________________
( 19 ) अण्णइयतणउं तणुरुहु पसत्थु । हस्थिवदाणाल्लियदीहहत्यु । महमत्तवंसधयवडु गहीरु । लक्खणलक्खक्रियवरसरीरु ॥ १७ ॥ दुव्वसण-सीह-संघाय-सरहु । णवियाणहि किं णामेण भरहु ।
॥ पत्ता ॥ आउ जाहुंतहो मदिरु, णयणाणंदिरु, सुकइकइत्तणु जाणइं । सो गुणगणतत्तिल्लउ. तिहअणिमल्लउ, णिच्छउ पइं सम्माणई ॥ १८ ॥ जो विहिणा जिम्मउं कन्वपिंड्डु । तंणिमुणेविसो संचलिउ खंडु । आवंतु दिटु भरहेण केम । वाईसरसरिकल्लोलु जेम ॥ १९ ॥ पुणु तासु तेण विरहउ पहाणु । घरु आयहो अब्भागयविहाणु । संभासणु पियवयणहिं रम्म । णि मुक्कडंभु णं परमधम्मु ॥ २० ॥ तुहुं आयउ णं गुणमणि णिहाणु । तुहुँ आयउ णं पंकयहो भाणु । पुणु एम भणेप्पिणु मणहगई । पहखीणरीणतणुसुहयगई ॥ २१ ॥ वरहाणविलेवणभृसणाई । दिण्णई देवंगइणिवसणाई । अच्चतरसालई भोयणाई । गलियाई जाम कहवय दिणाई ॥ २२ ॥ दवीसएण कइ भणिउं ताम । भोपुम्फयंत समिलिहियणाम । णियसिरिविसेसणिज्जियसुरिंदु । गिरिधीरु वीरु भइरवणरिंदु ॥ २३ ॥ पइमण्णिउं वण्णिउं वीरगउ । उप्पणउं जो मिच्छत्तभाउ । पच्छित्त तामुजइ करहि अन्ज । ता घडइ तुज्झु पग्लोयकज्जु ॥२४॥ तुहुं देउ कोवि भव्वयणबंध । रुएवचरियभारम्स खंधु । अब्भत्थिओसि देदोर्ह तेम । णिविग्घे लहु णिव्वहइजेम ॥ २५ ॥
॥ पत्ता॥
अइललियएं गंभीरपं. सालंकारएं वायएं ता कि किज्जइ । जइ कुसुमसरवियारउ अरुहु भडारउ सब्भावेण थुणिज्जइ ॥ २६ ॥ सियदंतपंतिधवल, कयासु । ताजंपइ वरवायाविलासु । भो देवीणंदण जयसिरीह । किं किज्जइ कव्वु सुपुरिससीह ॥ २७ ॥ गोवजिएहिं णं घणदिणेहिं । सुरवरचावेहिं वणिग्गुणेहिं । मइलियचित्तहिं णं जरघरहिं । छिद्दण्णे सिहिं णं विसहरेहिं ॥ २८ ॥ जडवाइएहिं णं गयरसेहिं । दोसायरेहिं णं रक्खसेहिं । आचाक्खिय परपुट्ठीपलहिं । वरकइ णिदिज्जइ हयखलेहिं ॥ २९॥ जो बालबुड़संतोसहेउ । रामाहिरामु लक्खणसमेउ । जो सुम्मई कहवह विहियसेउ । तासु वि दुजणु किं परेम होउ ॥३०॥
