________________
245
245
No I. Sangavi PĀDĀ तत्थ य सूरीण परंपराए सिरिअभयदेवसूरि त्ति । विद्दलियवाइदप्पो उप्पन्नो गणहरो वाई ॥ जेण चउरासीवायविजियसंपत्तजयपडाएण । वायमहन्नवगंथो निम्म विउ(ओ) कित्तिगंथो व ॥ तयणु धणेसरसूरी जातो जेणं निरीहपहुणा वि । भोजनरिंदसभाए गहिया वायंमि जयलच्छी ॥ अह अज(जि)यसिंहसूरी अहेसि जेणं धरित्तु वयसुद्धं । घोरं विसयप(पि)वासा-पिसाइया सुट्ठ निग्गहिया ॥ तो वद्धमाणसूरी सुदुद्धरखमाभरुबहण दक्खो। दिकुंजरो व गरओ आसि दिसापावियपइट्टो ।। ठवियं च तेण सिरिदेव-चंदप्पह त्ति सूरिजुगं । सप्पहप्पयासणे जेण सूर-चंदाइयं भवण ।। ताणं च मन्नणिज्जो मुणिवसहो सिस (स्स)लद्धिसंपन्नो। आसी कुलभूसणगणी गच्छधुराधरणधोरेओ ।। जस्सित्थ पउमहत्थो कप्पदुमपल्लवो व जाण सिर । जाओ ते सध(च)विया वलियगीवाए लच्छीए ॥ अह सिरिभद्देसरसूरिगणहरो आसि जस्स चरिएण । लोउत्तरेण अज वि रोमंचिजंति अंगाई। जावज्जीवं एगंतरोववासिम्स [जस्स देसणया।] सिरिउजयंततित्थं सजणसचिवेण उद्धरियं ।। जस्स य आएसेणं संतुयसचिवेण सज्जणे गं व ।। वडउदयं(रं)मि विहिया सवित्थरा गम्यरहजत्ता ।। तत्तो पालियतिखग(क्खग्ग)खग्गधारासरिच्छवय चरिओ । सिरिअजियसिंहसूरी जाओ सबाइसाइगुणो ।। जेणं अविसंगयागमत्थं आगामिणं सुगंते ।। भुवणे ण कस्स चित्तं चमक्कियं दुकहस्सावि ? ॥ तेसिं सिरिभदेसरसूरीहिं पाविओ नियपयंमि । सिरिअजियसिंहसूरीहिं पुण समत्थाण अत्थाणं ॥ वागरण-तक-साहित्त(च)-छंद-सिद्धंत-जोइसाईणं । पारं वच्छलवसेण लंभिओ कालमाणेण ।।
