Page Text
________________
१६३
२३. व्यसनशतजनकयुवत्यविश्वासवर्णनाधिकार दत्तकदुहिताख्यानकम् काऊणं मयकिच्चं कालणं सोयविहिओ जाओ। जणयाइ जमो जम्हा सणसागई पेम्माई ॥४१॥ सो उण सत्याहमुओ तहेव ववहरइ मट्टिणा सद्धि । अह अन्नया य वधे घेत्त पत्तो पियाए कप ॥१२॥ वाले ऊणं मुक्काणि ताणिजा दोन्नि निन्नि वागओ । गहाला मज्झ पिया ताय ! न रोयंति एयाणि ॥४३॥ केरिसिया तुझ पिया ? आगच्छउ बच्छ ताव पेच्छामि । गिण्हउ मणम्स रुच्चंति जाणि वत्थाणि सयमेव ॥४४॥ तो आगंतु चलणेनु निवडिया एस चेव मह धूया । धरिया नियउच्छंग गहवरिओ तं निपऊण ॥४५।। आऊरिय गलसरणी पमुक्कपोकारवं परुन्नो य । भणियं च जणसमक्खं एस च्चिय होउ मह धया ॥४६॥ एसो च्चिय जामाऊ बुढो हं एस मज्झ घरसारो । विलसउ देउ जहिच्छं न किंपि केणावि वत्तव्यं ॥४७॥ सस्थाहसुएणुत्तं इमीए भंतीए ताय ! तज्झ सुया । बाहाए मए गहिया तीसे एईए न विसेसो । ॥४८॥ तो राय ! तीए पुरओ केरिसिया हं ? सयं विचिंतेमु । इय सुणिउं पुहइबई विम्हइयमणो विचिंतेइ ॥४६॥ गह-सूर-चंदचरियं ताराचरियं च राहुचरियं च । जाणंति बुद्धि मंता महिलाचरियं न याति ॥५०॥ गंगाए वालुया सायरे जलं हिमवओ य परिमाणं । जाणंति बुद्धिमंता महिलाचरियं न याणंति ॥५१॥ भणिया सा नियपदणी तं करिसमुत्तरं पयच्छिहिसि ? | तीयुत्तं खणमेगं नियसु महाराय ! जइ एवं ॥५२॥ उट्टाविऊण सेट्टी भणिओ तीयत्थुडंकियमुहीए । सेज्जा किमेस ? छिदं लहिउं कम्माइयं किंपि ? ॥५३|| मा रूस पिए : किंपि हु मह सासुरयाओ काणि वि इमाणि । वसिऊण गयाणि तओ सरोसमेईए संलसं ॥५४॥ इममेव मए पुढे मुहय ! तए अज किंपि सासुरयं । घडियमउव्यमिमीए को विलक्खो वराओ सो ॥५५॥ भणिओ य तीए राया दिद्वं मम किंपि चेट्टियं तुमए ? । तन्भे स्थ वंदणिज्जाओ भवह भणिउं गओ गेहे ॥५६॥
॥ दत्तकदुहिताख्यानकं समाप्तम् ॥७२॥
इदानीं भावभट्टिकाख्यानकमुच्यते । तद्यथा
रयणविणिम्मियपासाय-भवण-पायार-तोरणाईहिं । रयणपुरं व जहत्थं जं नियनामं समुव्वहइ ॥१॥ सव्वत्तो च्चिय पसरियरयणंसुनिबद्धसक्कचावाए । रयणप्पहाए आयरिसए व्व जं नियइ नियसोहं ।।२।। तम्मि पुरे ससहरकरसियजसधवलियदिय तराभोगो । भौगोवभोगसुत्थियसमस्सियासेसपणइजणो ॥३॥ जणयाणुरायगुणवसविढत्तमुविसुद्धसंपयाकलिओ। कलिओहामियरिउजणकरिमरिकरचलियचमरजुगो ॥४॥ जुगसमपयंडभुयदंडचंडिमाधरियवसुमईवलओ। बलओहजुओ सिरिरयणसेहरो नाम नरनाहो ॥५॥ तस्स य रन्नो भजा सुयणाणं हिययहारिणी अहियं । नामेण रयणमाला विमलगुणा रयणमाल व्व ॥६॥ मइमाहप्पविणिच्छियरज्जत्थो सुमइनामओ मंती। तस्स य पुत्तो गुणरयणसायरो सायरो नाम ॥७॥ गुणदिवसाणं सुहिचकवायमिहुणाण बंधुकमलाणं । पुरिसेट्टी नामेणं भाणू भाणु ब्व मणदइओ ॥८॥ नामेणं भाणुसिरी तम्स पिया तप्पह व्व सुपयासा । तेसिं अब्भुयभूया धूया भावट्टिया नाम ॥९॥ बालत्तण वि पढिया सेट्टिएणं समं मुरिंदेणं । लोइय-वेझ्यसत्थेमु जा पवीणत्तमुन्वहइ ॥१०॥ इत्थीजणजोग्गाओ सयलाओ कलाओ तीए नायाओ । तेणं चिय सा किल बावडिया विम्मुया नयरे ॥११॥
वदंती य कमेणं परूढनवजोव्वणाहियं जाया । लायन्न-रूय-सोहग्ग-ललियसुंदरगुणभवणं ॥१२॥ तथाहि
चलणजुयं भस-ससि-संख-मीण-कमलोवसोहियं जीए । लायन्नलहरिलडहं छजइ रयणायरसरिच्छं ॥१३॥ ऊरुजुयं रंभार्थभविभमं कमपविद्धवित्तजुयं । भवणम्स मयणरन्नो तोरणथंभोवमं सहइ ॥१४॥ रमणं सुरसरियापुलिणसन्निभं सइमुहिल्लिसोहिल्लं। जगजगडणपरिसंतम्स मयणसुह डस्स सयणं व ॥१५॥ जीए सिसुमुट्टिगेज्मो कडिभाओ निम्मिओ पयावइणा । थणभरभंगभएण व वलित्तयसमस्सिओ सहइ ॥१६॥
२५
Jain Education International
For Private & Personal Use Only
www.jainelibrary.org
| SR No. | 016006 |
| Book Title | Akhyanakmanikosha |
| Original Sutra Author | Nemichandrasuri |
| Author | Punyavijay, Dalsukh Malvania, Vasudev S Agarwal |
| Publisher | Prakrit Text Society Ahmedabad |
| Publication Year | 2005 |
| Total Pages | 504 |
| Language | Prakrit, Sanskrit |
| Classification | Dictionary & Story |
| File Size | 13 MB |