Page Text
________________
Jain Education International
२२. इन्द्रियवशवर्त्तिप्राणिदुःखवर्णनाधिकारे सुकुमालिकाख्यानकम्
इय जंपिऊण आवद्धमभिउडीए भासुरनिडालो | आयड्डियकरवालो सनुट्टिओ जाव तो देवी || २७॥ जंप न जुत्तमेयं नरिंद्र ! चउरंगवलविणेण । तो भगइ पुइपालो कि कायच्वं पिए ! इहि ? ||२८|| सेवेमि न किंपि नि जम्हा सव्वेहि सेविओ अहयं । न हु उत्तमाण सेवाविडंबणा जुज्जइ कया वि ॥ २९ ॥ ता गच्छामो कत्थ इय भणिउं जाव अडविमज्झम्मि । गच्छन्ति तओ देवी सुकुमालत्तेण परिसंता ||३०|| जाया अव तिसिया तो राया सिसिरतरुतले मात्तु । नीरनिरिक्खणक भमिओ सम्वत्थ न हु लद्धं ॥ ३१ ॥ तो नियभुयदंडसिरं छित्तुं छुरियाए तम्स कीलालं । अच्छीकाउं तं मूलियाए पाएइ पुडयगयं ||३२|| तत्तो छुहियाए इमाए अवरमाहारमलहमाणो सो । नियऊरुमंसखंडाई छिंदिउं भुंजिऊण दवे ||३३|| संरोहिण ऊर्णपि संरोहणीए मूलीए तो ससमंसछलेणं नियमंसं देइ देवीए ||३४|| पत्ताई तओ गंगा तरंगिणीतीरपचरनयरम्मि । ता देवी आभरणेहिं नरवई कुणइ वाणिज्जं ||३५|| अह अन्नदि देवी पुवइ भइ अज्जउत्त! अहं । तझ्या सहियणकलगीयवेणुवीणाविगोएहिं ॥ ३६॥ नमुती गच्छंतंपि कालमेगागिणी कहूं इहि । चिट्ठामि ? किंपि ता कुण विणोयणत्थं मह सहायं ||३७|| तो तीए विणोयकए ठविओ पंगू निवेण नियभवणे । कागलिगेयं गायइ किन्नरसदेण सो तत्थ ||३८|| कहइ य कामकहाओ बहुप्पयारं तओ इमा तम्मि । गाढमणुरायरता भत्तारं मारिउं महइ ||३९|| उज्जाणीए राया गंगाए गओ अहन्नदिवसम्मि । ता झत्ति तीए खित्तो वीसत्थो वारिमज्झमि ||४०|| तो भुयदंडे हिं तरंतएण लहूं तरंडयं तेण । तरिउ तरंगिणी नियडमागओ कस्स वि पुरस्स ||४१ || तो परिसंतो सुत्तो महल्लकंकेल्लिरुक्खछायाए । न दुहा वि तस्स छाया ओसरइ खणं पि पुन्नेहिं ॥ ४२ ॥ एत्यंतरे अतोपुवई तम्मि पुरवरम्मि मओ । अहिवासिओ तुरंगो मंतीहिं विसितेहि ||४३|| तो तिय- चउक्क-चच्चर-रच्छामुह मुहे परिभमि । पत्तो नरिंद्रपासे उड्डड्इ पिट्टि चड राया ||४४|| तो मंतिमंडलेसर सामंतप्पभिइपउर लाएहिं । पणमिज्तो पत्तो रायउलं तत्थ अहिसित्तो || ४५ || पुल्लिरायपट्टे जाओ अइउग्गसासणी राया । सुकुमालिया वि एत्तो भक्खिय निम्सेसनिवद्रविणं ॥ ४६ ॥ तत्तो चोल्लयखित्तं पंगुं काऊण निययसीसम्मि । भिक्खं परिभमंती जणण पुच्छिज्जए एवं ॥ ४७ ॥ किं तुज्झ पई पंगू ? सा जंपइ देवबंभणाईहिं । मह दिन्नो भत्तारो परिणीओ तो मए एसो || ४८ || सीलं परिपालंती सेवेमि इमं पि इय पयंपेइ । एवं परिभमंती पत्ता जियसत्तुनयरम्मि ||४९|| पडिमंदिरं पि भिक्खं भमेइ गायइ य पंगुणा सद्धिं । रायस्स तओ कहियं केण वि एयारिससरूवं ॥ ५० ॥ तं हक्कारिय पुच्छर जवणीमज्झट्टिओ महाराया । असरिसवजुयाए तुह किं एयारिसो भत्ता ? ॥ ५१ ॥ सा जंप देव ! अहं पइव्वया तो इमेण दइएण । पालेमि निययसीलं भणियमिणं तो नरिंदेण ॥ ५२ ॥ बाह्रो रुधिरमापीतमूरुमांसं च भक्षितम् । गङ्गायां प्लावितो भती साधु साधु पतित्रते ! ||५३ || सोउ नरिंद्रवणं नाया हं राइण त्ति लज्जाए | जाया अहोमुही सा तो भणियं मंतिवग्गेण ॥ ५४ ॥ सामि ! किमेयं ? अम्हाण कोउयं कहसु भाइ तो राया । अलमेईए कहाए पावाए मंतिणो वि पुणो ॥ ५५ ॥ पभणंति अकहणीयं जइ नो ता कहसु देव ! सुपसायं । कहइ तओ नरनाहो वृत्तंतं तीए ताण पुरो || ५६ || तं सोऊणममच्चा भणति पावाए पेच्छ जं विहियं । विबुहजण निंदणिज्जं उवहसणिज्वं अमित्ताण || ५७ ॥ परिहरिय पुरिसरयणं अहिणववरकुसुमबाणअभिरुवं । रायं किं अणुरत्ता पावा पंगुम्मि गुणही ? || ५८ || अहह ! अहो ! अविवेओ अहह ! महापावपरिणई गरुया । जं गरुयकुलुप्पन्ना वि कुणइ एयारिसमजुत्तं ॥ ५९ ॥ दंडो नारीण विसज्जगं ति मंतीहिं नीइमणुसरिडं । देसस्स समग्गस्स वि पावा निवाडिया तेहिं ॥ ६० ॥
॥ सुकुमालिकाख्यानकं समाप्तम् ॥७०॥
For Private Personal Use Only
१८७
www.jainelibrary.org
| SR No. | 016006 |
| Book Title | Akhyanakmanikosha |
| Original Sutra Author | Nemichandrasuri |
| Author | Punyavijay, Dalsukh Malvania, Vasudev S Agarwal |
| Publisher | Prakrit Text Society Ahmedabad |
| Publication Year | 2005 |
| Total Pages | 504 |
| Language | Prakrit, Sanskrit |
| Classification | Dictionary & Story |
| File Size | 13 MB |