Akhyanakmanikosha

SR No.: 016006
Original Sutra Author: Nemichandrasuri
Author: Punyavijay, Dalsukh Malvania, Vasudev S Agarwal
Publisher: Prakrit Text Society Ahmedabad
Publication Year: 2005
Total Pages: 504
Language: Prakrit, Sanskrit
Classification: Dictionary & Story
File Size: 13 MB

Page 176

५. भावनास्वरूपवर्णनाधिकारः सो मंतिहिं वुत्तर इम्ब म तम्मु, एहु सव्वह सत्थह रणि अगम्मु । मणि चक्करयणु सरि सत्थरम्मु, एहु मारहि जइ पर मुयवि धम्मु । जं भरहि निरुद्ध जोगचक्कु. ........" तक्खणि मिलंतु जालावमालु, चउदिसिहि फुरंत सिहिकणकरालु । करकमलि ठियउं तं चक्करयणु, पेरिखवि कुमारु अक्खुहियवयणु । भरहेसरि बुच्चइ गुरुसिणेहि, अज्ज वि जीवंतउ जाहि गेहि । इह एही भवणि म होउ मज्झ, जसकित्तिहि नासण बालवज्झ । पभणिउ कुमारि करिलीलगामि, भज्जंतिहि रणि लज्जियइ सामि ! | उज्जलमुहछायह, तासु सुवायह, मुक्त चक्कु जं बहु करइ । धिसि रजह हुँतह एम्च गुणवंतह, पुत्तह पिय जहिं ववहरइ ॥१०॥ • आयंतह चक्कह चत्ततासु हूधणुहहत्थु सम्मुहउ तासु । दढबाणिहिं पहउ महाभुएण, अच्छोडिउ खरिंग बलजुएण । तह वि हु आगच्छइ तिक्खधारु, कम्मह विवागु जिम्ब दुन्निवारु । संखुद्धउ माणसि मोक्खकामु, गउ वेगिं गयणि [सु] जहत्थनामु । जहि जहिं नासंतउ जाइ बालु, तहिं तहिं जिं जाइ जालाकराल । बहिरंग जिणेविणु मुक्कखग्गु, एवंतरंगरिउ जिणह लग्गु । ते धन्न पुन्न रिसहेसजाय, समभावरुद्धमण-वयण-काय । मज्झ वि संपन्नउ समउ भावु, पउमासणि संठिउ समियपावु । चउसरणि पवन्नउ, महिहिं निसन्नउ, निंदिय गरहिय दुकियगई । सुमरिय परमेसरु, मणि रिसहेसरु, थुणटु लागु एम्व युद्धमइ ॥११॥ जय जय रिसहेसर ! भुवणसामि !, मयमद्दण ! मयगललीलगामि !। जय केवलवसविनायभाव !, पणमंतसत्त निम्महियताव !। जय तिहुयणभवणपयासदीव ! भवजलहिपडतासासदीव ! । जय लोयपयासियनीइसार!, परिवालियनिरुवमरजभार !। जय तिहुयणभवणुद्धरणखंभ!,संरक्खिय दुद्धरसुद्धबंभ !। जय सव्वसत्तसंजणियसोक्ख !, अट्टावयपवयभाविमोक्ख !। जय भवजलनिहिसंपत्तपार !, दुवहनिव्वाहियनियमभार !। जय जिणवर ! निजियजम्म-मरणु !, महु तुहुँ गइ [ तुहं मइ ] तुहुं जि सरणु ! ।। इय थुय रिसहेसरु, नयजोगेसरु, अनिलवेउ दुनयविमुहु । चक्काउहि दद्धउ, हियइ विसुद्धउ, पत्तउस मरियासिद्धिमुहु ॥१२॥ अह रणि सीहरहाहिय नेहह, सुयइ मरणि कुमरह निलवेयह । बिहिं पुत्तहं मरणिं विदाणउ । सोइवि वहु तक्खसिलऽहिराणउ । भरहिं सहु असमस्थियसंगरु, पत्तउ रणभुई वडियमच्छरु । भणिउ भरहु बाहुबलिं राई, बहुजणि किं मारियई वराई। भणि जिणि जुझि जुज्झउ भायर !, पडिवन्नइ भरहेसि ! म कायर ।
१. वडिउ
।