Akhyanakmanikosha

SR No.: 016006
Original Sutra Author: Nemichandrasuri
Author: Punyavijay, Dalsukh Malvania, Vasudev S Agarwal
Publisher: Prakrit Text Society Ahmedabad
Publication Year: 2005
Total Pages: 504
Language: Prakrit, Sanskrit
Classification: Dictionary & Story
File Size: 13 MB

Page 109

२२
आख्यानकमणिकोशे हा ! एसा वि वराई उत्तमवंमुभवा विणीया वि । वीवाहिऊण मुक्का न भासिया वयणमेत्तेण ॥ ५७ ।। इय एवं बिलवंतो करुणसरं दीणिमं जणेमाणो । संधीरिओ कलत्तेण तयणु सो पुच्छई एवं ॥ ५८ ॥ कि अस्थि किं पि ? तो तीए दाइयं तम्स निययमाभरणं । अत्थोवजणकज्जे काउं तं चेव भंडोल्लं ॥ ५९ ॥ तत्थेव ठिओ नियमित्तबग्गलज्जाए कइवयदिणाणि । जा तीए संजाओ गन्भो ता पत्थिओ सत्थो॥ ६० ॥ तीए सत्थासन्नम्मि देउले सोविओ स पल्लंके । एत्तो य आसि इब्भो सुधणू नामेण तम्मि पुरे ॥ ६१ ॥ दझ्या महिमानामेण तम्स बहुकूडकवडदुल्ललिया । तीए सुओ धणदत्तो पिउणा परिणाविओ जाव ।। ६२ ।। वररूवजोव्वणाओ चत्तारि नियंबिणीओ ता इब्भो । पंचत्तं संपत्तो मित्तेहिं तयणु धणयत्तो ।। ६३ ॥ दविणावजणकज्जे सज्जीका कयागए नीओ। रयणायरपरतीरं विढत्तवित्तो पडिनियत्तो ।। ६४ ।। जा संपत्तो हल्लंतलहरिमाले समुद्दमज्झम्मि । ता गिरितडम्मि फुट्ट वहणं निहणं गओ सो वि ॥ ६५ ।। तो एक्केण नरेणं कहियं तरि तरंगिणीनाहं । महिमाए पुत्तमरणं तो उवयरिउं इमो तीए ।। ६६॥ विउलेण दविणजाएण पणिओ भद्द ! नो इमं तुमए । छक्कन्नं कायव्वं ति तयणु तेणावि पडिवन्नं ॥ ६७ ॥ चिंतेइ इमा आणेमि किं पि सुण्हाणमवरभत्तारं । जायंति जहा पुत्ता घर-लच्छीरक्खणसमत्था ॥ ६८ ॥ इय चिंतिऊण रयणीए नियइ नयरस्स परिसरे जाव । ता दिट्टो सुहमुत्तो कयउन्नो तीए देवउले ॥ ६९ ॥ पल्लंकपमुत्तो च्चिय उक्खित्तो तीए भणियपुरिसेहिं । मुक्को मंदिरमझे कमेण जा उट्टिओ ताव ।। ७० ॥ सोयपरिपूरियंगी कंट्टम्मि विलग्गिऊण रुयमाणी । जंपइ बालो वि तुमं अवहरिओ जाय ! केणावि ।। ७१ ॥ निउणं निरिक्खिओवि य महिवीटे न हु कहिं पि उवलद्धो। नाणेण मुणिय मुणिणा कहिओ तुह आगमो अज्ज ॥७२॥ दिट्टो य मए सुमिणे समागओ नियगिहम्मि कप्पतरू । ता एत्थ पुत्त ! पुन्नेहिं आगओ अज्ज अम्हाण ॥ ७२ ॥ दिट्टो य मए सुमिणे समागओ नियगिहम्मि कप्पतरू । ता एत्थ पुत्त ! पुन्नेहिं आगओ अज्ज अम्हाण ।। ७३ ।। तं कत्थ गओ विद्धि ? परिभमिओ वा कहिं ? कहमु मज्झ । किं वा तएऽणुभूयं सुहदुक्खं एत्तियं कालं ? ॥ ७४ ।। अचरं च मज्झ हिययं वज्जसिलिंकाहिं निम्मियं मन्ने । जं न गयं तुह विरहे धस त्ति सयसिक्किरीहोउं ।। ७५ ॥ जाय ! तुह विरहदुम्मियमणाएं जं चिंतियं मए किं पि । तं तुह वेरीणं पि हु एउ सरीरम्मि मा कह वि॥ ७६ ॥ एत्तियकालं पुत्तय ! नियकुलदेवीहिं रक्खिओ इण्हि । मह जीविएण जीवसु नहंगणे जाव ससि-सूरा ॥ ७७॥ विविहवररयण-मणि-कणय-रुप्पमुत्ताहलाइधणरिद्धि । उवमुं. जसु जाय ! तुम सम्माणंतो सुहिसमूह ॥ ७८ ॥ अवरं च तुझ जेट्टो भाया देसंतरम्मि वावन्नो । ता नियभाउज्जायाण होसु सामी तुमं वच्छ ! ।। ७९ ।। इय एवं तीए मइप्पवंचविम्हियमणो मुणतो वि । कूडकवडं ति जंपइ जं पभणसि अंब! तं काहं ॥ ८०॥ भणियाओ तओ तीए सुहाओ ठाविऊण एगते । पडिवज्जह देवरमवि कंतं एवंविहे कज्जे ॥८१ ॥
जओ भणियं
गते मृते प्रव्रजिते क्लीबे च पतिते पतौ । पञ्चस्वापत्सु नारीणां पतिरन्यो विधीयते ।। ८२ ॥ ता देवरेण पुत्तं उप्पाइत्ता करेह कुलरक्खं । मा वच्चउ तुम्हाणं धणरिद्धी रायभवणम्मि ॥ ८३ ॥ कुंतीमहासईए अन्नन्नपईहिं पुत्तउप्पत्ती । सुव्वइ ता मह वयणं पडिवज्जह मा वियप्पेह ।। ८४ ।। इय एवंविहबहुविहलोइयजुत्तीहि ताए धुत्ताए। तह कह विहु भणियाओ ताओ जहा ताहि पांडवन्नं ॥ ८५ ।। तो ताहि समं एसो विसयमुहं नेहनिव्भरमणाहिं । भुंजइ मुणिदाणज्जियपकिट्टपुन्नाणुभावेण ॥ ८६ ॥ कालक्कमेण जाया पुत्ता चउरो चउण्ह सुण्हाण । गय-चक्क-संख-सारंगलंछिया लच्छिनाह व्व ॥ ८७ ॥ अन्नोन्ननेहनिभरमणाण परिहासहरियहिययाण | बारस समइक्वंताणि ताण वरिसाणि सोक्खेण ।। ८८ ॥ सुण्हाओ सासुयाए भणियाओ इमं विडं परिचयह । जम्हा तुम्हाण पई न होइ तो बिंति इयराओ॥ ८९ ।। अंब ! इमो तुमए च्चिय विहिओ अम्हाण भवणसामित्ते । ता सुविणे वि हु एयं अम्हे न कयाइ परिहरिमो ॥
Jain Education Interational