Page Text
________________
१३. नमस्कारपरावर्तनफलाधिकारे सुदर्शनाख्यानकम् अकलंकस्स वि एयरस आगओ जमिह दारुणकलंको । तं नृणं पुश्वभवोवज्जियकम्मेण होयव्वं ॥१४०|| ता किं इमिणा अप्पत्थुपण ? चिंतेमि किं पि कायव्वं । आराहिजउ सासणदेवी जह कुणइ सन्नेझं ॥१४१॥ तो गंतूणं नियगिहपडिमं परिपूइऊण कुसुमेहि । विहिओ काउस्सग्गो भणि एयारिसं वयणं ॥१४२॥ आबालकालउ च्चिय जइ सीलं पालियं मए विमलं । ता आगंतुं सासणदेवी इह कुणउ सन्निझं ॥१४३।। अह न करिस्सइ [जइ] सा सन्निझं ता इमं न उम्सम्गं । पारेमि होउ एसो वि अणसणं मम उम्सम्गो ॥१४४॥ सेट्टी सुदंसणो वि य नायरनर-नारिनियरवज्जरियं । हाहारवं सुणंतो संपत्तो पेयवणभूमि ॥१४५॥ चिंतइ अदीणचित्तो जीव ! तए जं पुराकयं कम्मं । तं सैविवेओ वेयसु सम्मं सहिऊण उवसग्गे ॥१४६॥ रे जीव ! सुह-दुहेसुं निमित्तमत्तं परो जियाणं ति । सकयफलं भुंजतो कीस मुहा कुप्पसि परस्स ? ॥१४७॥ रे जीव ! कसायहुयासणेण दड्डे चरित्तघरसारे । भमिहिसि भवकंतारे दीणमुहो दुत्थिओ य तुमं ॥१४८॥ सच्चं चिय जइ मोक्खत्थमुज्जओ जिणसु ता कसायरिख । पञ्चक्खं पेच्छंतो कह कवे निवडसि निहीण ! ॥१४९।। अप्पविसुद्धिनिमित्तं किलम्मसे ता चएसु कोवरिखं । विमलत्तमहिलसंतो कह मज्जसि पंकिलजलम्मि ॥१५॥ एगस्स वि नियहिययस्स जीव ! विणिवारणे जइ न सत्ती । ता कह यारंभियभवमहारिविणियारणं तुझ ॥१५१।। सव्वो वि इह पसंतो पसंतजणमझसंठिओ होइ । सइकोवकारणे जो अकोवणो सो इह पसंतो ॥१५२।। जं खमसि दोसवंते सो तुह खंतीए होइ अवयासो। अह न खमसि को तुह अविसयाए खंतीए वावारो ॥१५३॥ एवं विचिंतमाणो आरक्खियभडयणेहिं सूलाए । आरोविओ सुनिट टुरगिराहिं निभच्छिउँ एसो ॥१५४॥ एत्थंतराम्म सूला सासणदेविप्पभावओ भग्गा । जायं च झत्ति दित्तं कंचणकमलासणं तस्स ॥१५॥ तयणंतरं च तेहिं कविएहिं सिरोहराए सेट्रिस्स । दिन्नो खम्गपहारो सो संजाओ कुसुममाला ॥१५६॥ दठूण तयं आरक्खिएहिं भयकंपिरेहिं नरवइणो । विन्नत्तं तो राया संभंतो आगओ तत्थ ॥१५७॥ खामित्तु बहुपयारं सुदंसणं भणइ भूवई भद्द ! । किं मह न तए कहिओ पुव्वं चिय रयणिवुत्तन्तो ? ॥१५८॥ आरोविउंसहत्थेहिं राइणा नियकरेणुखंधम्मि । नीओ य सबहुमाणं नियधवलहरे तओ सेट्टी ॥१५९॥ न्हाण-विलेवण-आभरण-वसण-वरभोयणाइसामग्गिं । काऊण तस्स पुच्छइ राया रयणीए वुत्तंतं ॥१६॥ तयणु सुदंसणसेट्टी मग्गइ अभयं तओ भणइ राया । किं भणसि अभयमेत्तं ? अवरं पि हु देमि तुह इ8 ॥१६॥ तो तेण समग्गो वि हु कहिओ रायस्स रयणिवुत्तंतो । तं नियुणिउ नरिंदो आरुट्ठो उवरि अभयाए ॥१६२॥ उवसामिऊण तत्तो चलणेसु विलम्गिऊण नरनाहं । तो आरूढो सिंधुरखंधम्मि सुदंसणो सेट्टी ॥१६३॥ बंदियणपढिज्जतो वजिरजयतूरपूरियदियंतो । नायरलोयपमोयं जणमाणो सुद्धसीलेण ॥१६॥ परिभमिऊणं नारं चच्चर-रच्छा-चउक्कसंकिन्नं । संपत्तो नियभवणे परियरिओ नायरजणेण ॥१६५।। तइंसणेण अम्मा-पियराणि पमोयपूरियंगाणि । जाया मणोरमा वि य हरिसियहियया पियं दटुं ॥१६६।। नाऊण तयं अभया भएण उबंधिऊण पंचत्तं । संपत्ता तद्धाई वि पंडिया नासिऊण गया ॥१६७॥ पाडलिपुत्ते नयरे ठिया सयासम्मि देवदत्ताए । अणुदिवसं पि सुदंसणगुणगहणं कुणइ तप्पुरओ ॥१६॥ तग्गुणसवणाओ तीए तम्मि जाओ परोक्खअणुराओ । सो वि सुदंसणसेट्टी पव्वइओ जायसंवेगो ॥१६९।। अहिगयसयलसुयत्थो कुणमाणो दुच्चरं तवच्चरणं । एकल्लविहारेणं विहरइ सो गुरुअणुन्नाओ ॥१७॥ विहरतो भूवीढे पाडलिपुत्तम्मि पुरवरे पत्तो। भिक्खं परिभमन्तो गिहे गओ देवदत्ताए ॥१७॥ कहियं च पंडियाए सामिणि ! एसो सुदंसणो सेट्ठी । तो पिहियकवाडाए तीए खोभेउमारद्धो ॥१७२॥ अन्भस्थिओ सपणयं मयणानलतावियाए गणियाए । परिहासपेसलेहिं वयणेहिं सविन्भमं साहू ॥१७३॥ किं बहुणा ? बाहुलयापरिरंभणपभिइकामकेलीहिं । .........""रमिओ वियालवेलाए ता मुक्को ॥१७४॥
१. सुविवेश्रो रं०।
Jain Education International
For Private & Personal Use Only
www.jainelibrary.org
| SR No. | 016006 |
| Book Title | Akhyanakmanikosha |
| Original Sutra Author | Nemichandrasuri |
| Author | Punyavijay, Dalsukh Malvania, Vasudev S Agarwal |
| Publisher | Prakrit Text Society Ahmedabad |
| Publication Year | 2005 |
| Total Pages | 504 |
| Language | Prakrit, Sanskrit |
| Classification | Dictionary & Story |
| File Size | 13 MB |