________________
*
६ ३ प्रतिपची
मनुष्या० सिद्धायत
नाधि० उद्देशः२ सू०१३९
सभाए णं सुधम्माए उत्तरपुरस्थिमेणं एत्थ णं एगे महं सिद्धायतणे पण्णत्ते अद्धतेरस जोयणाई आयामेणं छजोयणाई सकोसाइविक्खंभेणं नव जोयणाई उर्दुउच्चत्तेणं जाव गोमाणसिया वत्तब्वया जा चेव सहाए सुहम्माए वत्तव्वया साचेव निरवसेसा भाणियब्वा तहेव दारा मुहमंडवा पेच्छाघरमंडवा झया थूभा चेयरुक्खा महिंदज्झया णंदाओ पुक्खरिणीओ, तओ य सुधम्माए जहा पमाणं मणगुलियाणं गोमाणसीया घूवयघडिओ तहेव भूमिभागे उल्लोए य जाव मणिफासे॥ तस्स णं सिद्धायतणस्स बहुमज्झदेसभाए एत्थ णं एगा महं मणिपेढिया पण्णत्ता दो जोयणाई आयामविक्खंभेणं जोयणं बाहल्लेणं सब्वमणिमयी अच्छा०, तीसे णं मणिपेढियाए उपि एत्थ णं एगे महं देवच्छंदए पण्णत्ते दो जोयणाई आयामविक्खंभेणं साइरेगाई दो जोयणाई उई उच्चत्तेणं सव्वरयणामए अच्छे ॥ तत्थ णं देवच्छंदए अट्ठसतं जिणपडिमाणं जिणुस्सेहप्पमाणमेत्ताणं संणिखित्तं चिट्ठइ ॥ तासि णं जिणपडिमाणं अयमेरूवे वण्णावासे पण्णत्ते, तंजहातवणिजमता हत्थतला अंकामयाइंणक्खाइं अंतोलोहियक्खपरिसेयाई कणगमया पादा कणगामया गोप्फा कणगामतीओ जंघाओ कणगामया जाणू कणगामया ऊरू कणगामयाओ गायलट्ठीओ तवणिजमतीओ णाभीओ रिट्ठामतीओ रोमरातीओ तवणिजमया चुच्चया तवणिजमता सिरिवच्छा कणगमयाओ बाहाओ कणगमईओ पासाओ कणगमतीओ गीवाओ रिहामते मंसु
॥२३२॥
