Akhyanakmanikosha

SR No.: 016006
Original Sutra Author: Nemichandrasuri
Author: Punyavijay, Dalsukh Malvania, Vasudev S Agarwal
Publisher: Prakrit Text Society Ahmedabad
Publication Year: 2005
Total Pages: 504
Language: Prakrit, Sanskrit
Classification: Dictionary & Story
File Size: 13 MB

Page 105

आख्यानकमणिकोशे
अत्थोवजणकज्जे सज्जीका कयाणयसमूहं । खर-करह-वसहसहिओ संचलियो सो वसंतउरे ॥ ५॥ गच्छंतेणं तेणं पयडो कप्पडिय-तडियपमुहम्स | जाणावणत्थमत्थियजणस्स घोसाविओ पडहो ॥ ६ ॥ जस्सऽथि बलं न हु संबलम्मि करवत्त-वत्थविसयम्मि । पाणहिय-वाहणाईमु तस्स सव्वं पयच्छामि ॥ ७॥ नयरम्मि वसंतउरे गंतुमणो धम्मघोससूरी वि । पेसइ तम्स सयासम्मि साहुसंघाडगं एगं ॥ ८॥ पुच्छह आगच्छामो समयं अम्हे वि तुम्ह सत्येण । साहेज्जकजसज्जो जह होहिसि जइसमूहम्स ॥ ९॥ गुरुणो वयणं बहुमन्निऊण जइणो धणम्स भवणम्मि । जा पविसंति तओ सो समुट्टिओ सम्मुहं ताण ॥ १०॥ गहिऊण पक्क-पीवरसहयारफलाणि भणइ भत्तीए । भयवं : विहियपसाया फलगहणेऽणुग्गहं कुणह ॥ ११ ॥ भणियं च तेहिमम्हं सच्चित्तफलाणि न हु पकप्पंति । तो भणइ धणो आगमणकारणं मह निवेएह ॥ १२ ॥ साहंति तओ मुणिणो वयणं सिरिधम्मघोससूरीण । सो वि अणुग्गहिओ हं सूरीहि पयंपइ पहिहो ॥ १३ ॥ तो सत्थवाहवयणं गंतूण कहंति साहुणो गुरुणो । सूरी वि साहुमंडलसमन्निओ पत्थिओ पंथे ॥ १४ ॥ सुपसत्थतिहिमुहुत्ते कयकोउयमंगलो धवलवेसो । नियदेवयाओ नमिउं नीहरिओ तयणु सत्थाहो ॥ १५ ॥ आयन्नन्तो संभारभरियसगडाण चक्कचिक्कारं । करहकडुरावमीसियखरखरसद्दच निसुणंतो ॥ १६ ॥ पेच्छंतो भंभारियदिणयरकरतत्तसेरहसमूहं । अत्थरियथोरमंथरमवलोयंतो वसहविंदं ॥ १७॥ गुरुभारविसंतुलखुरपडंतमणवरयमणुपलोयंतो । पुच्छग्गधरिय-पिट्टिय-उट्टाविज्जंतखरविसरं ॥ १८ ॥ भारकसकिसिरकाओडिवावडे पइखणं निरिक्खंतो। धाडीचाहे खंधाओ अवरखंधं भरं निते ॥ १९ ।। बहुसासवसपकंपिरपीवरथणहारणीहिं रमणीहिं । हीरिज्जंतो सिग्धयरगमणपावियतरुतलाहिं ॥२०॥ वच्चइ विजियपहंजण-मणजवणुत्तरलतुरयमारूढो । सिरउवरि धरियसिक्किरिविणिवारियतरणिकरपसरो ॥ २१ ॥ पावित्त पउरइंधण-सीयलजलकलिय-विउलवणसंडं । आवासिओ विसारियविसालपडमंडवगिहेसु ॥ २२ ।। सत्थियजणो वि को विहु कत्थइ अइबहलपत्तलतरूसु । अवरोप्परकलहपरो आवासइ रइयगुलिणीसु ।। २३ ॥ वियडकरवत्त-दीयड-काओडी-कुडयवावडकरग्गा । सिग्घयरं कम्मयरा नीराभिमुहं अणुसरंति ॥ २४ ॥ इय एवमाइबहुविहवावारविहत्थपंथसत्थस्स । पढमो पयाणदियहोऽइक्वन्तो सत्थवाहस्स ॥ २५॥ ताडाविडं पयाणगभेरिं पहरावसेसरयणीए । संवाहिऊण सत्थं संचलिओ पुणरवि पहम्मि ॥ २६ ॥ इय एवंविहबहुविहपयाणअकंतभूरिमहिवलओ। बहुविडविसंकडाए पत्तो वियडाए अडवीए ॥ २७ ॥
सा केरिसा ?
तरुणि व्व तरलचित्ता संवरजुत्ता सुसाहुवित्ति व्व । सुरहि व्व सुह्यवच्छा वरकमला कण्हमुत्ति व्व ।। २८॥ जा पेच्छंतो गच्छइ तं सो लल्लकसावयसमूहे । ता गज्जंतो पत्तो नहंगणे नवघणारंभो ॥ २९ ॥ पहणियमुणिप्पहावो विहुणियबुह-सोम-गुरुपहापसरो । कलिकालो व्व वियंभइ गयणे घणतिमिरपन्भारो ॥ ३०॥ रयणिसमुन्न यसामल जलहरअंधारियम्मि भुवणयले । दीवसिह व्व तडिलया दरिसइ अभिसारियाण पहं ।। ३१ ।। उन्नयपओहराए तडितरलऽच्छीए गयणलच्छीए । धवलबलाहयमाला रेहइ मुत्ताहलसरि व्व ॥ ३२ ॥ रोलंब-गवलसामलसच्छायं नहयलं सहइ जत्थ । विरहिणिमणमयणानलधूमेण व मइलियमसेसं ॥ ३३ ॥ उम्मग्गपसरिया{ घणरसपरिपूरियासु तरलामु । असईसु व्व नईमुं निम्मूलुम्मूलियतडासु ।। ३४ ॥ बहलजलाविलपंकिलपहम्मि पल्हसिरकरहचरणेमु । उद्दामगद्दकद्दमचहुट्टचक्केसु सगडमु ।। ३५ ।। आसारवारिधारापहारअवणमिरसीसवसहेसु । गड्डुलजलोहपल्ललपविसिरसेरहसमूहेसु ।। ३६ ॥ अक्कमिउमसक्केसुं चिक्कणकद्द मिलदुमगमग्गेसु । धणसत्थवाहचित्ते चिंता एवं समुपन्ना ॥ ३७ ।।
१. ह्रियमाणः। २. मयलिय ० २० ।