________________
No II. KHETARIVASI
289
मिच्छत्त-मोहमहणं भव-सायरतरणपवहणं परमं ।
......॥
सयलजयजंतुपत्थियसुहफलया कप्पपायवलय व्य । सग्गापवग्गसंगमनिबंधणं जयइ जिणपूया ।। २ ।। सयलसुहसिद्धिकरणो दुहहरणो पयडपाव-विसहरणो । जिणसासणस्स सारो जयइ सया पंचनमोकारो ॥ ३ ॥ धणओ धणकामीणं कामथीणं च सव्व कामकरो।। दाणाइओ वि धम्मो जिणिंदभणिओ जए जयइ ॥ ४ ॥ भदं सरस्सइए देवीए समणुभावओ जीसे । मंदमई विउसाणं सहासु विउसायए पुरिसो ॥ ५ ॥ आसि सिरिदेवसूरी दुव्वहसीलंगगुणधरो धरणो । उज्जयविहारनिरओ तग्गच्छे तयणु संजाओ ॥ ६ ॥ सिरिनेमिचंदसूरी कोमुइचंदो व्व जणमणाणंदो। तयणु महिवलयपसरियनिम्मलकित्ती विमलचिनो ॥ ७ ॥ समणगुणदुव्वहधुराधारणधोरेयभावमणुपत्तो। सिरिउज्जोयणसूरी सोमतणू सोमदिट्ठी य ॥ ८ ॥ धम्मो व मुत्तिमंतो पयपंकयनासियतमोहो । जसदेवसूरिनामो रवि व्व तव-तेयसा जुत्तो ॥ ९ ॥ दूरविणिजियमयणो रूवेण मणेण सयलगुण निलओ] । आणंदियसयलजणो पवरो पजुन्नसूरिवरो ॥ १० ॥ निविडमुणियदुग्गमकव्वो जीवो व्व वादसत्यत्थो । मुसुमूरियमयमयणो सूरिवरो माणदेवो त्ति ॥ ११ ॥ उद्दामकित्तिसद्दो मणहरदेहो महामई कुसलो । दसणमेत्ताणंदियजिणवयणपउट्ठलोगो वि ॥ १२ ॥ पयडियवरसत्थत्थो मुहसंठियसरस्सइ व्व पडुवयणो । . सिरिदेवसूरिनामो समस्थलोगंमि विक्खाओ ॥ १३ ॥ तह चेव तंमि गच्छे उज्जोयणसूरिणो पवरसीसो । जाओ गुणरयणनिही उवज्झायो अंबदेवो त्ति ॥ १४ ॥ कोमुइमयंकमंडलसोमसरीरस्स संतचित्तस्स । वरमइणो धंमसहोदरेण मुणिचंदसूरिस्स ॥ १५ ॥
37
