Page Text
________________
आख्यानकमणिकोशे
हरिणच्छी लच्छिमई छणमयलंछ गसमागवरवयणा । पाणप्पिया पिया से मंडइ निच्चं पि अ-पाणं ॥२॥ अह अन्नया य पक्खोपवासपारणदिणे मुणो तम्स । भवणे समाहिगुत्तो नामेण महीनिहियनयणो ॥३॥ भिक्खट्टाए पविट्टो दिट्ठो अभुट्टिओ य तुट्टेण । तेण तओ सा भणिया भिक्खं मुणिणो पयच्छ पिए ! ॥४॥ इय जंपिऊण भवणाओ निग्गओ बंभणी वि नियवयणं । मंडंती पडिबिंब पेच्छइ दप्पणतले मुणिणो ॥५॥ निम्मंसमट्टिचम्मावसेसमइपयडबहुसिराजालं । दुग्गंधमलविलित्तं तं दट्टुं कोवमावन्ना ॥६॥ तो तीए बद्धभिउडीभासुरदुप्पेच्छरत्तनेत्ताए । निभच्छिऊण निटुरगिराहिं निद्धाडिओ साह ॥७॥ तत्तो तवम्सिआसायणाए सत्तमदिणम्मि पावाए । तीए उंबरकोढो बाढं जाओ सरीरम्मि ॥८ पंकेरुहोवमं पि हु कमजुयलं मंदुलंचियं सहसा । रंभासमं पि ऊरूजुयलं सिंबलिसमं जायं ॥९॥ रमणं मणहरणं पि हु रोगेण कयं जुवाणहसणिज्जं । तिवलीधरं पि मझं जायं रोगेण अमान्नं ॥१०॥ कणयकलसोवमं पि हु जुवाणमणमोहणं पि थणजुयलं । पगलंतपूयधाराखरंटियं कं न दूमेइ ? ॥१२॥ चंपयलयोपमं पि हु बाहुजुयं जायमयगरसमाणं । सरलंगुलिकलियं पि हु करयलजुयलं गलेवि गयं ॥१२॥ बिंबाफलोवमं पि हु उट्टपुडं कोट्टथोत्थरं जायं । सरला वि नासिया से नट्ठा कुटुम्स भीय व्व ।।१३।। एवं उम्बरकोढक्कंता कता दिएण परिचत्ता । परिहरिया बंधहि वि तओ गया गरुयवेरग्गं ॥१४॥ पविसिय करालजाले जलणे मरिऊण तम्मि गामम्मि । अट्टज्झाणवसेणं रायउले रासही जाया ॥१५॥ पायसमपावमाणा कइहि वि दिवसेहि मरिउमुप्पन्ना। गड्डासूयरिगन्भे तओ वि मरिऊण साणते ॥१६॥ जाया परिभमंती दड्डा तत्तो वणम्गिणा रन्ने । मरिऊण लाडदेसे भरुयच्छसमीवगामम्मि ॥१७॥ नावियधूया जाया दुन्वन्ना दुस्सरा दुगंधा य । काण त्ति विहियनामा तमगंधं असहमाणेहिं ॥१८॥ जणगाइएहि नम्मयतरंगिणीतीरपरिसरे रइयं । रोहिंसकडकुडीरं तो तत्थ ठियाऽणुदिवसं पि ॥१९॥ जणमुत्तारइ नावाए अन्नया सा समाहिगुत्तमुणी । सिसिरम्मि नम्मयापुलिणपरिसरे विहियउस्सग्गो ॥२०॥ दिट्टो तीए तरंगिणितरंगजलकणविमिस्सवाएहिं । पहणिज्जंतो संझासमए संजायकरुणाए ॥२१॥ मारुयनिवारणथं समंतओ साहुणो खडभरेण । वाडि रइऊण गया समागया पुण पभायम्मि ॥२२॥ अभिवंदिउँ मुणिंदं उवविट्टा देसणा कया तेण । तो पडिबुद्धा पभणइ भयवं तं कथई दिट्टो ॥२३।। पुब्धि मए तओ सो साहू नाणेण कहइ तीए भवे । संजायजाइसरणा तो पेच्छइ नियभवे सा वि ॥२४॥ अभिवंदिय मुणिचरणा संजाया साविया तओ मुणिणा । धम्मसिरीअजाए समप्पिया तीए सह सा वि ॥२५॥ विहरंती संपत्ता कम्मि वि गामम्मि तयणु अज्जाए । उवणीया नायलसावयस्स सद्धम्मसीलम्स ॥२६॥ वेयावच्चं चेईहरम्मि सा कुणइ संठिया तत्थ । एगंतरोववासे बारस वरिसाई काऊण ॥२७॥ विहियाणसणा मरिऊण अच्चुइंदस्स पणइणी जाया । पलिओवमाणि पणपन्न तत्थ भोत्तूण सोक्खाई ॥२८॥ तत्तो चुया वराडगविसए कुंडिणिपुरीए उप्पन्ना । धूया भेसइरन्नो जसवइदेवीजढरजाया ॥२९॥ नामेण रुप्पिणी रुप्पिकुमरभइणी मणुन्नतारुन्ना । एत्तो य धणयनिम्मियबारवईए पुरवरीए ॥३०॥ उड्डमरसमरदोघट्टथट्टकुंभयडपाडणमइंदो । भरहद्धचक्कचट्टी कन्हो नामेण नरनाहो ॥३१॥ अह अन्नया य गयणंगणेण नारयरिसी समागंतुं । संभासिऊण भूवालमंडलं कन्ह-बलपमुहं ॥३२॥ अंतेउरे पविट्ठो अन्भुट्टाणाइविहियसम्माणो । सव्वाहि वि हरिअंतेउरीहिं न हु सच्चभामाए ॥३३|| विरइयसिंगाराए आयरसगिहम्मि पिच्छमाणाए । अप्पाणं तो कुविओ चिंतइ नारयरिसी एवं ॥३४॥ पेच्छ जहा नियसोहागवायलग्गाए न हु अहं नमिओ । ता एयाए सक्किं करेमि जह खिजए एसा ॥३५।। इय चितिऊण निसियासिपट्टसामलनहं समुप्पइओ। गंतुं कुंडिणिनयरीए रुप्पिरायाइ आलविङ ।।३६।। अंतेउरे पविटेण तेण छणरयणिरमणसमवयणा । इंदीवरदलनयगा रत्ताहरहसियबिंबिफला ॥३७॥
Jain Education International
For Private & Personal Use Only
www.jainelibrary.org
| SR No. | 016006 |
| Book Title | Akhyanakmanikosha |
| Original Sutra Author | Nemichandrasuri |
| Author | Punyavijay, Dalsukh Malvania, Vasudev S Agarwal |
| Publisher | Prakrit Text Society Ahmedabad |
| Publication Year | 2005 |
| Total Pages | 504 |
| Language | Prakrit, Sanskrit |
| Classification | Dictionary & Story |
| File Size | 13 MB |