Page Text
________________
८८
आख्यानकमणिकोशे
छल्लुच्छलइ जं भायणु ऊग उं, रित्तउ पुणु कणकणइ निहीणउं । तूरु निजी निरारिउ बज्जइ, निजलु जलहरु निप्फलु गजइ ।। उपसप्पिवि वेई. इंव निलवेइं. हियइ पण्हि अप्फालियउ । मुरवरहं नियंतह, गयणि वहंतह, दंडरयणु उद्दालियउ ॥६॥ भरहसेन्नु अवसक्किउ समरह, सुरिहिं मुक्त कुसुभई सिरि कुमरह । भरहिं भणियउं करिबलनायग, अरि अरि अरि अरि वारिय सायग।' रणि दुजउ एहु पावु निरारिउ, मयगलघडिहिं मेल्लि परिवारिउ । वयणाणतरु तेण महायसु, मयगलघडहिं सु वेढिउ चउदिसु । जलहरु 'मालइ जिम्ब नहि दिणमणि, कम्मपरंपर जिम्व जिउ भववणि । कुमरु वि तं पेक्खिवि खुद्धउ मणि, सामवयणु संजाय तक्खणि । सारहि चिंतह एह रणि भग्गउ प्राहिउ कुलु लज्जावइ लम्गउ । मइ धुरि थकई होहि म कायरु, तुहुं भडु एहु सुसंगरसायरु ॥ तो कुमरिं सारहि, भणिउ महारहि !, हय हय वत्त म एय भणु । इम्ब मइ जुज्झंतउ, रणि सुझंतउ, ताउ न पेच्छइ तिणि विमणु ॥७॥ इम्ब भणि निग्गउ जयसिरिमाणणु, गयघड भंजिवि जिम्व ]पंचाणणु । काई असारइ इणि बलि भग्गइ, भरहिं सहुं वरि संगरि लम्गइ । सुहडिं एक्कु सीहु वरि जोहिउ, हरिणसत्थु मं बहु उवरोहिउ । वरि हिल्लूर एक रयणायरि, म छिल्लिरि अणुराउ दुहायरि । परि नहु एक्कु हुयउ कप्पूरह, मं चंदणह सराउ असारह । तिसियई अमयप्पुड वरि परिपीयउ, जलघडि जम्मु वि खयह म नीयउ। जहिं बंदिणह सद्द, सुमणोहरु, दीसइ विलयसत्थु सुपओहरु । जहिं सुम्मइ वीणारयु मणहरु, धयमालाउलु जहिं थड गुणहरु ।। तहिं रहवरु चोयहि, एम्ब म जोयहि, निसिय खम्ग साहसजुयहं । बाहुबलिहि तणयह, वल्लह जणयह, पेक्ख परकमु मह भुयह ॥८॥ एत्यंतरि जुज्झउ लग्गु बालु, भरहेसरिं सहु नं पलयकालु । वरिसंतु निरंतरु नहि न ठाइ, सरधारहिं अहिणवु मेहु नाइ । भरहु वि आयड्डियचावदंडु, बाणावलि मुंचइ बलपयंडु । भरहेसरबाणह खलवि जाइ, खण नहयलि खेणि महिवीदि ठाइ । खणि दीसइ करिवरि खण रहग्गि, खणि धणुहरि खणि भडनिसियखम्गि । खणि बाणि खणंतरि करिहि पुच्छि, खणि वियडि विलगड रायवच्छि । जिम्ब विज्जुपुंजु खणि दिट्टनट्ट, तिम्व भमइ रणंगणि गुणगरिट्ट । न य छेपई भरहह सो सरेहिं, मुणिराउ व मयणह दुहयरेहिं ।। नियधणुहरबाणिहिं, अगणियमाणिहिं, छाइउ सधउ सहँउ सरहु । जुझंतहं बालिं, अइसुकुमालि, किउ विलक्खु संगरि भरहु ॥९॥
१ सालइ २० । २. खण २० । ३. छिप्पहरं० ।। ४. सहसउरं।
Jain Education International
For Private & Personal Use Only
www.jainelibrary.org
| SR No. | 016006 |
| Book Title | Akhyanakmanikosha |
| Original Sutra Author | Nemichandrasuri |
| Author | Punyavijay, Dalsukh Malvania, Vasudev S Agarwal |
| Publisher | Prakrit Text Society Ahmedabad |
| Publication Year | 2005 |
| Total Pages | 504 |
| Language | Prakrit, Sanskrit |
| Classification | Dictionary & Story |
| File Size | 13 MB |