Page Text
________________
आख्यानकमणिकोशे दिद्विजुज्झि [जी]यउ भरहाहिवु, वइजुझि वि जित्तर चक्काहि । बाजुझि भग्गइ भरहेसरि, पुणु पडिवन्नइ दंडिहिं संगरि। पच्छिवि उद्धियदंड कणिट्टउ, आयह पासह अज्जु विणट्टउ ।। नियमणि खलभलियट, अइसई बलियउ, चिंतइ कि एहु चक्रवइ ? । पडिभट्टपइन्नई', रणरसिखिन्नई, कियउं चक्कु करि भरहवइ ।।१३।।रति खि अह चितिउ लहुयई लल्लकई, भंजउ भडमरट्टु सहु चक्कई । किं फलु तुच्छह विसयहं कारणि, आयह भट्टपइन्नह मारणि ? | धिसि ! धिसि ! अहो ! किं अमर णिएही (2), नियकुलसंहारणि निन्नेही । आई मह वल्लह सुय मारिय, लहुयसहोयर इणि नीसारिय।। धिसि ! धिसि ! विसय अंगुसंतावह, धिसि! धिसि ! विसय जि कारणु पावह] । धिसि ! धिसि ! विसय हेउ संसारह, घिसि ! धिसि ! विसय नियाणु जि मारह । विसयासत्त न जिणु परियाणहि, विसयासत्त न गुमयणु माणहिं । विसयासत्त विडंबण पावहि, एड चिन्तेविण वत्त तावहिं॥ अह तुझु अतित्तह, विसयासत्तह, किंपि ज असरिउ तं सरउ । अहु तुहुं अहु मंडलु, अहु भृखंडलु, मुक्कउ टारु ससिंदूरउ ॥१४॥ कउ पंचहिं मुट्टिहिं लोउ तेण, पुणरवि य विचिंतिउ नियमणेण । उप्पन्ननाण महु लहुयभाय, किम्व नमणि करेवी मई सवाय ? । उप्पन्ननाणि मई तायपासि, जीयवि पेक्खेवा गुणह रासि । ठिउ काउसग्गि संजमिय वाणि, मणि माणाहिटिउ धम्मझाणि । तण-लयहि पवेदिउ अप्पमाणु, तसु वैरिसु जाव न यऽसणु न पाणु । रिसहेसरि पेसिय समयवाय, तहिं बंभी सुंदरि भणहिं भाय !। हस्थिहि ओयरियह होइ नाणु, एउ भणइ ताउ सुरविह्यिमाणु । कहिं मज्झ हत्थि इह वणि पसत्थि ?, हुं नायउं एहु जि माणु हथि ।। तो जिणवरु वंदउं, मुणि अभिनंदउं, सुहइ हुयइ परिणामि मणि । उप्पन्नइ केवलि. नासियकलिमलि, जिणह पासि गउ तम्मि खणि ॥१५॥ . भरहेसु वि भुंजइ एग छत्त, छक्खंडवमुह बहुरिद्धिपत्त । कइया वि हु निवु विलसिरअणंगु, सव्वालंकारविभूसियंगु । आयरिसगेहि गोयंकु वीरु, राढइं किर कइसउं महु सरीरु ?। एगंगुलि पेच्छइ ता मणुन्न, दुईसण मुद्दारयणसुन्न । अवणेइ सव्व जी विगयमोहु, उच्चिणियपउम सरु जिम्ब असोहु । चिंतइ सरूवि सव्व असारु, मेल्लेवि धम्मगुणु निम्वियारु । सुहभाविं मज्झिवि ठियउ घरहु, उप्पाडइ केवलुनाणु भरहु । देवयई समप्पिय समणलिंगु, कयलोउ महिहिं विहरइ असंगु ।। विहरिवि बहुवासई, वजिउ हासइ, कम्मक्खयनिम्माणह । पडियोहिय महियलु, नासियकलिमलु, भरहु गयउ निब्वाणह ॥१६॥
॥ भरताख्यानकं समाप्तम् ॥२३॥ १. जुझि उड्डाइय भरहेसरि रं । २. तुझ २० । ३. उ रं० । ४. जाइवि रं० । ५. वरिस २० ।
Jain Education Interational
For Private & Personal Use Only
www.jainelibrary.org
| SR No. | 016006 |
| Book Title | Akhyanakmanikosha |
| Original Sutra Author | Nemichandrasuri |
| Author | Punyavijay, Dalsukh Malvania, Vasudev S Agarwal |
| Publisher | Prakrit Text Society Ahmedabad |
| Publication Year | 2005 |
| Total Pages | 504 |
| Language | Prakrit, Sanskrit |
| Classification | Dictionary & Story |
| File Size | 13 MB |