________________
१७४
श्रमणविद्या
54) रे जीव पावणिग्धिण दुलह लहिऊण माणुसं जम्मं ।
जो ण कुणसि जिणधम्मं हा पच्छा तं विसूरिहसि ॥ 55) जो ण कयं अण्णभवे धम्म रे जोव सुंदरं विमलं ।
अणुहवसि ताई पुरुआ दुक्खाई अणंतसंसारे ।। 56) ण परो करेइ दुक्खं णेव सुहं कोइ कस्सई वेह ।
जं पुग सुचरिय दुचरिय परिणवइ पुराकयं कम्मं ॥ 57) जइ पइससि पायाले अडविइं अह महासमुहं वा ।
पुव्वकयाइं ण छुट्टसि अप्पाणं घायसे जइवि ।। 58) जं चेव कयं तं चेव भुंजसि णत्थि एत्थ संदेहो।
अकयं कत्तो पावसि जइवि समो देवराएण ।। 59) किससि सुससि सूससि दीहं णीससि वहसि संतावं ।
धम्मेण विणा सोक्खं कत्तो रे जीव पाविहसि ।। 60) धम्मेण विणा जइ चितियाइं लब्भंते जीव सोक्खाई।
तो तिहुवणम्मि सयले मणु को वि ण दुक्खिओ हुज्ज ।। 61) धम्मेण कुलपसंसइ धम्मेण य दिव्वरूपसंपत्ति ।
धम्मेण धणसमिद्धी धम्मेण वि वित्थरा कित्ती ।। 6.) धम्मो मंगलमूलं ओसहमूलं च सव्व दुक्खाणं ।
धम्मो धणं च विमलं धम्मो. ताणं च सरणं च ॥ 63) किं जंपिएण बहुणा जं जं दीसइ समत्थ तियलोए ।
इंदियमणाभिरामं तं तं धम्मो फलं सव्वं ।। 64) आरंभसयाइं जणो करेइ रिद्धीए कारणे मूढो ।
एगं ण कुणइ धम्मं जेण व लहइंति रिद्धीओ ।। 65) इह लोयम्मि वि कज्जे सव्वारंभे जह जणो कुणइ ।
तह जइ लक्खंसे ण वि परलोए ता सुही होइ ।।
संकाय पत्रिका-१
Jain Education International
For Private & Personal Use Only
www.jainelibrary.org
