहजसु पढमु विक्कमि अकीवु, बीयह अभिहाणु वराहगीवु । जयसेणह पुण गंधव्वसेण, हुए धूय वित्तगंधव्वएण । परथावि समप्पिवि सुयह रज्जु, पव्वइउ जाउ वयधरणसज्जु । परिहरिय सयल सावज कज्जु, इह आइउ आयावणह अज्जु । इह कुंभ-कंबुदीवहं पहाणु, एह पव्वउ कक्कोडयभिहाणु । इय जाय ताहं आलोव जाव, विजाहर दोन्नि पराय ताव । मुणिपुत्त नाय अणुहारिरुव, जाणाविय साहम्मियसरूवु ॥ मुणि जीवियदावय, वंदहु सावय, संभमि बंदण विहिय तसु । उवयारु कु किजउ ? किं तुह दिजउ ? भुवणि न बिजउ अवर जसु ॥१८॥६१७॥ जावऽच्छहिं इम्ब ते तिणि समाणु, तावेगु गयणि आइउ विमाणु । पणवन्नरयणमयभित्तिभाउ, आबद्धरुइरसुरइंदचाउ।
ओलंबिरमुत्ताहारतारु, नं सिद्धिधामु लोयम्गसारु । विलसंतचमरु नं विज्झरन्नु, सुविभत्तथंभु नं मयविन्नु । सुइचित्तकम्मु जारिसय सुयणु, उल्लोयसारु नं साहुरयणु । जसु सरयसरोवरु आहरणू, कमलालउ सच्छरसाहरणू । सरयन्भसुब्भधयवडसणाहु, दप्पुधरि नं उब्भविबाहु ।
Jain Education Interational
For Private & Personal Use Only
www.jainelibrary.org
| SR No. | 016006 |
| Book Title | Akhyanakmanikosha |
| Original Sutra Author | Nemichandrasuri |
| Author | Punyavijay, Dalsukh Malvania, Vasudev S Agarwal |
| Publisher | Prakrit Text Society Ahmedabad |
| Publication Year | 2005 |
| Total Pages | 504 |
| Language | Prakrit, Sanskrit |
| Classification | Dictionary & Story |
| File Size | 13 MB |