Page Text
________________
८. जिनपूजाफलवर्णनाधिकार पद्मोत्तराख्यानकम् आयन्नायढ़ियचाचदंडउम्मुक्कककपत्तेहिं । संछाइयं नहयलं वासारते घणेहिं व ।।१२।। कयभिउडिभालवट्ठा दटुट्टा दा वि मुहासंघाया । अवरोप्परं सुनिटुरसत्यपहारेहिं पहरंति ॥९३॥ निसियासिपट्टपाडियसिराणि नच्चंति भडकबंधाई । हुंकंति महीमंडलपडियाणि वि मुहडसीसाई ॥९४|| एत्थतरांम्भ भइरुडमुडमालाउलांम्म संगामे । अभिट्टा पउमुत्तरपुहाइवइ-दवगुत्तनिवा ।।९।। मेल्लंति सीहनायं दोन्नि वि हक्कंति दो वि वगंति । उच्छलियमहामच्छरपरब्यसा दो वि पहरंति ॥९६।। झस-कुंत-सत्ति-तीरी-तोमर-नारायसत्थनियरहि । निप्पसरं पहरंता रज्जंति परोप्परं दो वि ॥९७|| तालद्धलखयाए दक्खण खणंतरण सो बद्धो । परमुत्तरण रन्ना रणंगण देवगुत्तनियो ।॥९॥ संगाममहीवी जयग्वंभं निक्खणित्त नरनाहो । जयजुत्तो संपत्तो बलवंतो निययआवासे ||९९|| मुक्को य देवगुत्तो राया काऊण तम्स सम्माणं । जाओ य साहुवाओ पउमुत्तरवरनरिंदम्स ॥१०॥ चउरंगबलसमेओ समागओ नियपुरि तओ राया । परिपालइ महिवलयं निम्मू लुम्मूलियारिगणं ।।१०।। कालकमेण जाया पुत्ता वररुवधारिणो तम्स । निच्चं पि बंदिविंदाण दाणरसिएकहिययम्स ।।१०२।। अह अन्नया य अस्थाणमंडवे मुहडसंकडिल्लम्मि । पडिहारेण नरिंदो विन्नत्तो कयपणामेण ॥१०३।। देविंदजालिओ विज्जुमालिओ महइ दंसणं तुम्ह । भणिओ तओ नरिंदण देह जं तम्स दायव्वं ।।१०४॥ गंतूण दारपालेण अखिए इंदजालिओ भणह । न हुदविणनूणया मे पसायओ रायपायाण ॥१०५!| कजं तु रायन्चरणावलोयणं कहइ सो वि तं रन्नो । जइ न कुणइ पेक्खणयं ता एउ पयंपिए पहुणा ॥१०६॥ सो आगंतुं पणमेचि रायपयपंकय समुवविट्टो । आणंदवियसियच्छो पेच्छइ लच्छि निवसहाए ॥१०॥ अह गयणाओ नवजोव्वणाए रमणीए संगओ खयरो। अवयरिओ अत्थाणे करालकरवालवग्गकरो ॥१०८॥ दिवो य तओ अन्भुट्टिओ य राएण सविणय एसो । सो वि नरिंदं नमिडं पयंपिउं एवमाढत्तो ॥१०९|| महया पओयणेणं देव ! अहं तुह सयासमल्लीणो । भणिओ रन्ना जं किर मए वि सिञ्झइ तय कहसु ॥११०॥ तेणुत्तमहं दुब्बारवइरिणा पाविओ पहु ! इयाणिं । तं तु सुओ परनारीसहोयरो सव्वया वि मए ॥१११॥ ता देव ! इमा दइया अभहिया मज्झ जीवियस्सावि । रक्खेयव्या नासो व्व जाव सत्तं विणासेमि ॥११२।। तं सोउं नरनाहो जंपइ किर केत्तिय इमं कज्जं ? । सो भणइ तुह न कि पि हु मह पुण सव्वस्समवि एसा ॥११३॥ तुज्ज्ञ पयावेण अहं निजिणि सत्तुमागमिस्सामि । इय भणिय समुप्पइओ फलिणीदलसामलं गयणं ॥११॥ तभजा पुण उन्नमियवयणकमला पलोयए गयणं । खणमेत्तेण तओ सा करुणसरं रोइडं लग्गा ॥११५॥ तो पुच्छिया नरिंदेण रुयसि किं भइणि ? सा वि पडिभणिया । संजाओ मेलावो पयट्टमाओहणं दोण्हं ॥११६।। तो भणिय भूवइणा करेमि किं भूमिगोयरो अहय? । इय एव पयंपंताण ताण गयणंगणग्गाओ ॥११॥ रुहिरच्छडाकराला परिमलरुणुझुणिरभमिरभमरउला । मंदारकुसुमकयमुंडमालिया निवडिया पुरओ ॥११॥ दट्टण तय कंकेल्लिपल्लवारुणकरेण गिण्हेउ । तप्पणइणीए वच्छत्थलम्मि निहिया रुयंतीए ॥११९|| हा हिययदइय! हा मज्झ दइय ! हा अमयमइय! मणरुइय ! हा वल्लह ! तुझ न सुंदरं ति मणसा विचिंतेमि ॥१२०॥ हा ! मंदभाइणीए अहिय दोलायमाणहिययाए । रे दिव्य ! तं ममोवरि केरिसओ ? तं न याणामि ॥१२॥ मा भइणि ! भाहि मुहडाण हुंति एवंविहाणि समरम्मि । मा होयु कायरा एस एइ तुह अक्खओ भत्ता ॥१२२॥ कहकह वि हु भृवइणा एवं मंभीसिया ठिया जाव । वच्छयलनिहियसिरमुंडमालिया तरलतरनयणा ॥१२३॥ ताव सहस त्ति गयणाओ निबडिया तम्स विग्गहावयवा । कर-चरणमाइणो कलस-कमल-कुलिसंकियपसत्था ॥१२४॥ तो दिट्टपच्चया सा मुदक्खिया पुण वि पलविलग्गा । हा भाय ! भाय ! संपइ कह तुमं कत्थ वच्चामि ? ॥१२५॥ सो हु दुरंतो दुजओ ग्णंगण मज्झ भत्तुणो सत्तू । तो तेण पावमइणा विरूवमेयारिसं विहियं ॥१२६।।
१. मिल्लंति सिंहनायं-रं० । २. त्तरनरवरिंदस्स -२०।
Jain Education International
For Private & Personal Use Only
www.jainelibrary.org
| SR No. | 016006 |
| Book Title | Akhyanakmanikosha |
| Original Sutra Author | Nemichandrasuri |
| Author | Punyavijay, Dalsukh Malvania, Vasudev S Agarwal |
| Publisher | Prakrit Text Society Ahmedabad |
| Publication Year | 2005 |
| Total Pages | 504 |
| Language | Prakrit, Sanskrit |
| Classification | Dictionary & Story |
| File Size | 13 MB |