Shramanvidya Part 1

SR No.: 014028
Original Sutra Author: N/A
Author: Gokulchandra Jain
Publisher: Sampurnanand Sanskrut Vishvavidyalaya Varanasi
Publication Year: 1983
Total Pages: 402
Language: Hindi, English
Classification: Seminar & Articles
File Size: 14 MB

Page 139

११८
श्रमणविद्या
कारेसि । इदानि मया तस्स रओ चेतियरूपस्स कित्तिमयसरीरस्स छत्ताधि. छत्तं विय द्विभूमकं वटुलविमानं कारेत्वा चेतियसीसे किरीटं विय कनकमयं थूपिकं च योजेत्वा सब्बेहि देवमनुस्सेहि माननीयतं वन्दनीयतश्च पापितो" ति वत्वा चेतियघरस्स अनेकानि गामक्खेत्तानि परोसहस्सं परिवारजनञ्च निय्यातेत्वा पब्बतपादे अनेकसतपासादपरिवेणचङ्कमनरत्तिहानदिवाट्ठानधम्मसालागोपु रपाकारादिअवयवसहिते विविधे सङ्घारामे कारेत्वा तत्थ वसन्तस्स अनेकसहस्सस्स भिक्खुसङ्घस्स निच्चं पच्चयलाभाय अनेकानि सपरिजनानि गामक्खेत्तानि दत्वा "महालेखरट्ठस्स समुस्सितधजायमानो अयं महाविहारो लङ्गाभमिसामिकानं खत्तियजनानं कुलधनभूतो सब्बेहि खत्तियेहि अपरिहापनीयविभवो निच्चं पालनीयो"ति महाजनकायस्स मञ्झे खत्तियकुमारानं आदिसित्वा अनुराधपुरं गतो पि तस्सेव पापकम्मस्स निराकरणाय तेसु तेसु विहारेसु महन्तानि पुञ. कम्मानि कारापेसि । ततोप्पभुति लङ्काधिपच्चमुपगतेहि खत्तियेहि महामच्चादीहि सो हत्थवनगल्लविहारो अन्तरन्तरा पटिसङ्खरियमाणो अपरिहीनपरिहारो पवत्तति ।
इति वटुलविमानुप्पत्तिपरिच्छेदो नवमो ।
पासादुप्पति नाम दसमो परिच्छेदो 1) अथापरेन समयेन कदाचि तस्मिं विहारे निवसतो महाभिक्खुसङ्घस्स
अन्तरे कोचि महाथेरो अब्भोकासिको हुत्वा अन्तोविहारे एकस्मि पदेसे निसीदित्वा भावनमनुयुञ्जन्तो विपस्सनं वड्ढेत्वा महामेदिनिया निग्घोसेन आकासं पूरेन्तो अरहत्तं पापुणि। तदा उपतिस्सो नाम राजा रज्ज कारेन्तो निसिथसमये भयावहं तं पठविसई सुत्वा किं वा मे भविस्सती ति सन्तापेन निदं अलभमानो सोकेन सन्तप्पति । अथ तं सेतच्छत्तं अधिवत्था देवता "मा भायि महाराज ! इतो कारणा किञ्चि ते अमङ्गलं नत्थि, हत्थवनगल्लविहारे कोचि महाथेरो अरहत्तं पापुणी"ति आह! तस्स अरहत्तप्पत्तिकाले पठविनिग्घोसस्स कारणं किन्ति वुत्ते सो थेरो पुब्बे पुञकम्मं करोन्तो “आकासेन सद्धि पठवि उन्नादेत्वा अरहा भवेय्य"न्ति पत्थनं ठपेसि । तस्स फलमिदन्ति समस्सासेसि ।
संकाय पत्रिका-१