________________
भवभावना प्रकरणे
वज्रसारण अनुभूता अवस्था, वैराग्येण स्वीकृता दीक्षा च
तत्तो सोहंताणं ताणं खुद्धस्स वजसारस्स । रयणावली कडीओ पडिया नीओ य सह तीए ॥२२॥ एसो नरिंदपासे वज्झो कुविएण तेण आणत्तो । एत्थंतरे य गेहाउ निग्गओ सो अकहिउंति ॥२३॥ अवसेरीए पट्टीइ आगया तत्थ जणणीभजाओ । दिहो सो ताहिं तओ निजतो वज्झभूमीए ॥२४॥ लोयाओ वइयरे जाणियम्मि तत्तो सदुक्खमेयाओ । आरद्धाउ सकरुणं विविहपलावेहिं पलवे ॥२५॥ विहवन्भंसं का इट्टविओगं च देव्व ! न हु तुट्ठो। एयाए आवईए जमेस अज वितए खित्तो ॥२६॥
नियदविणं देतेणं रेणुसमाणं पि न गणियं जेणं ।
तस्स वि इमा अवत्था हा देव ! कहं तए विहिया ? ॥२७॥ इच्चाइ पलवमाणीहिं ताहिं रोयावियं पुरं सयलं । एत्थंतरम्मि बाहिं नीहरिया कह वि पुन्नेहिं ॥२८॥ अइवल्लहा नराहिवधूया जत्ताए नयरजक्खस्स । तीए पलवंतीओ दतृणं ताओ करुणाए ॥२९॥ पुट्टाउ वइयरं ताहिं साहिओ सो वि सपुरलोयाहिं । अभत्थियाए सव्वेण तह य कुमरीइ पडिवन्नं ॥ जह मोयावेमि इमं आरक्खिनरा य तीइ खणमेगं । पडिसिद्धा तो गंतुं विन्नत्तो गुरुनिबंधेण ॥३१॥ राया चलणेसु विलग्गिऊण मोयाविओ तओ कह वि | सो तीइ तओ बाढं वेरग्गगओ सुणेऊण ॥३२॥ धम्म साहुसयासे जणणीभजाहिं सह वयं घेत्तुं । पञ्चक्खइ सव्वं पि हु अदिन्नदाणाइसावज्जं ॥३३॥
॥ ३९२॥
