________________
बारसजोयणदीहा नव विच्छिन्ना पुरी अउज्झ त्ति । आसि इह भरहवासे निवेसिया अमरनाहेण ॥१॥ धाणककरयले चिय मग्गणया जीइ न उण अन्नत्य । सिरिजिणहराई मोत्तं दीसंति न सावयजणा वि । जियसत्त तीइ निवो जुवराया तह सुमित्तनामो त्ति । बलकेसव व्व अन्नोऽन्नसंगया दोऽवि महिवलयं ।
__ पालंति समग्गं पि हु तत्तो जियसत्तुणो हवइ पुत्तो।
सिरिअजियजिणवरिंदो चउदसवरसुमिणपरिकहिओ ॥४॥ बीयस्स सगरचक्की तहेव वरसुमिणसूइओ जाओ । तत्तो सुमित्तसहिओ जियसत्त् गिण्हए दिक्खं ।५। सिरिअजियजिणवरिंदो राया सगरो य होइ जुवराया । तत्तो य कुमरभावे अट्ठारस पुव्वलक्खाई॥६॥ पुवंगेणऽहियाई रजे तेवन्नपुब्बलक्खाइं । संचिट्ठिऊण तित्थं पवत्तए अजियजिणनाहो ॥७॥ तो बारसमे वरिसे संपुन्ने अजियजिणवरिंदस्स । केवलनाणं जायइ उज्जोइयसयल तियलोकं ॥८॥ सगरो य कुणइ रजं चउदस रयणाई तस्स सिद्धाइं । सयलं च भरहवासं पसाहियं तो तहिं जाओ। विक्खायचक्कवट्टी तो भुजंतस्स तस्स वरभोए । जायाई पहाणाई सट्ठिसहस्साई पुत्ताणं ॥१०॥
१. 'तइलोक्कं-वा०॥
॥३१॥
