Page Text
________________
गणिनी आर्यिकारत्न श्री ज्ञानमती अभिवन्दन ग्रंथ
७२३
सभ्यासौम्यसमूहसंगसुरतिः सम्मानवारांनिधिः, मान्या ज्ञानमती मनांसि महतामामोदयन्ती स्थिता ॥ १९ ॥ गुण्योद्गीतगुणा गुणज्ञगणिनी गंगेव गेया गणैः, शान्ता शुभ्रपरिच्छदा च शुचिता शीलादिभिश्शोभिताः । न्यायज्ञा नियमादिनीतिनिपुणा नम्रा प्रणम्या समैः, माता ज्ञानमती महाव्रतवती केषां न वन्द्या भुवि ॥ २० ॥ आत्मोद्धाररतापि सर्वजगतः सन्मार्गसंदर्शिका, सर्वेषामुपकारदत्त धिषणा धर्मध्वजोत्तोलिका । रागद्वेषविमुक्तमुक्तिनिरता निर्धान्तचित्ता तथा, नूनं ज्ञानमतीह भूमिवलये धत्ते विशिष्टं पदम् ॥ २१ ॥ छोटेलालमहोदयेन विहितं यच्चातितीव्र तपः, साधूनां संघोऽपि शुद्धमनसा सम्यक्समाराधितः । जैनेन्द्रोऽपि च पूर्वजन्मनि मुदा सश्रद्धमासेवितः, सत्सर्वस्य फलं विशिष्टतनया तेनेयमासादिता ॥ २२ ॥ धन्योऽभूद् भुवनेषु भद्रजनको वंशो वरः श्रेष्ठिनः, धर्मोपान्तधनस्य धीरमनसो जैनेन्द्रसेवाजुषः । छोटेलालमहोदयस्य सुधियः श्री पितृपादस्य च, धन्यस्यापि सुयोग्य सूनुसुतया श्रीज्ञानमत्या ध्रुवम् ॥ २३ ॥ छोटेलालसुतं प्रसूय सुधिया धन्यं कृतं जीवनम्, धन्यायेन सुकर्मधर्मयशसा पश्चात्कुमारेण च । तस्यैवात्र सुतस्य सन्ततितपः प्रत्यक्षमेवैधते, मुक्तेस्तत्तपसैव तस्य धनिनो द्वारं समुद्घाटितम् ॥ २४ ॥ लोके शुभ्रतमा निगद्यत इयं या शारदी पूर्णिमा, तस्याः कारणमस्ति तत्र शशिनः सर्वोत्तमा चन्द्रिका । श्रद्धाभक्तितपोभवैस्त्वगणितैः श्रीज्ञानमत्या गुणैः, तद्भूतैश्च यशोभिरद्य नियतं भूता विशिष्टास्ति सा ॥ २५ ॥ सौम्या श्रीसुखपाल दासतनुजा पित्रापि संपोषिता, मान्या मोहमदादिदोषरहिता संस्कारयुक्ता तथा । शिक्षां दत्तवती सहव पयसा यस्यै प्रसूमोहिनी, सा नो ज्ञानमती भवेन्नहि कथं ज्ञानात्मिका ज्ञानदा ॥ २६ ॥ छोटेलालमुपेत्य पावनपतिं चित्तानुरूपं सती, सत्तीर्थादिविलोकनादिमुदिता स्वाध्यायशीला तथा । साध्वी सत्पुरुषानुतोषणपरा सत्संगसेवोत्तमा, यस्याः स्याज्जननी भवेन्न तनया सा सर्वसेव्या कथम् ॥ २७ ॥
१. धन्यकुमार सेठ छोटेलालजी के पिता थे। २. सुखपालदासजी मां मोहिनी के पिता थे।
Jain Educationa international
For Personal and Private Use Only
www.jainelibrary.org
| SR No. | 012075 |
| Book Title | Aryikaratna Gyanmati Abhivandan Granth |
| Original Sutra Author | N/A |
| Author | Ravindra Jain |
| Publisher | Digambar Jain Trilok Shodh Sansthan |
| Publication Year | 1992 |
| Total Pages | 822 |
| Language | Hindi |
| Classification | Smruti_Granth |
| File Size | 26 MB |