Akhyanakmanikosha

SR No.: 016006
Original Sutra Author: Nemichandrasuri
Author: Punyavijay, Dalsukh Malvania, Vasudev S Agarwal
Publisher: Prakrit Text Society Ahmedabad
Publication Year: 2005
Total Pages: 504
Language: Prakrit, Sanskrit
Classification: Dictionary & Story
File Size: 13 MB

Page 252

१६. मिथ्मादुष्कृतदानफलाधिकारे प्रसचन्दाख्यानकम्
एतो पसन्नचंदो संजाओ पयडसासणो राया । नायं च जहा भाया चिट्टइ मह जणयपासम्मि ||२४|| तस्साऽऽणयणनिमित्तं कुमरीओ तस्समाणरूवाओ । पच्चइयनरेहिं समं मोयगसंबलयकलियाओ ||२५|| पेसइ जम्हा बालो हीरइ सुव्वत्तमन्न-पाणेहिं । मोयगपुंजे विरयन्ति ताणि रुक्खाण छायासु ||२६|| सो विहु चक्कलची गिण्ह्इ ते मोयगे तरुतलाओ । रुक्खाणमिमाणि फलाणि मुणिय संजायविम्संभो ||२७|| एवं कुमरो मोगलीभाओ तासि सविहमल्लिइ । जम्हा पसू वि धिप्पड़ लोभेणं किं पुण मणुसो ? ||२८|| उ वि दरिसा तस्स दिति विस्संभयंति वयणेहिं । दूरे जा आणीओ ता दिट्टो तावसो इंती || २९॥ आरु हिऊणं जाणे ताणि नट्टाणि तम्स सावभया । सो ऊग न तेसि मिलिओ न यावि जणयम्स वणमज्झे ||३०|| दिट्टो रहिएण सभारिएण देसंतराओ बलिएण । भणिउमभिवायए ताय ! तेण विहिओ पणामो से ||३१|| तावसकुमरो कोवेस भमइ ता मा विणम्सउ कर्हिपि । इय संजायदपणं रहम्मि आरोविओ रहिणा ||३२|| दिन्ना य तस्स संचलय मोयगा तेण जंपियमिमाणि । रुक्खष्फलाणि पोयणतवोवणे पत्तपुत्र्वाणि ||३३|| पत्ताणि पोयणपुरे भणिओ गिण्हाहि उडवयं किंपि । ओयारियं रहाओ मुक्को रहिएण पुरबाहि ||३४|| सो विपविट्टो गणियागिहम्मि तीए निमित्तसंवाया । धरिओऽणिच्छंतो वि हु नहसोहणपभिइ कारवओ || ३५ ॥ दिन्ना से नियच्या वत्थालंकारभूसियसरीरो । सकलत्तो पल्लेके निवेसिओ सा य तुट्टमणा ||३६|| जा चिट्ट निभरसरसगीय पेक्खणयविहियवक्खेवा । पुरिसेहिं ता कहिओ रन्नो कुमरम्स वृत्तंतो ||३७|| तं सोउं दुहियमणो गयनिदो जाच चिट्टए राया । ता नियुणइ गिज्जंतं गणिया गेहम्मि तं गेयं ॥ ३८ ॥ को एस ए दुहिम सुत्थिओ पुरवरे महापावी ? ! जोयावियम्मि रन्ना कहिओ गणियाए वृत्तंतो ॥३९॥ रुट्टेणं वाहरिया तीयुक्तं सुणमु देव ! परमत्थं । मह अस्थि पिया दुहिया सा सुहिया किर कहं होही ? ||४०|| एयत्थं च सुवयणो पुट्टो नेमित्तिओ मए एगो । तेगुत्तं तावसंख्ववारिपुरिसो अमुगदिवसे ||४१ ||
जो आगच्छ तं तस्स देमु ता होहिही इमा सुहिया । तं मज्झ अज्ज जायं नेमित्तियवयणमवियप्पं ॥४२॥ हरिसा ऊरियहिययाए विहियमेयं अयाणमाणीए । मह उवरि देवपाया सकोवणा हुंतु मा तम्हा ||४३|| तं सोऊणं रन्ना सो विहु कइया वि होज्ज इय मुणिउं । ते पुरिसा पट्टविया तेहिं वि सो पच्चभिन्नाओ || ४४ ॥ आणीओ निवपासे एसो च्चिय तुह सहोयरो देव ! । विहियं वद्धावणयं गणियाधूया य आणीया ||४५ ॥ रज्जसिरिमणुहवंताण ताण वच्चंति जाव दिवसाणि । ता सो तावसजणओ वक्कलचीरीविओगम्मि ||४६ ॥ सोएण नयणनीलीरोएणं नवरमंधओ जाओ । नाऊणमिमं राया सपरियणो तत्थ संपत्तो ॥ ४७ ॥
पणओ पिउणो तेण वि सायरमाभासिओ य वच्छ ! तुमं । कुसली पालमु रज्जं धम्मपरो खत्तनाणं ||४८|| वक्कलचीरी पणमइ भयवं ! तुह पायपरममिइ सोउं । हरिसविसप्पियहियओ उच्छंगम्मी निवेसेउं ॥ ४९|| नियकरयलेहिं कुमरं परामुसंतस्स सुहियहिययस्स । हरिसंसूहि समं चिय नट्टा नीली निरुयनयणो ||५०|| पासइ सचं जणओ इय तेसिं हरिसमुव्वहंताणं । वक्कलचीरी उडवेसु भंडयं पुत्र्वविहिणा उ ॥ ५१ ॥ जा पडिलेहइ मुणिपायकेसरीपत्तयप्पयारेण । ता जायजा इसरणो जाओ पत्तेयबुद्धमुणी ॥५२॥ संपत्तखवगसेढी सुहपरिणामेण केवली जाओ । कहिओ तेसिं धम्मो पडिवन्ना जिणवरमयं ते ॥ ५३ ॥ नीया य वीरपासे सम्मं पव्वाविया जिणिदेण । अह कइया वि हु वीरो समागओ पोयणपुरम्म || ५४ ॥ राया पसन्नचंदो रज्जे अभिसिंचिऊण नियकुमरं । फवइओ वीरेणं सह पत्तो रायगियरे || ५५ || नयर-समोसरणाणं आयावइ अंतरम्मि स महप्पा । सेणियराया वि जिनिंदवंदणत्थं विणिक्खतो ॥ ५६ ॥ सुम्मुह- दुम्मुहनामा रन्नो दो सेवगा रयभएण । अग्गे गच्छंतेणं भणियं सुमुहेण मित्त ! इमो || ५७ || राया पसन्नचंदो कयपुन्नो उज्झिऊण रज्जसिरिं । आयावइ निस्संगो बीएणुत्तं कहं मित्त ! ॥ ५८ ॥ पावइ एस पसंसं ? जो बालं नियसुयं ठविय रज्जे । निक्खतो सो संपइ सीवालेहिं पराभूओ ॥ ५९ ॥
For Private Personal Use Only
१६५