Akhyanakmanikosha

SR No.: 016006
Original Sutra Author: Nemichandrasuri
Author: Punyavijay, Dalsukh Malvania, Vasudev S Agarwal
Publisher: Prakrit Text Society Ahmedabad
Publication Year: 2005
Total Pages: 504
Language: Prakrit, Sanskrit
Classification: Dictionary & Story
File Size: 13 MB

Page 247

आख्यानकमणिकोशे
पणमिय पियफ्यपटमा पयंपए देइणी जहा ताय ! । पयडीभूयाणि इमाणि संपयं मज्झ पुन्नाणि ॥१४९॥ भणियं महसेणनरेसरण कहमेयमह कहइ कुमरी । दददर-विसहरबजरियपमुहनिम्सेसनियचरियं ॥१५०।। तं सोउं सब्वे वि हु सामंता बजरंति जह एसो । सो रायहंसकुमरो जो आसि विणट्टसव्वंगो ॥१५१।। सा एसा महसेणम्स अंगया जा तया सकोवेण । दिन्ना अणेण कोट्टामिभूयदेहस्स दमयम्स ॥१५२।। जं सव्वे नियपुन्नं भुंजंति इमाए आसि उल्लवियं । तं सच्चं चिय जायं जमिमाणं रजसंपत्ती ॥१५३॥ तो महसेणनरिंदेण जंपिओ रायहंसनरनाहो । तं मह पुत्ताण पहू अहयं तु तवं करिस्सामि ॥१५४॥ एवं विहिया सव्वे निययाणावत्तिणो नरवरिंदा । जाओ रायाहिवई नरेसरो रायहंसो सो ॥१५५॥ असरिसनरिंदलच्छि उव जंतस्स तस्स बहुकालो। समइक्कतो अह अन्नया य सूरी समोसरिओ ॥१५६|| नामेण भवंतकरो तिलउजाणे तओ नरवरिंदो । महरिहरिद्धीए गओ सूरिसयासम्मि सकलतो ॥१५७।। अभिवंदिऊण सुगुरूण चरणतामरसमुचियठाणम्मि । उवविट्ठो तो सूरीहिं देसणा तस्स परिकहिया ॥१५८॥ भो भो भव्वा ! संविग्गमाणसा मुणह परममुणिवसणं । एसो ता संसारो चिंतिजंतो धुवमसारो ॥१५९॥ कम्मवसया जमेत्थं जीवा खणभंगुरस्सरूवम्मि । संपय विवयाओ पाउणंति ता कह णु सविवेया ॥१६०॥ हरिस-विसायं वच्चंतु संपयाओ भवंति पुन्नेण । विवयाओ अपुन्नेणं ता पुन्ने जयह जमिहत्तं ॥१६॥ वच्चइ जत्थ सउन्नो विदेसमडविं समुद्दमझे वा । नंदइ तहिं तहिं चिय ता भो ! पुन्नं समजिणह ॥१६२॥ पुन्नं पि नियमभंगाइदोसओ संतरं जणइ दुक्खं । जह तुझ इमं जायं जम्मंतरनियमभंगेण ॥१६३॥ एत्थंतरम्मि पुट्ठो सो सूरी पणमिउं पुहइवइणा । किं भयवं ! मह रोगो जाओ तह असरिसा रिद्धी ॥१६॥ तो भयवया वि सव्वे पुन्वभवे साहिए महीनाहो । नाऊण जाइसरणेण तं तओ भणइ एवं ति ॥१६॥ कहिओ य रायहंसेण नियभवो सयलरायलोयम्स । जह जाया नियमेणं रिद्धी तभंगओ रोगो ॥१६६।। तं नियुणिण बहवे पडिबुद्धा पाणिणो भवुब्विग्गा । राया वि सावयत्तं पडिवज्जिय सभवणम्मि गओ ॥१६७।। कारेइ जिणहराई पूएइ जिणे नमसए गुरुणो । पुहईए पयट्टावइ रहजत्ताओ सुभत्तीए ॥१६८।। जाओ य देइणीए पुत्तो पत्तो य जोव्वणारंभ । अहिसित्तो निययपए निवेण सुपसत्थदिवसम्मि ॥१६९।। तो देवणीए सहिएण रायहंसेण सुगुरुपासम्मि । गहिया जिणिददिक्खा चरिडं अइघोरतवचरणं ॥१७॥ मरिऊण बंभलोगे जाओ भासुरतणुप्पहो अमरो । तत्तो चुओ समाणो स पाविही सिद्धिसुहमसमं ॥१७१।।
॥राजहंसाख्यानकं समाप्त ॥४९॥
जह एयाणं नियमो संजाओ गरुगणाण संजणओ। तह अन्नस्स वि जायइ ता तम्हणे कुणह जतं ॥१॥ पुण्यानुबन्धजनकं शुभभावसारमङ्गीकृतस्वनियमग्रहणं क्रमेण ।
स्वर्गा-ऽपवर्गफलदायि दिताभिमानाः प्रत्यग्रपापमथनावहमामनन्ति ॥१॥ ॥ इति श्रीमदाम्रदेवसूरिविरचितवृत्तावाख्यानकमणिकोशे नियमफलप्रतिपादको नाम पञ्चदशोऽधिकारः समाप्तः ॥१५॥