________________
* अट्टावयसेलसमं अन्नं ठाणं न अत्थि इह भरहे । अम्हेवि कारवेमो जत्थेरिसजिणहरं रम्मं ॥२२॥
तम्हा इमस्ल रक्खं विलुप्पमाणस्स भाविपुरिसेहिं । चिंतेमो जं अम्हं पुवनरेहिं कयमिमं पि ॥२३॥ इय भणिऊणं गिण्हइ देवसहस्तेणहिट्टियं सुदढं । हत्येण दंडरयणं जण्हुकुमारो तओ तेहिं ॥२४॥ सव्वेहिं सबंधूहिं सहिओ अट्ठावयस्स चउपासं । भामेइ तयं तेण य वियारिया जोयणसहस्सं ॥२५॥ उंडत्तणेण भूमी तत्तो य उवढुयाई भवणाई । नागकुमारसुराणं ते भीया सरणमल्लीणा ॥२६॥ जलणप्पहस्स तेण वि विन्नाया अवहिणा सगरपुत्ता । तो कुविएणाऽगंतुं भणिया रे रे किमाढत्तं ?। किं ठिइलोवं काउं तुम्भेहिं विढत्तमेत्थ ववसाए ? | कसिणाहितंडियाए कंडुयह किमप्पयं अहवा? । अप्पवहाए निययं होइ बलं उत्तुणाण लोयम्मि । नियपक्वबलेणं चिय पडइ पयंगो पईवम्मि ॥२९॥ मग्गहिईइ गुरुणो ण कुणंति अइक्कम जुगंतेऽवि । किं उवलद्धो केण वि मग्गुत्तिन्नो रहो रविणो ॥३०॥
इयरे जं किंचि बलं लहिण समुच्छलंति तुच्छप्पा ।
सम्मं न ठवंति पयं असारपक्खा वि जह सलहा ॥३१।। दुस्सीलेहिं सुएहिं पावइ वयणिजयं पिया वि लहुं । किरणा तवंति लोयं वयइ अदब्वयं सूरो ।३२। कज कुणंति गरुया भमर व्व परस्स अणुवरोहेण | अन्ने उ मूसगा इव कज्जाभावेवि परदुहया ।३३।
|॥३३॥
