Akhyanakmanikosha

SR No.: 016006
Original Sutra Author: Nemichandrasuri
Author: Punyavijay, Dalsukh Malvania, Vasudev S Agarwal
Publisher: Prakrit Text Society Ahmedabad
Publication Year: 2005
Total Pages: 504
Language: Prakrit, Sanskrit
Classification: Dictionary & Story
File Size: 13 MB

Page 244

१५. नियमविधानफलाधिकारे राजहंसाख्यानकम्
जत्तो जत्तो लीलापलोयणं कुणइ तत्थ तत्थेव । भामंति अंचले कुलवह ओ पणमंति परजणा ||४२।। इय एवं विलसंतं तं दट्टुं दुट्टचित्त वित्तीए । तीए नरनाहभजाए चिंतियं पावकम्माए ॥४३॥ नणं इमम्स होही रजमिणं न उण मज्झ कुमरम्स । ता तह करेमि न जहा अरिहइ एसो नरिंदसिरिं ॥४४|| श्य वितिऊण पावाए तीए मंडुक्कवाहिसंजणणं । दिन्नं कराविऊणं कम्मणयं रायहंसस्स ॥४५|| तो तप्पभावओ तस्स जबरमाऊरियं महंतेहिं । भेएहिं महं उयरं अइतणयं पि हु तयं जायं ॥४६॥ कडयट्टिपण वेज्जेहि कारिया राइ णा चिगिच्छा से । न तहा वि गुणो जाओ रोगो पुण वड्डिओ अहियं ॥४॥ चिट्ठउ तावियरजणो न कुणइ नियपरियणो वि तस्साऽऽणं । देवीभीओ पेच्छद य केवलं तं अवन्नाए ॥४८॥ अह अन्नया य सारीर-माणसाणेगदुक्खसंतत्तो । रयगीए रायहंसो एवं चिन्तेउमारद्धो ॥४९॥ पेच्छ मए सयलजणो सुइरं परिपालिओ सजीयं व । निच्चं कय-पसाओ वि कुणइ न हु मज्झ वयणं पि ॥५०॥ माणधणा पयईए पराभवं पयणुयं पि न सहन्ति । अहमवि अहीणमाणो ता एत्थ न जुज्जए ठाउं ॥५१॥ ता जावऽजवि सत्ती गंतुं थेवा वि विजए मज्झ । ता वच्च मि विएसं धिसि सयगपराभवं सोढुं ॥५२॥ इय चिंतिय नीहरिओ पयुत्तनिस्सेसपउरलोगम्मि । मंदं चंकममाणो संपत्तो नयरमुज्जेणि ॥५३॥ तो तत्थ महाकालम्स चच्चरे संठिओ तओ तस्स । वियरइ करुणाए जणी मंडयखंडाइ अदिवसं ॥५४|| कालक्कमेण रोगेण बाहियं तस्स सव्यमवि अंगं । नासाऽहर-कर-चरणंगुलीओ सव्वा पविद्धाओ ॥५५।। वालग्गाओ नहंतं जाव सरीरम्मि फोडया होउं । फुटृति पक्क-दुगंधपूयपरिपूरिया पयडं ॥५६॥ लिल्लिरयमेत्तकच्छोट्टनिवसणो मच्छियाहिं परियरिओ । न तरइ पयमवि गंतुं अणिट्टदुस्सरधणी धणियं ॥५७॥ एत्तो य मंजरी तस्स भारिया आउयक्खए जाए । तीए चेव पुरीए मरिउं महसेणनरवइणो ||५८॥ अग्गमहिसीए धूया जाया विहियं च देइणीनामं । दंतुम्गमपत्थावे तं कम्मं तीए वि उदिन्नं ।।५९॥ तो गरुय-घोररोगेहिं पीडिया दुव्बलंगिया जाया । ताहे पच्चक्खाया नाउमसज्झ त्ति वेज्जेहिं ।।६०॥ आगासरेवईयाइदेवया पूइया नरिंदेण । जाणगजणोवइटें सव्वं पि कयं विसेसेण ॥११॥ तह विन थेवो वि गुणो संजाओ तीए तिव्वकम्मवसा । कम्मोवसमे सयमवि तारुण्णे नीरुया जाया ॥६२॥ देवीए तओ सिंगारिऊण संपेसिया निवत्थाणे । सहिययणसंगया सा कीलइ तत्थेव निच्चं पि ॥६३।। अहिमाणिणा नरिंदेण अन्नया निययरिद्धि-बलकलिया। वाहरिया सव्वे वि हु सामंता पउरजणजुत्ता ॥६४॥ कयसिंगारा रह-करि-तुरंग-नर-नारिनियरपरियरिया । आउज्जसहपरियदियंतरा तयणु संपत्ता ॥६५॥ पणमिय निवमुवविट्टा पुट्टा एवं नरिंदचंदेण । मह कहह कस्स पुन्नेहिं तुम्ह एयारिसा रिद्धी ? ॥६६॥ छंदाणवत्तिणो ते नमिय नरिदं निबद्ध करकमला । जंपति तुम्ह पुन्नप्पभावओ अम्ह संपत्ती ॥६७॥ सोऊण तयं कुमरीए तीए विप्फुरियदन्तदित्तीए । हसियं तं दट्टणं पयंपियं नरवरिंदेण ॥६॥ वच्छे ! किमलियमेयं मह वयणं जमिणमेवमुबहससि ? । सा भणइ ताय ! तुम्हं सच्चं साहेमि ? किमसच्चं ? ॥६९।। सच्चं ति निवेणुत्ते सा जंपइ ताय ! तुह जणो सम्यो । छंदाणुवत्तणपरो पयंपए सयलमलियमिणं ॥७०॥ सच्चं पुण निच्चं पि हु नियपुन्नसमुभवं सिरिं सव्वे । भुंजंति जओ न हु होइ अवरभुत्ते अवरतित्ती ॥७२॥ पुवकयमुकयकम्मप्पभावओ तं पि तूससे न मुहा । तब्बिरहे पुण रूससि निमित्तमित्तं तमेत्थ जओ ।।२।। सव्वो पुचकयाणं कम्माणं पावए फलविवागं । अवराहेसु गुणेसु य निमित्तमेत्तं परो होइ ।।७३।। तं सोउ नरनाहो भासुरभिउडीकरालभालयलो । पभणइ रुट्ठो वच्छे ! तुह रिद्धी कस्स पुन्नेहिं ? ॥७४।। सा जंपा नियपन्नप्पभावओ ताय ! न उण अन्नम्स । तं सोउघयसित्तो व्व पावओ पज्जलिओ राया ॥७॥ आइसइ सेवयनरे पुरीए जो कोइ दुहभरकंतो । सिग्धं तमिहाऽऽणावह मज्झ समीवम्मि जेणाहं ॥७६॥ वियरेमि तम्स पावं जह भुंजइ निययपुन्नपव्भारं । इय सोनिवपुरिसा भमंति नयरिं पलोयंता ॥७७॥