Page Text
________________
४. तपोमाहात्म्यवर्णनाधिकारे रुक्मिणी-मध्वाख्यानके परिपक्कफुडियदाडिमबीयावलिदित्तदंतपंतिजुया । कलरावकोइलामंजुभासिणी कंवुसमकंठा ॥३८|| वरसिरिसकुसुमकोमलरणंतआभरणचारुभुयजुयला । कंकेल्लिपल्लवारुणपाणिजुया फुरियनहकिरणा ॥३९।। सुरकुंभिकुंभपीवरपओहरा मुट्टिगिझवरमज्झा। गंभीरनाभिकूवा नइपुलिणमणोहरनियंवा ॥४०॥ रंभाखंभसविन्भमऊरुजुया कमलसरिसकमजुयला । दिट्टा रुप्पिनरेसरभइणी तीए वि सो दिट्टो ।।४१।। तो विहियअग्घपत्ताए तीए पणएण नारओ नमिओ । तेणावि रुप्पिणीए आसीसा एरिसा दिन्ना ॥४२॥ तं होज अग्गमहिसी वच्छे ! भरहद्धचक्किकन्हस्स । तो तीए रिसी पुट्ठो भयवं! को एस कन्हनिवो ॥४३॥ अह नारएण कहियं चरियं आबालकालओ हरिणो । जह अमरा वि हु कम्मयरवित्तिणो तम्स निच्चं पि ॥४४॥ सोहग्गाइ समग्गं पि गुणगणं वन्निऊण तो तीए । रूवं लिहिऊण पडे संपत्तो कन्हपासम्मि ॥४५॥ तो तम्स चित्तपडिया समप्पिया सो वि तं निहालंतो। तीए वररूवरंजियहियओ अणुरायमावन्नो ॥४६॥ तं पुच्छह किं खेयरकन्ना ? पायालकन्नया अहवा ?। किं गोरी ? गंधारी ? उयाहु अमरंगणा का वि? ॥४॥ तो नारएण भणियं एसा रुप्पिम्स राइणो भइणी । कन्हेण तओ वरणाय पेसिया तत्थ नियपुरिसा ॥४८|| तो रुप्पिपुहइवइणा भइणी दिन्ना न कन्हनरवइणो । गोवाला हीणकुल त्ति कलिय दिन्ना पुणो तेण ॥४९॥ सायरमेसा सिमुपालपुहइवइणो नरिंदतिलयस्स । अह पइरिक्के भणिया रुप्पिणिकुमरी पिउसियाए ॥५०॥ वच्छे ! तुह बालत्ते अइमुत्तयसाहुणा कहियमेयं । अग्गमहिसी भविस्सइ एसा कन्हस्स नरवइणो ॥५॥ तो पुच्छिओ मए सो साहू किह कन्हनरवई अम्हे । जाणिस्सामो तेणावि पभणियं पच्छिमदिसाए ॥५२॥ वियरिस्सइ बारवईपुरीए ठाणं महन्नवो जस्स । सो कन्हो त्ति [य] भणिऊण मुणिवरो विहरिओ वच्छे ! ॥५३।। इन्हि सो वरयनरेहिं पयडिओ तं पुणो न दिन्ना से । दिन्ना सिसुपालन।सरस्स ता रुप्पिणी भणइ ॥५४॥ किं अंब ! तं न कीरइ मुणिवयणं ? तयणु चिंतियं तीए । जह एसा भणइ इमं तह कन्हे बद्धअणुराया ॥५५॥ इय नाऊणं कन्हस्स पेसिओ पिउसियाए नियदूओ । जह माहसुद्धअट्टमितिहीए नागस्स भवणम्मि ॥५६॥ पच्छन्ना गच्छिस्सं रुप्पिणिसहिया य नागपूयट्ठा । तत्थ तए पुरिसोत्तम ! आगंतव्वं इओ य तहिं ॥५७।। सिमुपालस्स विवाहो पारद्धो रुप्पिणा नरिंदेण । सिसुपालो संपत्तो महंतसामंतसंजुत्तो ॥५८॥ सो वुत्तंतो नारयरिसिणा रणकामएण कन्हस्स । कहिओ तो कन्हो वि हु रामेण समं रहारूढो ॥५९|| पत्तो य कुंडिणिपुरि पच्छन्नो पिउसिया वि तम्मि दिणे । सह रुप्पिणीए बहुथेरिनियरपरिवारजुत्ताए ॥६॥ नागस्स गिहं गंतूण पूयणं जाव कुणइ पडिमाए । तत्तो चरेहिं कहियं जह पत्ता कन्ह-बलभद्दा ॥६१।। तो वासुदेवराया रहाओ उत्तरिय पिउसियं नमइ । भणइ यरुप्पिणि ! सहं तुज्झ निमित्तं अहं एत्थ ॥६२॥ संपत्तो जइ तुह माणसस्स पडिहाइ ता समारुहसु । रहरयणे तो पुच्छिय पिउस्सियं सा समारूढा ॥६३।। बलदेव-वासुदेवेहिं चालिओ रहवरो नियपुरीए । समुहो तओ पिउस्सियपमुहाहि असेसथेरीहिं ॥६४॥ धाहावियं जहा धाह धाह केणावि निजए कुमरी । तं सोउं संभंतो नयरीपरिसरजणो मिलिओ ॥६५॥ भणिओ हरिणा गंतूण रुप्पिरायस्स कहह तुह भइणी । निजइ कन्हेण बलं जइ तुह ता तं निवारेसु ॥६६॥ इय जंपिऊण हरि-हलहरेहिं दोहिं पि पूरिया संखा । तेर्सि सरेण नयरीलोगो भयकंपिरो जाओ ॥६७|| जाणऊण एय जणाआ सिमपाल-रुप्पिरायाणो । सन्नद्धबद्धकवया होऊण झड त्ति संचलिया ॥६011 सट्टिसहस्सेहिं रहाण तह य दोघट्टदसंसहस्सेहिं । तिहिं लक्खेहिं हयाणं बहूर्हि पाइक्कलक्खेहिं ।।६९॥ तो ताण समरभेरीसदं सोऊण रुप्पिणी भणइ । भरहद्धचक्कि उच्छंगसंठिया महुरसद्देण ॥७॥ पिययम ! चउरंगवलं आगच्छइ एक्कका पुणो तुमे । ता तुज्झ संगमसुहं अज वि दुलहं विचिंतेमि ॥७१॥ तो तीए निययबलदंसणत्थमायडिऊण कोडंडं । अद्धिंदुणा उविदेण पाडिया तालतरुमाला ॥७२।। नियअंगुलेयवज्जं मलिउं चुन्नीकयं करयलेहिं । तो रुप्पिणी नियमणे तुट्टा हरिणा हली भणिओ॥७३|| तं निययवहं घेत्तण वच्च अहमरिबलं निवारेमि । तो भणइ हली तं गच्छ सत्तणो हं निवारिस्सं ॥७४।।
Jain Education International
For Private & Personal Use Only
www.jainelibrary.org
| SR No. | 016006 |
| Book Title | Akhyanakmanikosha |
| Original Sutra Author | Nemichandrasuri |
| Author | Punyavijay, Dalsukh Malvania, Vasudev S Agarwal |
| Publisher | Prakrit Text Society Ahmedabad |
| Publication Year | 2005 |
| Total Pages | 504 |
| Language | Prakrit, Sanskrit |
| Classification | Dictionary & Story |
| File Size | 13 MB |