Akhyanakmanikosha

SR No.: 016006
Original Sutra Author: Nemichandrasuri
Author: Punyavijay, Dalsukh Malvania, Vasudev S Agarwal
Publisher: Prakrit Text Society Ahmedabad
Publication Year: 2005
Total Pages: 504
Language: Prakrit, Sanskrit
Classification: Dictionary & Story
File Size: 13 MB

Page 101

१४
आख्यानकमणिकोशे
१७७ ।।
जय दुरियनियर सायरतारण ! नवतरणिअरुणकर-चरण ! | रायविसहर निवारण ! करुणारसनिज्झर ! नमो ते ॥ १७२ ॥ इय जिनवरिंद्रचरणारविन्दजुयलं श्रुणित्तु नरनाहो । उवविसइ उच्चरोमंचअंचिओ उचियदेसम्म || १७३ || भयवं पि दसणकिरणच्छलेण अमयं व विसयविसहरणं । वियरंतो नवजलहरसरेण सदेसणं कुणइ || १७४ ॥ भो भव्वपाणिविसरा ! वयणं निगुणंतु इह भवावट्टे । परियहंता सत्ता मणयं पि सुहं न पार्वति ।। १७५ ।। पेच्छह् परमाहुम्मियनिट्टु रकरचत्त कप्परिज्जता । नेरइया नयणनिमेसमित्तमवि न वि लहंति मुहं ।। १७६ ।। तिरिया वि बंध-वह-छेयँ-भेय उक्कत्तणाइदुक्खत्ता । विरसं रसमाणा विहु छुट्टंति न पुत्र्वपाचाओ ।। गुरुरोय-सोय-पियविप्पओग -दारिद्ददूमिया दुहिया । पेच्छह पुरिसा वि कुकम्मपरिणईपासपविद्धा ।। १७८ ॥ अमरा वि अवरसुरवररमणीअणुरायरंजियसरीरा । ईसा -विसायविसहरविसविवसा अणुवहंति दुहं ॥ १७९ ॥ न यचउगइसंसारे मुहलेसम्सावि संभवो सुलहो । इय परिभाविय भव्वा ! भवंतु सवे भवविरता ॥ १८० ॥ इय नियुणिऊण तित्थयरदेसणं तयणु सेणियनरिंदो । खायगदंसणरयणं पावइ हयपाचपन्भारो ॥ १८१ ॥ अभयकुमारो गिण्हइ सावगधम्मं दुवालसविहं पि । तो पणमिउं जिणिदं सव्वे वि गया सठाणेसु ।। १८२ ॥ एत्तो वि हु अणुवरिसं रोहइ रोसेण रायगिहनयरं । नियबलगव्वियचित्तो सुपयंडो चंडपज्जोओ ॥ १८३ ॥ तो सेणिएण भणिओऽभयमंती किंपि चिंतसु उचायं । नयरम्स जेण खेमं संजायइ तयणु अभएण ॥ १८४ ॥ पुरपरिसरपुहईए तेण निहाणीकया कणयकलसा । समयं मुसंढि - मोग्गर - तोमर - झसनिसियसत्थेहिं ॥ १८५ ॥ पुणरवि कम्म विवरिसे पुञ्चपओगेण रोहियं नयरं । तो अभएणं भणिओ सामंता तुज्झ सवे वि ।। १८६ ॥ मह पिउणा धणदाणेण भेइया जइ न पच्चओ तुज्झ । ता परिसरधरवीढं खणिउं निस्संकियं कुणसु ॥ १८७ ॥ तो तत्थ चंडपज्जोयनरवई जा खणावए खोणिं । ता नियइ कणयकलसे निसायघणपहरणगणे य ॥ १८८ ॥ पेच्छिय अतुच्छउच्छलियकंपपरिगलियसेयसलिलोहो । नियखंधचारक्रिइयसरक्खणो नासिऊण गओ ॥ १८९ ॥ नासंतस्स असेसं पि लूडियं सेणिएण तस्स बलं । जीवंतो उज्जेणिं पत्तो किच्छेण पुण राया ॥ १९० ॥ हक्के निए ते विहु भणंति एयस्स कारिणो न वयं । ता देव ! एत्थ अत्थे अभयपवचेण होयव्वं ॥ १९९ ॥ अवगयराब्भावो भणइ नत्थि सो कोइ मज्झ अत्थाणे । जो कूडकवडबुद्धि बंधिय आइ इह अभयं ।। १९२ ।। तं निणिऊण चिन्नवइ नरवइ चमरहारिणी गणिया । आइसमु देव ! मं झत्ति जेण बंधिय तमाणे हं ॥ १९३ ॥ तो नरवइणा मज्झिमवयाओ अवराओ सत्त गणियाओ । तीए सह थविरपरियणपायाओ पेसियाओ लहुं ॥ १९४ ॥ तत्तो समणिसयासम्मि सिक्खिउं सव्वमेव गिहिधम्मं । पत्ता परिपूयंती तित्थाणि कमेण रायगिहं ॥ १९५ ॥ तत्थ जिणभवणवंदणवडियं काऊण तयणु गिहपडिमा । पूयंती संपत्ता कमेण अभयस्स भवणम्मि ।। १९६ ॥ निस्सीहियं कुणंती सोउं अभओ पयंपइ पहिट्टो । सागयमत्थु निसीहियपरस्स साहम्मियजणस्स ।। १९७ ॥ पूइत्तु जिणवरिंदं वंदाविय तित्थजिणवरे अभयं । उचविट्टाओ पुट्टा अभएणं इह कओ तुभे ? ।। १९८ ।। मज्झिमाण मज्झाओ तस्स एगा कहेउमादत्ता । निसुणसु सावय ! एईए भवविरत्ताए सुहचरियं ॥ १९९ ॥ उज्जेणीए इब्भस्स भारिया तस्स आसि मणइट्टा । पुव्यकयकम्मपरिणइचसेण विहवत्तमणुपत्ता ॥ २०० ॥ भवउब्बिग्गा काऊण तित्थजत्ताओ तयणु नियनयरिं । गंतूणं पवज्जं घेत्तुं काही तच्चरणं ॥ २०१ ॥ इय नियुणिऊण अभएण तयणु विष्फुरियदसणकिरणेण । रेहिररोमंचचियसव्वंगेणं पुणो भणियं ॥ २०२ ॥ साहम्मिणीओ ! भोयणकरणेण अणुग्गहं मह कुणंतु । तित्थोववासियाओ अम्हे भणिऊण उट्टंति ॥ २०३ ॥ धरणियलनियिनयणा परिहरियस चित्तसरणिसंचरणा । गंतूण नियावासे कुणंति मुणिभणियसझायं ॥ २०४ ॥ तो बीयदिणे अभओ तासिं गुणरायरं जिओ संतो । तुरयारूढो गंतूण ताओ आमंतए सगिहें ॥ २०५ ॥ भणिओ य ताहिं तं एत्थ ताव कुण भोयणं तओ अम्हे । तुह भवणे काहामो पारणयं तयणु सो भुत्तो ॥ २०६ ॥ १. रायरंजियसरीरो-रं० ।
For Private Personal Use Only