________________
પરંતુ મૃગાવતીજીને પોતાના તપોબળ ઉપર પૂરો ભરોસો હતો. બધાં જોતાં જ રહી ગયાં. તે મદોન્મત પાડો ગરીબ ગાય બનીને માથું નમાવી મહારાજશ્રીની સામે આવીને ઊભો રહી ગયો.
શીલવતીજી બોલી ઉઠયાં, “મૃગાવતી! અમે તો ગભરાઈ ગયાં હતાં. બેટા! તેં તો કમાલ કરી. મેં મારા આયખામાં આવું કદી જોયું નથી.’
મહત્તરાજી કહેતાં હતાં કે, દયા, કરુણા, અહિંસા, પ્રેમ અને મૈત્રી પોતાના જીવનમાં શરૂ કરો. એમની કથનીમાં કરણીનો રણકો હતો. તેથી એનો પ્રભાવ અનેરો હતો. તેઓ કહેતાં, પ્રેમથી બધાને જીતો. અને એમણે સાક્ષાત એમ કરી બતાવ્યું હતું. - એક નહિ, બે નહિ, અનેક પ્રસંગ એમના જીવનમાં એવા બન્યા છે કે, જે દ્વારા દયા, અહિંસા, આત્મસંયમ અને મૈત્રીના અલૌકિક દષ્ટાંતો જીવંત બન્યાં. એમનું સમગ્ર જીવન આપણને ઉપદેશની જગ્યાએ આચરણમાં આસ્થા રાખવાનું સૂચવી જાય છે.'
મહત્તરા શ્રી મગાવતીશ્રીજી
