Page Text
________________
मास्यानकर्माणकोशे जहिं भवणसिहर रविरहु खलंति, रविकतभित्ति दिणि पजलंति । जहिं पउमरायमणि विष्फुरंति, ससिकंत निसिहि जलु पज्झरन्ति । जहिं धयवड पर कंपति पवणि, मारणधणि सूयह विसइ सवणि । गंधियहं हट्टि जहिं कुट्टवाय, जूइयरहं सुब्वइ पासपाय । जहिं गहणु जणह निम्मलकलाहं, ताडणु कामिणिवच्छत्थलाहं । कइययणह पर सगुणप्पबंध, गय-हयपहाण जहिं रायखंध । जहिं कुट्टण छेयण सहहिं कणय, ससि-सूरह गसंणु वयंति गणय । करपीडणु तरुणिघणत्थणाहं, दीसइ न कयाइ वि जहिं जणाहं । नंदणवणसोहिय, मुणिहि विमोहिय, अविरोहिय सुमणसपरिस । गुरुरायरवन्निय, विबुहसमन्निय, जइ पर सुरपुरि तमु सरिस ॥२॥ तं पालइ भूवइ भरहु राउ, घरि जिम्ब रणि रेहइ जासु चाउ । चउसट्ठिसहस्सपुरंधिनाहु, छक्खंडविजयलच्छीसणाहु । पुरपरिहपलंबपसत्थबाहु, मण-पवणजवणरमणीयवाहु । चउरंगसेण्ण जसु सत्तमहण, जिम्बै जिणह धम्म क्रिय जत्तिगहण । तसु सव्वंतेउपहाण, लायन्न-रूव-रइ-सुहनिहाण। करि खग्गजट्टि जिम्न सुद्धवंस, सुपओहरपावियजणपसंस । अकलंक महासइवन्नणिज्ज, बीयाससिरेह व बंदणिज्ज । कलभासिणि परिपसरियसुभद्द, निवपयपंइट्ट नामि सुभद्द ।। सो गोरिए जिम्ब भवु, रइ जिम्ब रइधवु, सहु सिरीए जिम्व महुमहणु । राहवु जिम्व जाणइ, तिम्व सुहु माणइ, तीए समउ रिउवणदहणु ॥३॥ जिणकेवलनाणुप्पत्तिसमइ, उप्पत्ति'चकिचक तइंसमई' सम्भाव्यते । नियहियइ हियावइ भरहु राउ, पूएमि चक्कु ? किं वा वि ताउ ? | सविवेइं पुणरवि मुणिउ एम्व, हउं वड्डइ अंतरि भुल्लु केम्ब ?। कहिं तुच्छ चक्कु? कहिं जिणवरिंद?. गंडोवल कहिं ? कहिं सुरगिरिंद?। कहिं सायरु सोहइ ? कहिं तलाउ ?, कहिं चक्रवट्टिनरु ? कहिं चिलाउ। कहिं रासहु ? कहिं सुरवइकरिंदु ?, कहिं किर कुरंगु ? कहिं वणमइंदु । चिंतामणि कहिं ? कहिं उवलखंडु, ? .... खज्जोयउ कहिं ? कहिं दिवसनाहु ?, कहिं पामरु ? कहिं हरि सिरिसणाहु । इहलोइउ चक्कु, सुसुंदरु वि .......... जिणु परलोयह सुहजणउ ।
ने पूइउ [चक्कु, ] ताई पूयइ, ता पूयमि पढमउं जणउ ॥४॥ . पूइत्तु जिाणेसरु समुणिवग्गु, छक्खंडवसुहसाहणह लग्गु ।
मागह वरदाम पहास सिंधु, साहिंतु भरहु धय-छत्त] यचिंधु । साहेवि सट्टिवरिसहं सहास, माणेवि सिरिदेविं सहु विलास ।
कारवइ सहोयर नियय सेव, ति वि कहहिं जणेरह रिसहदेव । १. मारणवलि सूयह रं०। २. गहण २०। ३. जिम रं०। ४. उर वहुपहाण रं०। ५. सुइस रं०। ६. पयह नामि य सुभद्द २० । ७. एम रं०1८. वणगइंदु २० ।
Jain Education International
For Private & Personal Use Only
www.jainelibrary.org
| SR No. | 016006 |
| Book Title | Akhyanakmanikosha |
| Original Sutra Author | Nemichandrasuri |
| Author | Punyavijay, Dalsukh Malvania, Vasudev S Agarwal |
| Publisher | Prakrit Text Society Ahmedabad |
| Publication Year | 2005 |
| Total Pages | 504 |
| Language | Prakrit, Sanskrit |
| Classification | Dictionary & Story |
| File Size | 13 MB |