________________
१५
कसायपाहुडसुत्तं 25) एक्केक्काए संकमो दुविहो संकमविही य पयडीए ।
संकमपडिग्गहविही पडिग्गहो उत्तम-जहण्णो ।। 26) पयडि-पयडिट्ठाणेसु संकमो असंकमो तहा दुविहो ।
दुविहो पडिग्गहविही दुविहो अपडिग्गहविही य ।। 27) अट्ठावीस चउवीस सत्तरस सोलसेव पण्ण रसा।
एदे खलु मोत्तूणं सेसाणं संकमो होइ ।। 28) सोलसग बारसट्टग वीसं वीसं तिगादिगधिगा य ।
एदे खलु मोत्तूणं सेसाणि पडिग्गहा होति ।। 29) छव्वीस सत्तवीसा य संकमो णियम चदुसु हाणेसु ।
वावीस पण्णरसगे एक्कारस ऊणवीसाए ।। 30) सत्तारसेगवीसासु संकमो णियम पंचवीसाए ।
णियमा चदुसु गदीसु य णियमा दिट्ठीगए तिविहे ।। 31) वावीस पण्ण रसगे सत्तग एगारसूणवीसाए ।
तेवीस संकमो पुण पंचसु पंचिदिए सु हवे ।। चोद्दसग दसग सत्तग अट्ठारसगे च णियम वावीसा।
णियमा मणुसगईए विरदे मिस्से अविरदे य ।। 33) तेरसय णवय सत्तय सत्तारस पणय एककवीसाए ।
एगाधिगाए वीसाए संकमो छप्पि सम्मत्ते ।। 34) एत्तो अवसेसा संजमम्हि उवसामगे च खवगे च ।
वीसा य संकम-दुगे छक्के पणगे च बोद्धव्वा ।। 35) पंचसु च ऊणवीसा अटारत चदसु होंति बोद्धव्वा ।
चोद्दस छसु पयडीसु य तेरसयं छक्क पणगम्हि ।। 36) पंच चउक्के बारस एक्कारस पंचगे तिग चउक्के ।
दसगं चउक्क-पणगे णवगं च तिगम्मि बोद्धव्वा ।। 27-39. cf. कम्मपयडि गा. 10-22.
संकाय-पत्रिका-२
Jain Education International
For Private & Personal Use Only
www.jainelibrary.org
