________________
भवभावना प्रकरणे
स्पर्शनेन्द्रिय विपाके महेन्द्राख्यानकम्
ॐ तो चिंतइ मह मित्तो सलहिजउ महियलम्मि जो सयलं । नियमालिंगंतो इमीइ संवेयए फरिसं ॥८॥
करमेत्तफरिसणेण वि विहिओऽहमिमीड अमयसित्तो व्व।
सव्वंगफरिससंवेयगस्स किं कुणइ न वि याणे ? ॥९॥ इचाइ चिंतिऊणं तीइ समं सो वियड्ढभणिईहिं । परिहासं कुणइ बहु भाउजाय त्ति छउमेण ॥१०॥ तत्तो अणंगकीडं कुणमाणो अन्नया फरिसलुद्धो । आलिंगइ सव्वंगं तमिमो परिमुक्कपरिसंको ॥११॥ आसेवए य तत्तो निच्चमणायारतप्परो एवं । चिट्ठइ महिंदकुमरो तीइ समं लजपरिहीणो ॥१२॥ मयणो य उज्जुभावो तं दह्र मन्नए न कइया वि । भणइ य भाउजायाइ सह इमो कुणइ परिहासं ॥ धरणिंदो य नरिंदो अणभिन्नो तं कुमारमुद्दिसिउं । रजाहिसेयकजे कारइ पउणं समग्गं पि ॥१४॥ एत्तो महिंदकुमरो गिद्धो 'फासे य चंदवयणाए । न मुयइ अहोनिसिं पि हु नेइ तयं काणणाईसु ॥१५॥ उजाणियामिसेणं चिट्ठइ तत्थ वि य कइवयदिणाणि । एवमुवलद्धपसरण तेण तप्फरिसगिद्धेण ॥१६॥ अवियारियपरिणामेण मयणदेहस्स घायगा रत्तिं । पच्छन्नं पेसविया तेहिं हओ सो य घाएहिं ॥१७॥ रायपुरिसेहिं पत्ता तेवि हुनीया नरिंदपासम्मि । सेहिजंता साहिंति पेसिया तुह सुएणऽम्हे ॥१८॥ १. फासम्मि चं-वा. J. जे०॥
॥३७८॥
