Page Text
________________
४७
३. शीलमाहात्म्मवर्णनाधिकारे दवदन्त्याख्यानकम् जत्थ अदभवियंभियभवणुभवनीलरयणकिरणहि । अहिणवजलहरसंका जायइ गिहिगयसिहंडीणं ॥२॥ जत्थ निउरा रिनयणानलाओ भीगण कामदेवेण । विहिया पुरंगणाणं नयणिदीवरवणेसु ठिई ॥३॥ तं परिपालइ गया भीमम्ही भीमसमरसरंभी । बंदीकयारिकामिणिसंचालिज्जंतसियचमरो ॥४॥ तस्सऽस्थि पुष्पदंती सिंगारलयाविलासिपुप्फ व । हरिमुत्ति व्य पवित्ता भजा गरि व्य सुकुमाग ।।५।। ग्इकेलिबिसयमुहसारमणुहवंतम्स तम्स तीए समं । गच्छंति वासरा कमलचंचुणा पणइकमलाण ॥६॥ अह अन्नया य देवी रयणीए पच्छिमम्मि जामम्मि दिट्टुं सुमिणं साहद्द पहायसमयम्मि दयस्स ॥ जाणामि पेरिओ वणदवेण दंती सुरिंदकग्धिवलो । संपत्तो पिययन ! तुज्झ मंदिरे तयणु भगइ नियो ॥८॥ दइए तुज्झ भविम्सइ कुमरो कुमरी व जे सगुणनियरा । भुवणमिणं रययसलायपंजरत्थं करिम्संति ॥९॥ जाव इमं भणइ निवो सो दंती ताव तत्थ संपत्तो । आरोवित्त सखंधे देवीसहियं निवं तत्तो ॥१०॥ भमिऊण नयरिमझे उत्तारेऊण खंधदेसाओ। गेहम्मि दोन्नि वि तओ पत्ती आलाणखंभम्मि ॥११॥ पडिया तत्तो गयणाओ कुसुमबुट्टी पयंपई लोओ। पुन्नेहिं निव्वुडदेवयाए इह एस आणीओ ॥१२॥ तप्पभिई देवीप संजाओ गम्भसंभवो मुहओ। हियइच्छियपूरिज्जत डोहला पसवसमयम्मि ॥१३॥ सोयामिणिम्ब जलहरमाला जुण्हं व रयणिवरमुत्ती । दिणयरतणु व सुपहं मुहं पपूया सुयं देवी ॥१४॥ सह जम्मेणं ती भालयले तरुणतरणिसच्छाओ। पाउम्भूभो तिलओ उदयधरे वालतरणि व्य ||१५|| अइगरुयविभूईए वदावणयं करित्तु नरवडणा । दवदंति त्ति कयं से नाम सुमिणाणुसारेण ॥१६॥ अणुदियहं बटुंती कलाकल वेण चंदलेह व्व । संपत्ता मयणविलासमंदिरं जोवणारंभ ॥१७॥ सम्मोहणं व तिहुयणजणाण संतावणं व तरुणाण । उम्मायणं व एक्कग्गमाणसाणं नाणं पि ॥१८॥ निस्सेसलोयउवसमपल्लववेल्लीए सोमणं व इहं । संहारणं च परमं कामुयजणजीवियम्सावि ॥१९॥ जो पंचवाणमझ्याए तीए विटो कडकखभल्लाहिं । वच्छत्थलम्मि सो जियइ कानुओ कहवि किच्छेण ॥२०॥ नं दट्ट नरनाही असरिसलायन्न-व-गुणजलहिं । चिंतइ कत्थ भविम्सइ एयार. वरो गुणहिं समो ? ॥२१॥ ता एयाए निमित्तं सयंवरामंड्यं कगवेमि । तत्थ निवकुमरमझे वरेउ जो रोयइ मणम्स ॥२२॥ इय चिंतिय वाहरिया सवे वि नरेसरा नरिंदेण । निम्माविओ य नयरे सयंवरामंडवो रुइरो ॥२३॥ बेहाल धवलधयवडरणंतमणिकणयकिंकिणिकलावो । मंचाइमंचकलिओ निरुद्धरवितुरयसंचारो ॥२४॥ एगत्थ मेघडंबरवचूलमुत्ताकलावनियरेण । अणुहरइ सरयनिम्मलतारावलिसहियगयणम्स ॥२५॥ नीलमणिथंभविणिहियनाणामणिकिरणजालसंवलिओ। अणुहरइ कहवि हरिचाव जट्ठिजुयजलयपइलम्स ॥२६॥ अवरत्थ पंडपट्टउलवत्थउल्लोयविहियगुरुसोहो । आगामिनलकुमारम्स पसरिओ कित्तिपडओ व्व ॥२७॥ थंभनिवेसियजन्तधू मघडियासमुत्थधूमसिहो । भाविपरकुमरअवमाणकोवसिहिफुरियधूमो व्व ॥२८॥ परित लियपुरंदरधामविन्भमो धाम रामणीयम्स । निम्सेसदेसलच्छी विलासरमणीयगेहं व ॥२९॥ आगंतुं पडिहारेण नमिय वद्धाविओ महीनाहो । रायाणो देव ! इहं पत्ता लेहारिएहि समं ॥३०॥ समुहं गंतुं गुरुबलभारपकंपंतधरणिवीटेण । अइगरुयविभूईए तेसि पवंसो कओ रन्ना ॥३१॥ उवविद्वेसु महारिहमणिमयसिंघासणेसु निवईमु । तुलिया सयंवरेणं इंदसमा णियसहा सोही॥३२॥ अह देयम्भनिवस्या सव्वालंकारसुंदरावयवा । रमणीयसयंवरमंडवम्मि पत्ता निवाइन्ने ॥३३॥ उत्तत्तकणयगोरी कज्जलसामलकरणुमारूढा । रेहंती नवजलहरमालंकगया तडिलय ब्व ॥३४॥ अह करकलियसयंवरमाला वाला करेणुगइगमणी । निम्सेसनरिंदेहिं निरूविया साणुराएहिं ॥३५॥ तो तीए नरिंदाणं नयणेहिं समं गयाई हिययाई। सह कामवियारेहिं भणोरहा चिय पचड्डन्ति ॥३६॥
१. सुपवित्ता २० ॥
Jain Education Interational
For Private & Personal Use Only
www.jainelibrary.org
| SR No. | 016006 |
| Book Title | Akhyanakmanikosha |
| Original Sutra Author | Nemichandrasuri |
| Author | Punyavijay, Dalsukh Malvania, Vasudev S Agarwal |
| Publisher | Prakrit Text Society Ahmedabad |
| Publication Year | 2005 |
| Total Pages | 504 |
| Language | Prakrit, Sanskrit |
| Classification | Dictionary & Story |
| File Size | 13 MB |